Jerimaia 12:9 - Edo Bible (E Baibol Ẹdo) Version 1996

⁹ Te emwa mwẹ ne I hannọ zẹ ye vbe ahianmwẹ ne avbe ahua khu khian ke igienenẹ rre. Tie avbe aranmwẹ oha rre, ne iran do deba iran vbe ihe evbare ọbọbọtizọ nii!

Jerimaia 12:9 Iomraidhean Croise

II Ọba 24:2

E Nọyaẹnmwa keghi gie otu ni gbalọ abẹkpẹn vbe ivbi e Babilọn gha dee, e Siria, Moab kevbe Amọn, ne iran do dunmwu e Juda a, zẹ vbene Nọyaẹnmwa la unu avbe akhasẹ ta ẹe wẹ rẹn gha ru ẹe.

Aizaia 2:11

Ẹdẹ dee ne a gha dobọ itengbemu ọmwa nagbọn yi, a ghi vbe fuẹn uhiomwẹ ọmwa nagbọn uan. Ẹghẹ nii, a ghi do tọn e Nọyaẹnmwa mu.

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 56:9

E Nọyaẹnmwa tama avbe uhunmwu ẹvbo ọvbehe nẹ wẹ ne iran gha dee zẹ vbe aranmwẹ akọn ne iran do gbele emwa irẹn re.

Jerimaia 15:3

“Mẹ ne Nọyaẹnmwa ta ẹe nẹ wẹ emwi ohan enẹ ọ re ọ ra rruan iran; a gha gbele iran vbe okuo, ekita gha silo ikun iran gha rrie, ahianmwẹ gha rri iran, aranmwẹ oha ghi rhie ni ghi kẹe.

Jerimaia 2:15

Iran vannọ mu ẹẹn zẹ vbe oduma, iran ya otọe ẹre khian ato, avbe okpẹvbo ni rrọ khian itowa ne emwa na lẹ kpao fẹẹrẹ.

Jerimaia 34:20

I gha viọ iran ne avbe eghian iran ni ho ne iran gbele iran an, ahianmwẹ kevbe aranmwẹ oha ọ re ọ ra rri ikun iran.

Jerimaia 7:33

Ikun iran ghi gha re evbare ne avbe ahianmwẹ kevbe avbe aranmwẹ oha, ai ra vbe miẹn ọmwa ne ọ gha khulo iran hinrre.

Eve Orriara 1:17

“I niẹn obọ ladian, sokpan, a ma miẹn ne ọ yọmwẹ obọ. E Nọyaẹnmwa tie oguo avbe eghian yọmwẹ egbe vbe igienenẹ; iran keghi ru mwẹ emwi oya vbe ekẹkhẹrhẹ.

Ezikiẹl 34:5

Rhunmwuda ighe nene ohuan i mwẹ ne ọ su ẹe, iran keghi zagha kua, aranmwẹ akọn kegha gbele iran re.

Arhie Maan 17:16

Igho igbe ne u dẹghe, kevbe aranmwẹ oha nii gha do gha khu iwu ebabotu nii, iran gha viọ emwi ne ọ mwẹ hia kpao, iran ghi sẹ ọe rae ye irhunmwirhuan. Iran gha rri efun egbe ẹre, iran gha ya erhẹn giẹn uan.