Jerimaia 12:3 - Edo Bible (E Baibol Ẹdo) Version 1996

³ Sokpan wẹ rẹn mwẹ Nọyaẹnmwa; wẹ miẹn emwi ne I ru, kevbe vbene I ho ẹmwẹ ruẹn hẹ. Silo avbe emwa dan na gha khian zẹ vbe avbe ohuan ne a ra gbele ua. Gha baba iran ọ te sẹ ẹghẹ ne a gha ya gbele iran an.

Jerimaia 12:3 Iomraidhean Croise

II Ọba 20:3

“E Nọyaẹnmwa, yerre, ekhọekekhọe mwẹ ọ re I ya ye ẹkoata gha gaa kevbe wẹ, ẹghẹ hia ọ re I ya gha hia ne I ru emwi ne u rhirhi a wẹ ne I ru.” Ọ keghi suẹn gha viẹ eve orriara.

I Krọnikol 29:17

Mẹ rẹnrẹn wẹ te uwẹ danmwẹ ekhọe edọmwadẹ ọghọe ghe, ẹko ruẹ vbe rhiẹnrhiẹn emwa ne ekhọe ne ọ huanrẹn kevbe ne ọ re ọghe ẹmwata. Ẹko ẹmwata ọre I ya ye ekhọe obọ mwẹ viọ emwi na hia guẹ. Ọ vbe miẹn vbene emwa ni si koko ye emwa na vbe ya ẹko ọyẹnmwẹ viọ emwi ihaoko guẹ.

Job 23:10

Sevba, Osanobua rẹn dọmwadẹ owẹ ni I zẹ vbotọ. Ọ gha danmwẹ mwẹ ghe, ọ gha miẹn wẹ, I i mwẹ iruẹn.

Psalm 11:5

Rẹn ọ re ọ ghe ọmwa esi, ke ọmwa dan vbe abọ ọkpa ni. Ọ kakabọ khuiwu iran ne ẹi mu uhi sẹ.

Psalm 139:23

Gualotọ mwẹ Nọyaẹnmwa, ne u rẹn vbene ekhọe mwẹ ye hẹ; danmwẹ mwẹ ghe, ne u rẹn iro ekhọe mwẹ.

Psalm 17:3

U gba ekhọe mwẹ. Wẹ ka bu mwẹ rre yi vbe asọn, u gualọ otọ mwẹ fo fẹẹrẹ. U ma vbe miẹn iho emwi dan vbe uwu ekhọe mwẹ, I ma ta ẹmwẹ dan.

Psalm 26:1

Bu asẹ mẹ, Osanobua, rhunmwuda mẹ ru vbene ọ kei yi I keghi mu ẹtin yan ruẹn fẹfẹẹfẹ.

Psalm 7:9

Osanobua ẹmwata ọ re uwẹ khin, wẹ keghi vbe bu ohiẹn iro ne ima zẹ, kevbe emwi ne ima ho. Dobọ emwi dan avbe emwa dan yi. Ne u vbe san avbe emwa esi ẹse.

Jerimaia 15:15

Ẹghẹ nii ọ re imẹ na kha wẹẹ, “E Nọyaẹnmwa, wẹ rẹn vbene emwi yẹ hẹ. Ye mwẹ rre ne u yọmwẹ obọ. Gun mwẹ sẹtin rria iran ni zẹ mwẹ kpokpo ikhi. Ghẹ ziengbe ne obọ iran gba mwẹ ya rhie gbe ua yerre wẹ rhunmwuda ruẹ ọ re a na rhovbiẹ mwẹ.

Jerimaia 17:16

Sokpan, mẹ ma kha wẹ ne u gie ọkhọ rruan iran Nọyaẹnmwa. Mẹ ma vbe kha wẹ ne iran miẹn ibaro. E Nọyaẹnmwa, wẹ rẹn ọnọna, wẹ rẹn ẹmwẹ ne I tae.

Jerimaia 17:18

Fa iran ni kpokpo mwẹ uan, sokpan gie ẹe la mwẹ ban Nọyaẹnmwa. Ye ohan vuọn iran, sokpan, ghẹ runran mwẹ. Gie ọkhọ rruan iran, ne u dunmwu iran rẹnkhẹnrẹnkhẹn.

Jerimaia 20:12

Sokpan, e Nọyaẹnmwa ne Oghodua wẹ danmwẹ emwa ghe vbene ọ kei yi; wẹ rẹn emwi ni rre ekhọe kevbe ẹko iran. Rhunmwuda ọnii, gun mwẹ miẹn vbe u rria avbe eghian mwẹ ikhi, rhunmwuda, wẹ ọ re I rhie ẹdagbọn mwẹ ye ọre obọ.

Jerimaia 48:15

A fuẹn Moab kevbe avbe okpẹvbo ni rrọ ua nẹ a gbele avbe igbama ni mose ni rrọ ua. Mẹ ọrọre ọba, e Nọyaẹnmwa ne Oghodua, I vbe guaan nẹ.”

Jerimaia 50:27

Wa gbele ivbiyokuo iran hia a! Wa rẹnkhẹn iran! Ọghe ivbi e Babilọn fo vbotọ! Ẹghẹ sẹ nẹ ne a gha ya rri iran oya!”

Jerimaia 51:4

“Obọ gha vba iran, iran ghi vbe wulo ye adesẹ ore ẹvbo iran.

Iyẹn ne ọ Maan Ọghe Jọn 21:17

Ukpogieha, Jesu vbe kha wẹẹ, “Saimọn ne ovbi e Jọn, wẹ ho ẹmwẹ mwẹ?” Ẹko ma ghi rhiẹnrhiẹn e Pita ye ne Jesu na nọ rẹn ukpogieha wẹẹ, “wẹ ho ẹmwẹ mwẹ ra?” Rẹn tama rẹn wẹẹ, “Nọyaẹnmwa, wẹ rẹn emwi hia, wẹ rẹnrẹn ighẹ I ho ẹmwẹ ruẹn.” Jesu khama rẹn wẹ, “Gha gbe aro ghe avbe ohuan mwẹ.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.

II Pita 2:12

Egbe ne ọ ma ọmwa emwi, ọre iran na lele ru emwi zẹ vbene iran wa ye ighẹ avbe aranmwẹ oha ne a biẹlẹ ne a miẹn gha mu gbele re. Iran ghi gha ya ukpẹ sakan emwi ne iran ma rẹn otọ ẹre. Te a ra fuẹn iran hia, zẹ vbe aranmwẹ oha.