Jerimaia 14:2 - Edo Bible (E Baibol Ẹdo) Version 1996

² “Juda rre akhiẹ avbe okpẹvbo ẹre hia wulo khian, emwa rẹn lovbiẹ lele otọ iran gha khiẹ, e Jerusalẹm gha go gualọ iyobọ.

Jerimaia 14:2 Iomraidhean Croise

Job 34:28

Iran ghi ru ovbiogue ne iran ya tu nọ Osanobua iyobọ, rẹn keghi họn utumwẹ iyobọ, ne iran tu tie ẹre.

Psalm 144:14

Te ẹmila mwa gha biẹlẹ gba erhan gba irri, vbene ẹ i na zọrua ra ne ọ wi. Ai gha vbe miẹn okuo eve vbe idunmwu mwa.

Ẹksọdọs 2:24

Ọ keghi ghe ikhiẹkhiegbe iran, ọ na ye ile ne ọ gu Ebraham ta rre kevbe Aizik kevbe Jekọb.

Aizaia 15:5

Orhiọn mwẹ wa viẹ ne Moab. Emwa ni rrọ lẹẹ gha rrie Zoa kevbe Eglat Siekisiya. Eso lẹẹ la odẹ Luhit, iran viẹ khian, eso lẹẹ gha rrie Horonaim, iran gha kporhu eve khian:

Aizaia 24:11

Emwa gha go vbe adesẹ ẹvbo rhunmwuda wẹ ayọn ighi rrọọ. Oghọghọ fo ẹdẹdẹmwẹdẹ, a wabọ ẹre ua hin otọe ni rre.

Aizaia 24:4

Agbọn na kae, ọ vbe luẹluẹ otọ agbọn khian ne mitanmitan, otọ kevbe iso, ehia kẹkẹ ua.

Aizaia 24:7

Erhan azara hia luẹluẹ, te ayọn ghi vbee. Emwa hia ne ẹko te ka rhiẹnrhiẹn yi, khian ne ẹko ghi rriara.

Aizaia 3:26

Avbe onurho ẹvbo gha khiẹ, iran ghi vbe gha viẹ, nene ore ẹvbo tobọ ẹre ghi yevbe okhuo ne ọ bannọ uan, a na mu ẹẹn tota ye otọ kẹkan.

Aizaia 33:9

Otọe khian ne a i ghi na gbe ugbo, emwa lẹ hin ehia rre. Ẹgbo e Lebanọn luẹluẹe. Iya e Sairọn ne ọ te maa emwiokọ khian ne ọ ghi yevbe ato, ebe khakha kua vbe erhan ni rre Basian kevbe Oke Kamẹl.

Aizaia 5:7

Izrẹl ọrọre ogba azara ọghe Nọyan ne Oghodua; emwa e Juda ọrọre azara ne ọ kọ yọ. Rẹn te rhie aro yọ ne iran gha ru emwi ne ọ maa, sokpan, iran kegha do izigha. Rẹn te rhie aro yọ ne iran gha ru emwi ne ọ gbae, sokpan, emwa ne obọ iran vbare kegha tu wẹ ne a bu ohiẹn ẹmwata.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 12:11

Iran ya ẹe khian otọe ne ọ gbe ẹvbi ọ wa dihoi rua ye odaro mwẹ, otọe ni hia wa khian ato, a ma vbe miẹn ọmwa ne ọ zẹ yọ.

Jerimaia 12:4

Inu ẹghẹ ọ re otọe mwa ra ye hiahia a hia la? Ne irunmwu ni rre oha hia ra na luẹluẹ? Aranmwẹ kevbe ahianmwẹ gha wulo, rhunmwuda ekhọe dan ọghe emwa ima, iran ni kha wẹẹ, “Osanobua i dẹghe emwi ne ima ru.”

