Jerimaia 13:6 - Edo Bible (E Baibol Ẹdo) Version 1996

⁶ Ọ ghi kpẹ kherhe, e Nọyaẹnmwa keghi tama mwẹ wẹ ne I gha rrie Yufretes ne I ya rhie utalawẹ nii.

Jerimaia 13:6 Iomraidhean Croise

Jerimaia 13:5

I keghi rhunmwuda ọnii gha khian ya viọ iran lẹre ye ọkpẹn Yufretes.

Jerimaia 13:7

Ẹre I na gha khian, I ghi sẹ ehe ne I rhie ẹre lẹre yi, I keghi miẹn sẹẹ, ọ wa rhia, ẹ i zẹdẹ ghi maa hiehiere.

Ezikiẹl 10:1

I keghi tọn aro mu ya ghe emwi ne ọ yevbe ekharha ne a fi ne ọ rre odukhunmwu avbe emwi ne a yi ni ma he wu nii, vbe odukhunmwu iran, emwi okpa ne ọ yevbe ẹkete ne a ye okuta ighobioye e safaia ru ke gha rrọọ.

Joẹl 2:2

Ẹdẹ akhiẹ ne ọ so ebiebi ra gha nọ, ẹdẹ nekhui ne ọ vuọn ne okuku. Oghẹn irhiso nọkhua ye egbe dee, zẹ vbe ne ebiebi hẹko so yan uhunmwu oke. A ma he miẹn emwi ne ọ khọ ẹe ẹdẹ, a i ra vbe dọlegbe miẹn emwi ne ọ khọ ẹe ọvbehe.

Arhie Maan 16:9

Owowo ọhanabe ni kegha giẹn emwa uan, iran keghi ya ẹbọ yan eni Osanobua ọmwa ne ọ mwẹ asẹ vbe uhunmwu avbe egboghogbogho na hia, sokpan iran ma zobọ vbe orukhọ, ne iran rhie urhomwẹ ne ukpọlọmwẹ ọnrẹn.