Jerimaia 14:4 - Edo Bible (E Baibol Ẹdo) Version 1996

⁴ Rhunmwuda ne amẹ ma na rhọ, te otọ hia ghi kaka, udu gha kpe avbe ọgbugbo.

Jerimaia 14:4 Iomraidhean Croise

Jerimaia 2:37

Wa gha kpa hin ehe ne Igipt ye rre, wa ghi ye ekhue mu uhunmwu yan izabọ. Mẹ ne Nọyaẹnmwa he iran ne uwa mu ẹtin yan nẹ. Wa i ra miẹn ọ maa okpa rhie vbe obọ iran.”

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Joẹl 1:11

Wa gha khiẹ, wa ne avbe ọwẹe wa gha viẹ, wa ni gbearoghe ogba azara rhunmwuda avbe ọka kevbe ọka irhuarhua, ya sẹ egbe emwiokọ nekpa hia, a dunmwu ehia a nẹ.

Joẹl 1:17

Emwiokọ wulo ye uwu otọe nọkae. Ọka ne a gha viọ hin rre i rrọọ rhunmwuda ọnii, avbe erru ne emwi i ye, khian ni la ọrhiae rrie.

Levitikọs 26:18

“Deghẹ a ghi miẹn wẹ vbe iyeke ena hia, wa ma ye họn ẹmwẹ mwẹ, I gha fian ukhukhu ihinrọn ba oya ne uwa gha re.

Emọs 4:8

Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Diuteronomi 29:23

Oha ghi khian ehe ọrhiae ne ọ dihoi rua ne ugbofi kevbe umwẹ lẹ rhu, a i kọ emwi yọ, irunmwu i ra vbe zọ vbọ. Otọe uwa ghi yevbe avbe ẹvbo e Sọdom kevbe Gomorra, zẹ vbe Adma ke Zẹboim, ne e Nọyaẹnmwa dunmwu an vbe ohu kakabọ mu ẹẹn.