Jerimaia 18:22

Gie otu ọkhọ ya fu iran emwi viọ vbene iran ma na họn yotọ. Gie iran viẹ rhunmwuda ohan nọkhua. Iran tọn uvun yotọ khẹ mwẹ ne I de yọ, iran keghi vbe khuẹn ifi khẹ mwẹ wẹ ne ọ mu mwẹ.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Jerimaia 46:12

Agbọn ẹvbo họn efa ne ọ rruan uwa nẹ, agbọn hia họẹn vbe uwa viẹ. Ovbiyokuo ọkpa ghi ya owẹ rri ọvbehe gberra iran eveva ghi dele gbe otọ.

Jerimaia 8:21

A guọghọ mwẹ ogiudu ua rhunmwuda a guọghọ emwa mwẹ uan te I ghi khiẹ, ehia yan mwẹ unu uan.

Eve Orriara 2:8

E Nọyaẹnmwa wa tae nẹ wẹ te ekẹn e Zaiọn gha de guọghọ ua. Ọ keghi mwa ẹnrẹn ne a miẹn ehe na miẹn wẹ, te a fuẹn ọnrẹn fo fẹẹrẹ. Ke owa ọkhẹ kevbe ekẹn ọnrẹn, itowa ehia ghi khin.

Eve Orriara 2:9

Iku siẹẹn rhu onurho ẹre ginna otọ a dunmwu ogba ni rro rẹnkhẹnrẹnkhẹn. Ke avbe ọha kevbe egbesẹmwegie hia iwe ọ re iran hia ghi ye. A i ghi ma emwa nene Uhi ọvbehe avbe akhasẹ ighi miẹn umian ke ehe ne Nọyaẹnmwa ye rre.

Eve Orriara 5:10

Te ohanmwẹ ghi ya egbe mwa tọn ne oni a te miẹn wẹ te ikpakpa egbe mwa ghi tọn vbe aroewu.

Hozia 4:3

Rhunmwuda ọnii, otọe nii gha kakaa, emwi hia ni rrọọ gha vbe wulo. Avbe aranmwẹ oha hia, kevbe avbe ahianmwẹ kevbe avbe ehẹn, ehia gha wulo.”

Joẹl 1:10

Ugbo hia dihoi rua; otọe gha khiẹ, rhunmwuda, a dunmwu avbe ọka a, avbe alimo ayọn kaka a avbe erhan oliv vbe luẹluẹ.

Joẹl 1:11

Wa gha khiẹ, wa ne avbe ọwẹe wa gha viẹ, wa ni gbearoghe ogba azara rhunmwuda avbe ọka kevbe ọka irhuarhua, ya sẹ egbe emwiokọ nekpa hia, a dunmwu ehia a nẹ.

Joẹl 1:14

Wa ta ẹe wẹ ne emwa gha rrie aguẹ wa tie emwa si koko! Wa si avbe ọkaolotu, kevbe ivbi e Juda hia, koko ye uwu Ọgua Osa, ọghe Nọyaẹnmwa ne Osanobua uwa, ne uwa kpe tie ẹre.

Joẹl 2:6

Iran gha dee, ohan ghi gha mu emwa hia, edọmwadẹ ọghe ọe ghi reghe aroa vbe uhunmwu.

Hagai 1:11

“I gie amẹ nọkhua mu vbe otọe nii, vbe uhunmwu oke ẹre, ohọka ẹre, ogba aranmwẹ oha, kevbe emwi hia ne a ghi miẹn rhọ ẹre emwiokọ vbe otọ.”

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

I Samuẹl 5:12

Iran ni ma wulo vbọ, uruvba keghi munọ iran. Iran kegha datie ẹbọ iran ne ọ do yi iran obọ.

I Samuẹl 9:16

“Vbe odẹ ẹghẹ na akhuẹ, I gha gie okpia ọkpa ke uniẹn e Bẹnjamin bu ruẹ rre, u ghi nọnọ ori ye ọre uhunmwu zẹ vbe ne ọkhaemwisẹ yan avbe emwa mwẹ, rẹn ọ ra sinmwi iran hin obọ emwa Filistin rre. I miẹn usẹ ne emwa mwẹ sẹ, I vbe họn eve ne iran viẹ ye ẹmwẹ iyobọ.”