Jerimaia 16:16 - Edo Bible (E Baibol Ẹdo) Version 1996

¹⁶ E Nọyaẹnmwa keghi kha wẹẹ, “I ra gie ne a tie avbe ọgbehẹn nibun, ne iran do munọ avbe emwa na, vbe iyekọnii, I ghi vbe gie ne a tie avbe ohuẹ nibun, ne iran do ru ọba fi iran vbe avbe uhunmwu oke nekhua kevbe negiẹrẹ hia kevbe vbe uwu uvun okuta nekhua.

Jerimaia 16:16 Iomraidhean Croise

Gẹnẹsis 10:9

Vbekpa iyobọ e Nọyaẹnmwa, ọ vbe gha re ohuẹ ne ọ sẹre vbe agbọn, ọna ọ siẹe ne emwa na yae kpitan wẹẹ, “Te Nọyaẹnmwa gha guẹ gha re ohuẹ nọkhua ne ọ ye vbe Nimrọd.”

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 7:19

Iran gha bi la avbe iya ne kpannọkpannọ nii, kevbe avbe uvun okuta, iran gha mama rhu oha igban hia kevbe otọe ne avbe aranmwẹ na rria hia.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 4:29

A ghẹ ghi họn owogho avbe iran ni hin ẹsin ke ni viọ uhanbọ mwẹ dọmwadẹ ọghọe gha lẹ fua. Eso gha lẹ la uwu ẹgbo, eso gha lẹ mu uhunmwu okuta nekhua hin, a gha sẹ dọmwadẹ ẹvbo rae vbe ihoi, a i ghi miẹn ọmwa ne ọ gha diẹe ya ọvbehe.

Jerimaia 49:5

“I gha si ohan ye uwa egbe vbe igienenẹ. Wa hia gha lẹkua. Edọmwadẹ ọghọe gha lẹ ne ọ rhie uhunmwu ẹnrẹn lẹre, a i ghi vbe miẹn ọmwa ne ọ gha dọlegbe si ivbiyokuo uwa koko ne uwa ọvbehe.

Jerimaia 6:9

E Nọyaẹnmwa ne Oghodua keghi tama mwẹ wẹẹ, “A gha bannọ Izrẹl ua fo zẹ vbe azara ne a kọlọ ọmọ rẹn fo nẹ fẹẹrẹ. Rhunmwuda ọnii nian, wa dẹlẹ inu ne ẹtin uwa gha sẹ vbọ werriegbe vbe uwu avbe emwa nii vbene ẹghẹ na he ye rrọ na.”

Eve Orriara 4:18

Eghian mwa kegha baba mwẹ; ohan ma ghi gie ima khian ladian ore. Ẹghẹ mwa gberra nẹ, ufomwẹ rre nẹ.

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Hozia 10:10

I gha dekun emwa orukhọ na, I gha rri iran oya. Avbe uhunmwu ẹvbo gha ku obọ gbe mu aro da iran, a gha vbe rri iran oya ye orukhọ iran nibun ẹsẹse.

Emọs 4:2

Zẹ vbene Nọyaẹnmwa ne Udazi na re nọhuanrẹn, ọ yan nẹ wẹẹ, “Ẹdẹ dee ne a gha ya ẹghọ silo uwa ladian, dọmwadẹ ọghọe vbe uwu uwa gha ye vbe ehẹn ne ọ rre ẹghọe.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Maika 7:2

Ọmwa ẹmwata ọkpa ma ghi ke ẹe vbe otọe nii, ne ọ ye ekhọe ga Osanobua i ghi rrọ. Dọmwadẹ ọghe ọe wa gualọ ehe ne ọ gha na de izigha. Dọmwadẹ ọghe ọe wa ru ohuẹ ovbi ẹvbo ẹre.

Zẹfanaia 1:12

Vbe ẹghẹ ne a kha na, I gha mu ukpa ya gualọ Jerusalẹm. Avbe iran ne ẹko owa iran vuọẹn ke ni ya obọ rra ẹwẹe iran, I gha rri iran oya. Iran ni kha wẹẹ, ‘E Nọyaẹnmwa i ru emwi rhọkpa.’

I Samuẹl 24:11

Ghe o erha mwẹ, ghe osọnmwẹ ẹwu ruẹ vbe ọbo mwẹ! I fian ẹn rhie vbene I ma na gbe uẹ ua. Ọ kere ne ọ ni ya a rẹn wẹ I ma kha ighẹ I gha sọtẹ ruẹ ra ne I ruẹ emwi rhọkpa. A gha rhe miẹn wẹ, te uwẹ khu mwẹ khian ne u gbe mwẹ uan, I ma rukhọ ghe ruẹ.

I Samuẹl 26:20

Ghẹ gia gbe mwẹ uan ye otọe ẹrrẹe, vbe a lahin ehe ne Nọyaẹnmwa ye rre. Vbọzẹ ne ọba Izrẹl na ladian ne ọ do gbe ovbiọkhọe vbene imẹ ye na? vbe ọ ghi ru ọbafi mwẹ khian hẹ yi vbe ne ọ ru ọbafi ahianmwẹ ne oha?”