Jerimaia 16:4 - Edo Bible (E Baibol Ẹdo) Version 1996

⁴ Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 16:4 Iomraidhean Croise

II Ọba 9:10

A i khian re Jezibẹl, avbe ekita ọ re ọ ra rri ikun ẹnrẹn vbe abewe Jezrẹl?’ ” Ọ ghi talọ avbe ẹmwẹ na nẹ, akhasẹ igbama nii keghi ladian vbe ughugha nii, ọ na lẹ fua.

Psalm 78:64

Avbe ohẹn wulo uwu dan, a ma vbe gie avbe amwẹ iran khiẹ iran.

Psalm 83:10

U khọn iran muotọ vbe Ẹndọ, ikun iran keghi kẹkẹ ye otọ.

Aizaia 18:6

A gha sẹ ikun avbe ivbiyokuo iran ni wulo rae ne avbe ahianmwẹ kevbe aranmwe oha. Avbe ahianmwẹ ghi gha rri iran vbe ẹghẹ owowo, avbe aranmwẹ oha gha rri iran vbe ẹghẹ okhuakhua.”

Aizaia 5:25

E Nọyaẹnmwa mu ohu emwa irẹn, rẹn vbe niẹn obọ ẹre ladian nẹ ne ọ ya rria iran ikhi. Avbe oke nekhua gha mu rueghe, a gha vbe sẹ ikun avbe emwa ni wulo rae ye adesẹ ore zẹvbe iku, Sevba, ohu e Nọyaẹnmwa i he ye fo ye evba, te ọ gha ye niẹn obọ ẹre ladian ne ọ ya rri iran oya.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 21:6

I gha gbele emwa hia ni rre ẹvbo na, emwa nagbọn kevbe avbe aranmwẹ, emianmwẹ dan gha gbele iran hia.

Jerimaia 25:33

Ọ gha sẹ ẹdẹ nẹdẹrriọ ikun avbe emwa ne Nọyaẹnmwa gbele ghi ye bẹẹrẹ lele otọe ke obọkpa vbe ehe ne agbọn sẹe ya sẹ obọ nọkpa. A i miẹn ne ọ gha khiẹ iran, a i ra vbe viọ iran kpao ne a ya re iran. Ehia gha rre otọ bẹẹrẹ vbe ẹtẹbọ ekẹn nekhui ne a ya ye otọe maa emwiokọ.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 34:20

I gha viọ iran ne avbe eghian iran ni ho ne iran gbele iran an, ahianmwẹ kevbe aranmwẹ oha ọ re ọ ra rri ikun iran.

Jerimaia 36:30

Rhunmwuda ọnii nian, mẹ ne Nọyaẹnmwa tama ruẹn, wẹ ne Jehoiakim ne ọba wẹ, a i ra miẹn ovbuẹ ne ọ gha rriọba yan otọ arriọba e Devid. A gha mu ikun ruẹn fua fi ehe ne ovẹn gha na gha gbe ẹe vbe avan amẹ ghi gha guẹguẹ yan rẹn vbe asọn.

Jerimaia 44:12

Zẹvbe ọghe ivbi e Juda ni ghi kee, ni vbe muegbe ne iran kpao gha rrie Igipt ne iran ya yin odọ nii, I gha miẹn wẹ a fuẹn iran hia a. Iran fẹẹrẹ, ke ni kpọlọ kevbe ni kanmwa, ehia gha wulo vbe Igipt, okuo ma ghi gbele iran an, iran gha khian emwi ne ọ mianmwẹ ughe, emwa gha ya iran gbogiẹ a ghi gha ya eni iran tie ihẹn.

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Jerimaia 9:22

Ikun orinmwi wa tagha lele ehe hia zẹ vbe emwi ne ọ ya otọ khian nọmaa emwiokọ nibun, zẹ vbe ọka ne iran ni rhọ emwiokọ giagia nẹ, iran na sẹ ọe rae, avbe ọka ne ọmwa rhọkpa ma viọ. Ẹmwẹ ne Nọyaẹnmwa wẹ ne I ta ọ re ọnii khin.”

Eve Orriara 4:9

Iran ne okuo gbele ọ re ọ maa sẹ ni do wulo vbe okiekie emwa ne ohanmwẹ hẹko gbele ua vbene evbare i na rrọ ne ọ gha da iran yi ye agbọn.

Ezikiẹl 24:21

Ne I ta ẹmwẹ na ma uwa ne ivbi Izrẹl wẹ Ẹtin Ọgua Osa ọ re uwa ya ghagha, ọ yẹ uwa ne a ghee, kevbe ne a yo, sokpan, e Nọyaẹnmwa ra ru ẹre awua. Avbe igbama ni rre ẹgbẹe uwa ne a ghi sẹrae ye Jerusalẹm, okuo gha gbele ehia.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Zẹfanaia 1:17

E Nọyaẹnmwa khare wẹẹ, “I gha gie emwi nọ wegbe rruan emwa ne agbọn sẹrriọ wẹ edọmwadẹ ọghe ọe ghi gha ye obọ baba odẹ khian zẹ vbe arhuaro. Iran rukhọ ghe mwẹ nẹ, banbanna nian, te a ghi ra gbe esagiẹn iran ye otọ zẹ vbe amẹ, ikun orinmwi iran ghi vbe gha kẹkẹ ua vbe otọ.”

Diuteronomi 28:22

E Nọyaẹnmwa ghi tue emianmwẹ ne ọ ke egbe ẹmwẹ ọkpa la egbe ọmwa ọvbehe ku uwa kevbe egbe ne ọ hinmwian kevbe ọnii, ọ gha ru ẹe ne amẹ ghẹ rhọ ọ ka uwa hia ghi so hie kevbe irhunrhun, ne ọ ya ẹe fuẹn emwiokọ uwa hia a. Ọfuan na ghi gu uwa gha rrọọ wa te ya wulo.

Diuteronomi 28:26

Wa gha wulo, ahianmwẹ kevbe aranmwẹ oha ghi gha rri ikun uwa, a i ra vbe miẹn ọmwa ne ọ gha khulo iran hin rre.