Jerimaia 11:16 - Edo Bible (E Baibol Ẹdo) Version 1996

¹⁶ Vbe ẹghẹ ọkpa, I keghi tie iran erhan ohọ ne ọ vuọn ne ọ vuọn ne ebe kpọtọ kpọtọ kevbe ọmọ ne mose mose, sokpan I gha davan vbe avan nukhunmwu ne I ya mu erhẹn ye ebe ẹre, I ghi vbe guọghọ ẹre abọ kua.

Jerimaia 11:16 Iomraidhean Croise

Job 8:16

Emwa dan ghi zọ zẹ vbe irunmwu vbe uwu ovẹn, zẹ vbe irunmwu ne ọ rhu gba ogba hia.

Psalm 52:8

Sokpan, mẹ yevbe erhan oliv, ne ọ wan ladian vbe owa Osanobua ahoẹmwọmwa rẹn ne ẹ i beghe ọ re imẹ mu ẹtin yan ẹdẹ kevbe ẹdẹdẹmwẹdẹ.

Psalm 80:16

Avbe eghian mwa mu erhẹn yọ, iran kevbe tọn ẹn gbotọ, ya ohu ghe iran, ne u fuẹn iran an.

Psalm 80:17

Rhie emwa ruẹn ne u hannọ zẹ lẹre, ne u vbe degue iran, uhunmwu ẹvbo ne uwẹ ya wegbe ẹsẹse.

Psalm 83:2

Ghe avbe eghian ruẹn si otighi, iran ni khuiwu ruẹ vbe sọtẹ.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Jerimaia 2:21

I kọ uwa zẹ vbe azara ne a ya họn ọghe ọmọ erhan ne ọ maa sẹẹ ehia. Sokpan, ghe emwi ne uwa ghi do khian te uwa ghi yevbe azara ne ọ kẹkẹe, ọ na vbe rhiara.

Jerimaia 21:14

Sokpan, I gha rrio oya ye emwi ne u ru. I gha mu erhẹn ye ẹguae ruẹ, erhẹn ni gha giẹn emwi ni lẹga ẹre hia sotọ. Mẹ ne Nọyaẹnmwa ọ re ọ tae.”

Jerimaia 7:20

Rhunmwuda ọnii, mẹ ne Nọyaẹnmwa ne Udazi gha gie ohu mwẹ ne ọ mwẹ ọghae hihiẹn yan Ọgua Osa na. I gha hihiẹ ọe yan emwa nagbọn kevbe avbe aranmwẹ oha, uhin ya sẹ egbe erhan kevbe emwiokọ. Te ohu mwẹ ra ye vbe erhẹn na i miẹn ọmwa ne ọ gha sẹtin dọ ẹre yọ.

Hozia 14:6

Iran gha wan yọ vbe ọghọgbọn iran gha mose zẹ vbe erhan oliv. Iran gha winhin zẹ vbe sida e Lebanọn.

Matiu 3:10

A rhie ughanmwa yan dọmwadẹ erhan ẹzi nẹ, erhan ne ọ ma ghi mọ ọmọ esi, a gha tọn ẹn gbe otọ, a ghi giagia ẹe hẹku erhẹn.

Iyẹn ne ọ Maan Ọghe Jọn 15:6

Ọmwa ne ọ ma di uwu imẹ ya, a gha mu ẹn fi fua zẹ vbe abọ, ọ ghi vbe kaka, a gha si egbe abọ vberriọ koko, a ghi hẹ ku erhẹn, a ghi giẹn ọnrẹn uan.

Diuteronomi 28:40

Erhan ọliv gha zọ gba ehe hia vbe otọ uwa, sokpan wa i khian gha mwẹ ofigbọn ọliv rhunmwuda ọmọ ọliv ni gha khuọn kua.

Arhie Maan 11:4

Avbe osẹe eva na ọrọre avbe erhan ohọ kevbe ukpa eva ni mudia vbe odaro e Nọyan agbọn.