Jerimaia 12:2 - Edo Bible (E Baibol Ẹdo) Version 1996

² U gbọ iran, iran keghi zẹlẹ inian iran wan rẹn, iran keghi mọ. Ẹghẹ hia iran ya so eni ruẹn ne ọ maa sevba, iran i mobọ zẹ ye uwẹ re.

Jerimaia 12:2 Iomraidhean Croise

Job 24:12

Iran ne a kuanrẹn kevbe ni wulo khian, gha tulo vbe avbe ore nekhua, sokpan, Osanobua i zẹ ye erhunmwu iran.

Job 5:3

I miẹn avbe akpa eso, ne ọ yevbe ne ẹkun wa sẹ ọre otọ yi. Sokpan, i keghi tie ihẹn udomwurri ye owa iran.

Psalm 37:35

I rẹn ọmwa dan ọkpa ne akuobisi yi, ọ kevbe hin yan emwa hia zẹvbe isida e Lebanọn.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Jerimaia 11:17

“Mẹ ne Nọyaẹnmwa ne Oghodua ọ re ọ kọ Izrẹl kevbe Juda, sokpan, banbanna nian te I ghi ya ọkhọ yan ma iran, iran ọ re ọ ye obọ iran si ọna ye egbe iran egbe, rhunmwuda, iran ba emwi ku ru, iran ye ohu mu mwẹ, vbekpa ne iran na gha zọ ese ghe Baal.”

Jerimaia 3:10

Vbe iyeke ena hia, e Juda ne okhuo ne ọ ma guobọ ọdọ ne ọtẹn Izrẹl keghi ye ọvọvo bu mwẹ gha dee, ọ ma sẹ ọ re otọ ẹko hiehiere. Mẹ ne Nọyaẹnmwa ọ re ọ tae.”

Jerimaia 45:4

“Sokpan, mẹ ne Nọyaẹnmwa, avbe emwi ne I te ka bọlọ hia, I gha siẹn ehia sotọ, avbe emwi ne I te gbọọ hia, I gha silo iran vbọlọ. Te I ra ru emwi na la otọ agbọn hia.

Ezikiẹl 33:31

Rhunmwuda ọnii, emwa ghi vẹ rre do danmwehọ uhunmwu ne u gie rre; sokpan, iran i ru emwi ne u tama iran ne iran ru. Iran ka ẹmwẹ ruẹn ye akiyẹyẹ, iran ghi gha yin uyinmwẹ orriarria iran khian.

Hozia 7:14

Iran ma he ya ekhọe ẹmwata na erhunmwu ghe mwẹ ẹdẹ, ne iran gha na te ru vberriọ, iran keghi dele gbotọ, iran keghi gha go zẹ vbene iran ni ga ẹbọ ru ẹe. Iran gha na erhunmwu ye ẹmwẹ ọka kevbe ayọn, iran ghi gha giagia egbe iran, zẹ vbene iran ni ga ẹbọ ru. Erriọ avbe miẹn emwa ni sọtẹ ra!

Habakọk 1:13

Sokpan, vbe uwẹ ra sẹtin ziengbe avbe igbẹki ne emwa dan na hẹ yi? Aro ruẹ huan gbe ne ọ gha sẹtin ghe ọkhọ, wẹ i vbe sẹtin gha ghe ughe vbe emwa a gha ru emwi dan, vbọzẹ ne uwẹ na hunwan yi vbe iran dunmwu emwa ni maa sẹ iran an?

Matiu 15:8

“ ‘Osanobua khare wẹẹ, Ukpunu iran na ya rho mwẹ sokpan ekhọe iran khian rrei mẹ ẹsẹse.

Iyẹn ne ọ Maan Ọghe Mak 7:6

Jesu zẹ wanniẹn iran wẹẹ, “Ẹmwata ọre Aizaia wa ta vbe ẹmwẹ ne ọ guan vbe ekpa uwa. Emwa ẹkẹ vbe iwẹnwẹn wa khin zẹẹ vbene ọ gbẹn ọẹn. “ ‘Osanobua khare wẹẹ, Ukpunu avbe emwa na ya ye ọghọ mẹ, sokpan ekhọe iran khian rrei mẹ.

Taitọs 1:16

Iran ghi gha ye unu kha ighẹ iran rẹn Osanobua, sokpan uyinmwẹ iran ghi gha kha ighẹ ohoghe nọ. Iran ghi vuọn ne ẹkokhọmwẹ, iran i họn ẹmwẹ, iran i vbe sẹtin ru emwi ne ọ maa rhọkpa.