Jerimaia 15:9 - Edo Bible (E Baibol Ẹdo) Version 1996

⁹ Iyọmọ ne emọ ihinrọn wulo, sahẹ, ọ kegha si ọghọnrọn. Ebi avan ro ẹe. A fa ẹre ua, ọ khuọnmwi emianmwẹ udu I gha gie avbe eghian uwa gbele avbe uwa ni ghi ye rre agbọn vbọ. Mẹ ne Nọyaẹnmwa ta ẹe ne.”

Jerimaia 15:9 Iomraidhean Croise

Aizaia 47:9

Sokpan, vbe ifuanro ọkpa kẹkan, vbe ẹdẹ ọkpa kẹkan, emwi eveva na gha sunu. Egbe ne a rhe ya miẹn ighẹ, u silo ẹbọ ga egbe hia ọdafọn kevbe avbe ivbuẹ gha wulo uẹ.

Jerimaia 19:7

Emwa na I ra na duẹ uma ivbi e Juda kevbe Jerusalẹm hia a, I gha gie obọ avbe eghian iran ke okhunmwu ne iran, iran ghi gbele iran vbe okuo. I ghi viọ ikun iran ne avbe ahianmwẹ kevbe avbe aranmwẹ oha gha re.

Jerimaia 21:7

Sokpan, wẹ kevbe avbe ekhaẹmwẹ ruẹn kevbe avbe emwa ni miẹn uhunmwu vbọ, I gha gie obọ ọba e Nebukiadneza vba uwa ya munọ, kevbe avbe eghian uwa ni ho ne iran gbele uwa a. Nebukiadneza gha gbele uwa a, ẹ i ra vbe sẹ ọkpa rae vbe uwa, ne ọ tohan uwa ra ne ọ lekhue uwa. Mẹ ne Nọyaẹnmwa ọ re ọ tae.”

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Jerimaia 50:12

Sokpan, ẹvbo uwa nọkhua, a gha mu ẹẹn rriotọ, a gha vbe fa ẹre ua. E Babilọn ọ re ọ ghi ra do gha re ẹvbo ne ọ kanmwa sẹẹ ẹvbo vbe uwu ehia; ọ gha do khian ato ne ọ kae ne amẹ i ye.

Jerimaia 6:4

Iran gha kha wẹẹ, “Wa mu egbe ne a dekun e Jerusalẹm. Wa mu egbe! Ma gha dunmwu ẹẹn vbe ogiavan!” Sokpan, iran gha vbe kha wẹẹ, “Ọ kpee gbe nẹ, te ẹdẹ ghi ra mu, te aghọnghọn ota ghi wa tan.

Jerimaia 7:19

Sokpan mẹ ọ re iran gele ye ohu mu ra. Ẹn o, egbe iran ọ re iran ru khọ, iran na vbe gha fa egbe iran an.

Eve Orriara 1:1

U miẹn vbe Jerusalẹm ghi divbiẹ hẹ ẹvbo ne emwa na te hu yo hu rre! Ne otagbọn hia te go wan te ọ ghi ye vbe okhuo ne ọ dẹgbẹ; ẹvbo ne ọ te re ne ọ hin usi sẹẹ ehia do khian ne ọ ghi re ọviẹn.

Eve Orriara 4:10

Ọkhọ ne ọ rruan emwa mwẹ ugborrirri ọ re ọ si rre; iye ni te ho ẹmwẹ emọ kegha le ivbi iran re.

Ezikiẹl 5:12

A gha wa uwa ye ihe eha, ohanmwẹ kevbe emianmwẹ gha gbele obọkpa vbọ ye adesẹ ore ẹvbo, a gha ya umozo giagia obọkpa vbọ ye vbe a ladian ore ẹvbo ne, I gha zagha obọkpa ne ọ ghi kẹe vbọ ku ẹhoho, I ghi ya umozo gha khulo iran khian.

Ezikiẹl 5:13

“Wa gha họn ẹmwẹ obọ ohu kevbe okuosu mwẹ vbe egbe, a te do miẹn wẹ ẹko ẹre vuọn mwẹ. Ena hia ghẹ ghi sunu nẹ, wa ghi do rẹn wẹ te imẹ ne Nọyaẹnmwa gu uwa guan rhunmwuda ohu mu mwẹ ye uyinmwẹ a ma guobọ ọmwa uwa.

I Samuẹl 2:5

Iran ne a koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe ọvbehe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun.