Jerimaia 16:7 - Edo Bible (E Baibol Ẹdo) Version 1996

⁷ A i miẹn ne ọ gha gu ọmwa rri evbare ra ne ọ guee da ne ọ ya fu ẹre ẹko rre vbe ọmwa a wu ẹe. Ne ọ ra mwẹ itohan i rrọọ, ọ gha re te erha wu ọmwa ra iye ọ re ọ wu ẹe.

Jerimaia 16:7 Iomraidhean Croise

Job 42:11

Avbe etẹn e Job nikpia kevbe nikhuo kevbe avbe esiọ re, keghi do gha tuẹ Job. Iran keghi fu ẹre ẹko rre vbe ekpa ọlọghọmwa ne Nọyaẹnmwa mu yan rẹn. Ọkpọkpa vbe uwu iran keghi rhie igho kevbe oroka igoru ne ẹẹn.

Asan-Ibo 4:1

I keghi vbe dọlegbe do ghe avbe emwi hia ni sunu ne ẹ i la ihe vbe agbọn, iran ne a zẹ kpokpo gha viẹ egbe, sokpan a i miẹn ne ọ ru iyobọ ne iran. A i miẹn ne ọ ru iyobọ ne iran rhunmwuda obọ ọghe iran ni zẹ iran kpokpo, ọ re ẹtin khua ghe.

Jerimaia 22:10

Ivbi e Juda, wa ghẹ viẹ Josaia ne Ọba, wa ghẹ khiẹ uwu ẹre. Sokpan wa viẹ eve orriara ne Joahaz ne ovbi ẹre; iran mu ẹẹn kpao, ẹ i ghi werriegbe dee, ẹ i dọlegbe ye aro kan otọe nii ehe ne a na biẹ ọe.

Eve Orriara 1:9

Te a wa rherhe rẹn wẹ ọ ma huan sokpan, rẹn ma zẹ ye emwi ne ọ sunu vbe egbe irẹn. Udemwẹ ọnrẹn kegha re ne ọ mu ohan; ọmwa ne ọ gha sẹtin fu ẹre ẹko rre i rrọọ. Obọ avbe eghian gba ẹre nẹ, Te ọ ghi tu nọ itohan vbe obọ e Nọyaẹnmwa.

Ezikiẹl 24:17

Ghẹ gie a họn vbe u so asukpẹ eve. Ghẹ bannọ uhunmwu yotọ ra ne u ya owẹ kẹkan gha khian zẹ vbe ama akhiẹ. Ghẹ mu emwi gue aro ra ne u rri evbare ne iran ni rre akhiẹ re.”

Hozia 9:4

Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.

Diuteronomi 26:14

I ma re vbọ vbe ẹghẹ a khiẹ, I ma vbe rhie vbọ ladian vbe owa vbe awua gue mwẹ. I ma vbe rhie vbọ ya fi ohan ne avbe orinmwi. I wa ru vbene u khare. Osanobua mwẹ I vbe ru emwi hia ne u khare vbekpa aghae ye ihigbe.