Jerimaia 15:4 - Edo Bible (E Baibol Ẹdo) Version 1996

⁴ I gha ru ẹe ne ohan gbe ku emwa ni rre agbọn, rhunmwuda iran rhunmwuda emwi ne Hẹzekaia ne ovbi e Manasẹ ru vbe Jerusalẹm ẹghẹ re ọna gha ne ọba e Juda.”

Jerimaia 15:4 Iomraidhean Croise

II Ọba 21:1

Ọmọ ukpo iweva ọ re Manasẹ gha khin vbe ọ rriọba e Juda. Ọ keghi ya ukpo isẹnyan ekigbesẹ iyeha (57) vbe ẹkete vbe Jerusalẹm. A kegha tie iye ẹe Hẹfziba.

II Ọba 21:15

I gha ru avbe emwa mwẹ emwi na rhunmwuda iran sẹ ẹmwẹ mwẹ, iran kegha ya ohu mu mwẹ ke ẹghẹ ne avbe erha iran odede ya ladian vbe Igipt gha dee, do sẹ ẹdẹnẹrẹ na.”

II Ọba 21:2

Rẹn keghi lele uviẹn uyinmwẹ ohọhọ ọghe avbe emwa ẹvbo ne Nọyaẹnmwa khulo ladian vbe emwa e Nọyaẹnmwa dee, e Manasẹ na de iyi e Nọyaẹnmwa.

II Krọnikol 33:1

Ukpo iweva ọre Manasẹ gha ye vbe ọ rriọba e Juda, ọ keghi ya ukpo isẹn yan ekigbesiyeha (55) vbe ẹkete vbe Jerusalẹm.

II Krọnikol 33:2

Uyimwẹ ẹwia ne avbe emwa ne Nọyaẹnmwa khulo hin otọe ni rre vbe ivbi Izrẹl dee, ọ re ọ wa lele, e Manasẹ keghi sẹmwẹ e Nọyaẹnmwa.

Jerimaia 24:9

I gha gie ẹe sẹ vberriọ wẹ ẹvbo uhunmwu otọ agbọn hia gha runran. Emwa gha ya iran gbogiẹ, ya iran gbe ọdẹn a ghi vbe gha ya eni iran tie ihẹn vbe eheikehe ne I zagha iran gha rrie.

Jerimaia 29:18

I gha ya okuo ohanmwẹ kevbe emianmwẹ khulo iran, agbọn ẹvbo ni rre agbọn gha runran ye emwi ne iran miẹn. Ehe hia ne I zagha iran gha rrie, emwi ne ọ sunu vbe egbe iran na gha yan emwa hia ni rhirhi miẹn iran unu an. Emwa gha ya iran gha gbogiẹ, a ghi vbe gha ya eni iran tie ihen.

Jerimaia 34:17

Rhunmwuda ọnii nian, mẹ ne Nọyaẹnmwa khare wẹ wa yaan mwẹ zẹ, wa ma fannọ ivbi Izrẹl ne ihua uwa kua. Vbene ọ ghi na ye rrio nian khekherriọ, mẹ gha gie uwa zẹ ne ọ yẹ uwa, ne uwa zẹ wẹ okuo ọ ra gbẹ uwa, ke ohanmwẹ kevbe emianmwẹ. I gha gie avbe uhunmwu ẹvbo otọ agbọn hia runran ye emwi ne I ra ru uwa ẹre.

Jerimaia 9:16

I gha zagha iran lele avbe ehe ne iran tobọ iran ra avbe erha iran odede ma he họn ẹmwẹ ọnrẹn ẹdẹ. I ghi vbe gie ivbiyokuo ne ọ mu aro da iran, rhinrin I te do fuẹn iran an fẹẹrẹ.”

Eve Orriara 1:8

Uyi ne ọ rre ọre egbe fo, te ọ ghi bannuan te a ghi sọnnọẹn. Ọ gha khiẹkhiẹ egbe, te ọ ghi ye ekhue rhie aro lẹre. E Jerusalẹm keghi ya orukhọ dan ya iruẹn wuo egbe.

Ezikiẹl 18:19

“Wẹ sẹtin nọ wẹẹ, ‘Vbọzẹ ne ọmọ i ra na rri oya ye orukhọ ne erha ẹe ru yi?’ Ewanniẹn ne ọ rrọ ọrọre wẹ ovbi ẹre yin uyinmwẹ ne ọ gbae kevbe ne ọ hẹnhẹn, ọ rhie avbe uhi mwẹ mwẹ, ọ keghi vbe gha ru ẹe khian hẹnnẹ hẹnnẹ, rhunmwuda ọnii, te ọ gha diagbọnya.

Ezikiẹl 23:46

Vbenian ọ re e Nọyaẹnmwa ne Udazi khare, “Wa viọ otu ni si ọbọbọ ẹrhia gha dee ne iran do runran iran kevbe ne iran vbe do iran emwi hẹ.

Levitikọs 26:33

I gha mu okuo da uwa. I gha zagha uwa a lele otọe ọrriọvbe. Otọe uwa ghi khian ne a lẹ sẹrae, ẹvbo uwa ghi vbe rẹnkhẹn uan.

Diuteronomi 28:25

E Nọyaẹnmwa ghi gie eghian uwa gha khọn miẹn uwa otọ. Wa gha la odẹ ọkpa mu igbinna gie iran, sokpan wa ghi la odẹ ihinrọn lẹ hin ehe ne iran ye rre. Afianma ghi gha fian emwa ni rre agbọn hia vbe iran a miẹn emwi ne ọ sunu vbe egbe uwa.

Diuteronomi 28:64

“E Nọyaẹnmwa ghi zagha uwa lele agbọn ẹvbo. hia ke obọ ọkpa vbe ufomwẹ agbọn yasẹ obọ nọkpa, evba wa ghi na ya gha ga ẹbọ ne a ya okuta kevbe erhan ru, avbe ẹbọ ne uwa, ra avbe erha uwa odede ma he ga ẹdẹ.