Jerimaia 14:3 - Edo Bible (E Baibol Ẹdo) Version 1996

³ Avbe iran ni fe gha gie eguọmwadia iran ne iran ya sa amẹ rre, iran yo uhae nibun sokpan amẹ i rrọọ, iran keghi viọ uru ohogha gha die owa, egbe wọ iran, iro han iran, iran keghi viọ aro lẹre rhunmwuda ekhue.

Jerimaia 14:3 Iomraidhean Croise

II Samuẹl 15:30

E Devid keghi mu Oke Ọliv hin, ọ kegha viẹ khian, ọ ma viọ ibata ye owẹ, sokpan ọ keghi mu ukpọn rhu uhunmwu gha khiẹ. Iran ni lelẹe khian hia keghi vbe viọ ukpọn rhu uhunmwu, iran na gha viẹ.

II Samuẹl 19:4

Ọba keghi mu emwi gue aro, ọ na kakabọ gha viẹ wẹẹ, “Ẹta ovbi mwẹ! Absalọm ne ovbi mwẹ! Absalọm ne ovbi mwẹ!”

I Ọba 17:7

Ọ ghi kpee kherhe, ovbi ẹzẹ nii keghi ka rhunmwuda ne amẹ ma na rhọ nii.

II Ọba 18:31

Wa ghẹ danmwehọ e Hẹzekaia, Ọgbaisi ọghe Asiria wẹ ne uwa ladian ke ore ẹvbo uwa gha dee ne uwa viọ egbe uwa ye irẹn obọ, a gha gie uwa rhọ emwiokọ uwa, ne uwa gha re ne uwa gha da, ne uwa vbe gha samẹ wọn vbe uhae uwa,

Ẹsta 6:12

E Modekai keghi werriegbe gha rrie onurho ẹguae, vbene Haman na zẹgiẹ gha rrie owa. Ekhue keghi mu ẹẹn sẹrriọ wẹ te ọ ghi viọ obọ gue aro.

Job 6:20

Sokpan, idaehọ iran wulo ye ọkpẹn ẹzẹ ne ọ kae.

Psalm 109:29

Te a gha ye efa yọ iran ne eghian mwẹ ẹwu; te iran gha mu efa iran yọ zẹ vbe agbada ẹwu.

Psalm 40:14

Te obọ gha ke ukhunmwu ne iran ni ho ne iran gbe mwẹ uan te iro gha han iran. Iran ni ghọghọ ye ọlọghọmwa ne I ye, te a gha khulo iran werriegbe ne avbe fa iran an.

Jerimaia 14:4

Rhunmwuda ne amẹ ma na rhọ, te otọ hia ghi kaka, udu gha kpe avbe ọgbugbo.

Jerimaia 15:18

De emwi ne I rrioya khian ba? Vbọzẹ ne ẹwẹn mwẹ i na mwẹ ukhunmwu? Vbọzẹ ne iran i na rrie? Te uwẹ ho ne u hiẹ mwẹ ra zẹ vbe ẹzẹ ne ọ kae vbe ẹghẹ uyunmwu?”

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:37

Wa gha kpa hin ehe ne Igipt ye rre, wa ghi ye ekhue mu uhunmwu yan izabọ. Mẹ ne Nọyaẹnmwa he iran ne uwa mu ẹtin yan nẹ. Wa i ra miẹn ọ maa okpa rhie vbe obọ iran.”

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 3:3

Ọnii ọ re ọ sii ẹe ne a na wẹ ne amẹ ghẹ rhọ, ne amẹ ahọ orhọ ma na ghi rhọ. Te uwe wa yevbe ebabotu, ekhue i vbe mu ẹẹn.

Eve Orriara 4:4

Iran gie ohanmwẹ kevbe ovbamẹ gbele iran emọ uan ibiẹka gha vbu evbare khian, vbe ne a i na miẹn ne ọ gha rhie ne iran.

Hozia 2:3

Adeghẹ ọ ma dobọyi, I gha bannọ ọẹn ruan ye irhunmwuirhun, egbe ne ọ gha ye vbe ẹdẹ ne a biẹ ọe. I gha ru ẹe ne ọ khian otọe ne ọ kae kevbe ne ọ dihoi rua. Ohanmwẹ amẹ ghi gbẹe rua.

Joẹl 1:20

Uhin ighe te avbe aranmwoha vbe tu tie ruẹ rhunmwuda, avbe ẹzẹ kae.

Emọs 4:7

Ẹghẹ ne ọ wa kei ne amẹ na rhọ ye emwiokọ uwa. I keghi dobọ amẹ yi ne ọ ghẹ rhọ. I gha gie amẹ rhọ vbe ẹvbo ọkpa, I i ghi vbe gie ẹe rhọ vbe nọkpa.

Emọs 4:8

Amẹ ghi rhọ ye ugbo ọkpa, sokpan nọkpa ghi kaka a. Emwa ne ohanmwẹ amẹ gbe ya khian ne vburriẹ vburriẹ ghi ke ẹvbo nibun gha die ẹvbo ọkpa ne iran rhie aro yi wẹ iran gha na miẹn amẹ wọn, sokpan amẹ ne ọ gha sẹ iran wọn i rrọ. Sevba, wa ma ye bu mwẹ rre.

Zẹkaraia 14:17

A deghẹ uhunmwu ẹvbo ọkpa ma ga e Nọyaẹnmwa ne Oghodua zẹ vbe ọba, amẹ i rhọ ye otọ iran.