Jerimaia 15:3 - Edo Bible (E Baibol Ẹdo) Version 1996

³ “Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 15:3 Iomraidhean Croise

Psalm 68:23

Ne uwa miẹn ehe na tubu vbe uwu esagiẹn iran, kevbe ne avbe ekita uwa vbe lalọ vbọ vbe ne iran ho.”

Aizaia 18:6

A gha sẹ ikun avbe ivbiyokuo iran ni wulo rae ne avbe ahianmwẹ kevbe aranmwe oha. Avbe ahianmwẹ ghi gha rri iran vbe ẹghẹ owowo, avbe aranmwẹ oha gha rri iran vbe ẹghẹ okhuakhua.”

Jerimaia 12:9

Te emwa mwẹ ne I hannọ zẹ ye vbe ahianmwẹ ne avbe ahua khu khian ke igienenẹ rre. Tie avbe aranmwẹ oha rre, ne iran do deba iran vbe ihe evbare ọbọbọtizọ nii!

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Jerimaia 14:16

Erriọ ọ re a ra vbe gbele iran ne iran talọ avbe ẹmwẹ na ma. A gha filo ikun iran ku adesẹ ore Jerusalẹm, a i vbe miẹn ọmwa ne ọ gha re iran. Emwi ne ọ ra rruan iran hia ọ re ọna khin, ya sẹ egbe avbe amwẹ iran, ivbi iran nikpia kevbe ivbi iran nikhuo. I gha ru ẹe ne iran ha osa ekhọe dan iran.”

Jerimaia 16:4

Emianmwẹ ne ọ mu ohan ọ re ọ ra gbele iran, a i vbe miẹn ọmwa ne ọ ra khiẹ ra ne ọ ra re iran. Ikun iran gha lele otọ zẹ vbe emwi ne a ya kọ emwiokọ ne ọ na kakabọ maa, a gha gbele iran vbe okuo ra ohanmwẹ gha gbele iran an, ikun iran gha khian evbare ne avbe ahianmwẹ kevbe aranmwẹ oha.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Eve Orriara 3:11

Ọ khu mwẹ la uwa oha, ọ yanghaan mwẹ uan, ọ keghi sẹẹ mwẹ rae.

Ezikiẹl 14:21

Vbenian ọ re Nọyaẹnmwa ne Udazi khare: “I gha gie emwi ne I ya rri emwa oya enẹ ni khọ sẹ gha rrie Jerusalẹm, ena ọrọre okuo, ukhunmwu, aranmwẹ akọn, kevbe emianmwẹ, ne I ya fuẹn emwa nagbọn kevbe avbe aranmwẹ ba ẹre.

Ezikiẹl 33:27

“Tama iran wẹ mẹ ne Nọyaẹnmwa ne Udazi tama iran wẹ omwa vbe ne aro na dae wẹ mẹ ọrọre Osanobua ne ọ rrọ, te a ra gbele iran ni rre ẹvbo ne a rẹnkhuan nii hia a. Aranmwẹ oha gha rri iran ni rre avbe igue, emianmwẹ gha gbele iran ni lẹre ye uvun okuta kevbe avbe uhunmwu oke.

Levitikọs 26:16

I gha rri uwa oya. I gha si ọkhọ yan uwa uhunmwu, emianmwẹ ni i mwẹ ukhunmwu kevbe emwirraro ne ọ gha rhu uwa aro, kevbe ne ọ gha ya uwa gha rri ororo. Wa gha kọ emwiokọ uwa sokpan ẹ i ra ma ne uwa rhunmwuda eghian uwa gha khọn miẹn uwa otọ, iran ghi rri emwi ne uwa kọ ẹe.

Levitikọs 26:22

I ghi gie aranmwẹ oha dan la uwu uwa, iran ghi gha gbele avbe ivbi uwa, iran gha fuẹn avbe ẹmila uwa a, wa ne ọ gha sẹ rae ghi gha re ibozẹghẹ sẹrriọ wẹ a i ghi ra gha miẹn emwa vbe urodẹ rua.

Levitikọs 26:25

I ghi si okuo yi uwa egbe ne I ya rri uwa oya ye ne uwa na rhie obọ gberra ile ne ima gba ta, wa na ya si egbe koko ye ẹvbo uwa ne obọ ghẹ vba uwa, I ghi gie emianmwẹ nẹ i mwẹ ukhunmwu gie uwa, ẹ i re aro sẹẹnrẹn wa gha ya de ye igue vbe odaro avbe eghian uwa.

Emọs 5:19

Te ọ ra yevbe ne ọmwa lẹ ne oduma, ọ na dekun akpakomiza! Ra ọmwa ne ọ lẹ la owa, ọ na rhie obọ yan ekẹn, ẹyẹn keghi sa a ẹe.

Diuteronomi 28:26

Wa gha wulo, ahianmwẹ kevbe aranmwẹ oha ghi gha rri ikun uwa, a i ra vbe miẹn ọmwa ne ọ gha khulo iran hin rre.

Diuteronomi 32:24

Ohanmwẹ kevbe emwirraro gha gbele iran an, emianmwẹ ne ọ mu ohan gha gbele iran an, I gha gie aranmwẹ akọn ne ọ gha gu iran khọn, kevbe ẹyẹn ne ọ mwẹ obi nọ ọ gha ho iran ẹmwẹ

Arhie Maan 6:8

I ghi tọn aro mu, I keghi bẹghe ẹsin ne egbe ẹre fua banbanban. Iran kegha tie ọmwa ne ọ hin ẹnrẹn khian, “Uwu.” Ẹrinmwi erhẹn keghi wa gha lele ẹre usomwẹ owẹ khian. A keghi rhie asẹ ne iran yan obọ ọkpa vbe vbe a gha wa agbọn ye ihe enẹ, ne iran ya umozo kevbe ukhunmwu kevbe emianmwẹ, kevbe avbe aranmwẹ ni khọ ni rre otọ agbọn, gbele emwa.