Jerimaia 11:5 - Edo Bible (E Baibol Ẹdo) Version 1996

⁵ “Ẹghẹ nii, I gha do mu ẹẹn sẹ ighe eyan ne I yan ma avbe erha iran odede wẹ, I gha mu otọe esi nii ne ọ maa emwiokọ, ne iran ye na ne iran.” Mẹ keghi kha wẹẹ, “I họẹn, Nọyaẹnmwa.”

Jerimaia 11:5 Iomraidhean Croise

II Krọnikol 6:17

Rhunmwuda ọnii nian, e Nọyaẹnmwa ne Osanobua Izrẹl, gie emwi hia ne u yan ma e Devid ne ọguọmwadia ruẹ gele sẹ.

Psalm 105:8

Ọ gha rhie ile ẹre mwẹ ẹdẹdẹmwẹdẹ, kevbe eyan rẹn ne orre arriaisẹn.

Ẹksọdọs 13:5

E Nọyaẹnmwa wa yan ma avbe erha uwa wẹ rẹn gha mu otọe Kenan, otọe Hiti kevbe Amọri kevbe Hivi kevbe Jebus ne uwa. Otọe ne rọkhọ ne ọ maa emwi okọ wa nọ. Ọ gha ghi viọ uwa sẹ otọe nii nẹ, wa ghi gha ru emwiukpo na vbe nene uki ne okaro ukpukpo.

Jerimaia 19:12

I yaan nẹ ighe I gha ye ẹvbo na kevbe emwa ni rrọọ khian vbene Tofẹt ye.

Jerimaia 28:6

“Ogiemwi! I yayi ighe e Nọyaẹnmwa gha gele ru vberriọ! Iyayi ighe ọ gha gele gie ẹmwẹ ruẹn sẹ ne ọ viọ avbe emwiewe Ọgua Osa hia werriegbe ke Babilọn rre deba avbe emwa hia ne iran viọ ẹre oghunmwu kpao.

Jerimaia 32:22

U mu otọ esiesi ne ọ maa emwiokọ na ne iran zẹ vbene u ve avbe erha iran odede re.

Levitikọs 20:24

Sokpan mẹ ve uwa otọ esiesi ne ọ maa emwi okọ na nẹ, ne ọ gha re ọghe uwa, I gha rhie ẹre ne uwa. Mẹ ọ re Nọyaẹnmwa Osanobua uwa. Te I hannọ uwa ladian hin uwu avbe ẹvbo nekpa rre.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

I Kọrinti 14:16

A deghẹ orhiọn ruẹn ọkpa ọre u ya kpọnmwẹ Osanobua, vbe ọmwa kẹkan ne ọ deba ruẹ rre ugamwẹ gha ghi na gbe Isẹ hẹ ye erhunmwu ra ekpọnmwẹ ruẹn? Vbene ọ ra ya rẹn otọ ẹmwẹ ne u guan ẹ i rrọọ.

Diuteronomi 6:3

Wa rhie ehọ yọ wa ne ivbi Izrẹl, ne uwa vbe gha ya iran ruemwi! Ẹghẹ nii, agbọn gha ma uwa, wa ghi do khian okpẹvbo nọkhua, wa ghi vbe gha yin otọe esiesi ne ọ ma emwi okọ, zẹ vbene Nọyaẹnmwa ne Osanobua avbe erha mwa odede yan rẹn.