Jerimaia 12:5 - Edo Bible (E Baibol Ẹdo) Version 1996

⁵ E Nọyaẹnmwa keghi kha wẹẹ, “E Jerimaia, a deghẹ egbe emwa nagbọn ne a rhulẹ lele wọ ruẹ, vbe u a ra ya sẹtin rhulẹ lele ẹsin hẹẹ? A deghẹ u ma sẹtin mudia vbe ore ẹvbo, vbe u a gha na sẹtin mudia vbe ọkpẹn Jọdan hẹ.

Jerimaia 12:5 Iomraidhean Croise

I Krọnikol 12:15

Vbe uki ne okaro ọghe ukpo ọkpa, ne Ẹzẹ e Jọdan na ro kpa ku oke, iran keghi fian ẹzẹ ni rra, iran na vẹ emwa ni rre iya ni kua ke odẹ ahọ ke odẹ orrie ọghe ẹzẹ ni.

Itan 24:10

U gha ye gha vburriẹ vbe ẹghẹ asobọyegbe, evburriẹ ne evburriẹ ọ re u gele wa khin.

Itan 3:11

Ovbi mwẹ, e Nọyaẹnmwa gha dia ruẹ, kakabọ danmwehọ, u ghi vbe rhie ẹre zẹ vbe ẹmwẹ ne a tama ọmwa yotọ.

Jerimaia 11:21

Ivbi Anatọt te ho ne a gbe mwẹ, uan. Iran keghi tama mwẹ wẹ iran gha gbe mwẹ uan deghẹ I ye gha wewe uhunmwu ne Nọyaẹnmwa gie khian.

Jerimaia 26:8

Ọwarọkpa vbe I ghi wa taa ẹmwẹ ne Nọyaẹnmwa tama mwẹ wẹ ne I ta fo nẹ iran ke gua mwẹ rhie, iran na gha go kha wẹẹ, “Te ọ kere ne a gbe uẹ ua ba ọnọna.

Jerimaia 36:26

Ẹre ọ na wẹ ne Okoro ighe Jeramil, kevbe Seraia ne ovbi Azriẹl kevbe Sielemia ne ovbi Abdil munọ imẹ kevbe ọgbenbe mwẹ ighe Barọk, sokpan, e Nọyaẹnmwa keghi viọ ima lẹre.

Jerimaia 49:19

Zẹ vbe oduma ne ọ ke uwa ẹgbo Ẹzẹ Jọdan ladian la uwu oha ne aranmwẹ na rria ne ọ bii nunuunu, I gha rre ne ivbi Idọm ye ugbugbe lẹ hin ẹvbo iran rre. Ẹghẹ nii, ọkaolotu ne imẹ zẹe ghi ghi do gha khaemwisẹ yan avbe uhunmwu ẹvbo. De ọmwa ne a gha ya gie mwẹ yi? De ọmwa ne ohan gha gie ẹe si mwẹ evẹn? De ogie ne ohan gha gie ẹe gbe odan ghe mwẹ?

Jerimaia 50:44

“Mẹ ne Nọyaẹnmwa gha ke uwu ẹgbo ladian zẹvbe oduma, vbe ẹkpo e Jọdan kevbe otọe ne avbe aranmwẹ na rria, I ghi ru ẹe ne ivbi e Jọdan ya ugbugbe lẹ hin ẹvbo iran rre, ẹghẹ nii, ọkaolotu ne I zẹe, gha kha yan otọe nii. De ọmwa ne uwa ra ya gie mwẹ yi? De ọmwa ne ohan gha gie ẹe gunmwẹ suan yi?

I Pita 4:12

Ọse mwẹ ni ghan, wa ghẹ gie edanmwẹ nọwegbe ne uwa miẹn ẹghẹ na, yan uwa unu uan, zẹ vbe emwi ne a ma he miẹn ẹdẹ.