Jerimaia 10:7 - Edo Bible (E Baibol Ẹdo) Version 1996

⁷ De ọmwa ne ẹ i ra ya ọghọ ne uẹn, ọba avbe uhunmwu ẹvbo, hia? U sẹe ne a yọghọ na ọmwa ne ọ ye vbe ruẹ i rrọọ, vbe uwu avbe umẹwaẹn uhunmwu ẹvbo hia, ra vbe uwu avbe ọba iran.

Jerimaia 10:7 Iomraidhean Croise

II Ọba 17:39

Mẹ ne Nọyaẹnmwa ne Osanobua uwa ọre uwa gha họn ẹmwẹ na, ẹghẹ nii mẹ gha miẹn uwa fan hin obọ avbe eghian uwa hia rre.”

I Krọnikol 16:25

E Nọyaẹnmwa kpolo, ne a kakabọ rho nọ te a ra gha rhie uyi ne ẹẹn sẹ avbe ẹbọ hia.

Ẹsta 1:13

Zẹ vbene ọba ru ẹe, emwi ne ọ ghi dekan ẹmwẹ uhi kevbe emwi uhẹn nẹ, te ọ nọ iran ni rẹn emwi dinmwi ẹsẹse vbene iran roro ẹe yi, rhunmwuda ọnii, ọ keghi gie ne a tie iguọbaziro ẹre, emwa ni gha rẹn vbene a gha ru emwi na hẹ.

Psalm 147:5

Nọkhua ke ne ọ mwẹ ẹtin ọ re Osanobua mwa khin; ai sẹtin gie ẹwaẹn ẹnrẹn.

Psalm 22:28

E Nọyaẹnmwa ọrọre ọba, rẹn ọ kha yan avbe uhunmwu ẹvbo.

Psalm 47:3

Ọ gie ima khọnmiotọ vbe uhunmwu avbe emwa nii: ọ ya ima gha khaemwisẹ yan avbe uhunmwu ẹvbo.

Psalm 72:11

Avbe ọba hia gha vbẹrre vbe odaro ẹre; avbe agbọn ẹvbo hia gha ga ẹe.

Psalm 76:7

Sokpan, emwa hia ọ re ọ mu ohan ruẹn Nọyaẹnmwa, ohu gha mu uẹn omwa okpa i rrọ ne ọ gha sẹtin mudia vbe odaro ruẹ.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Psalm 86:9

Uhunmwu ẹvbo ne uwẹ he yi hia, gha rre do ya uhunmwu rhanmwẹ otọ nuẹn iran gha rho ukpọlọmwẹ ruẹn.

Psalm 89:6

Ọmwa ne ọ ye vbe ruẹ irre ẹrinmwi Nọyaẹnmwa, avbe ekamakodin ẹrinmwi ne ọ re ne uwa gba re ọkpa i rrọ.

Ẹksọdọs 8:10

Ọba keghi tama rẹn wẹẹ, “Na erhunmwu mẹ akhuẹ.” E Mosis na kha wẹẹ, “Ọ gha wa sẹ, vbene u khare ne u miẹn ehe na rẹn wẹ ẹbọ ọkpa irrọ ne ọ ye vbe Nọyaẹnmwa ne Osanobua mwa.

Ẹksọdọs 9:14

Vbe ẹghẹ na nian, wẹ tobọ ruẹ ọre I gha rri ọre oya, deba ekhaẹmwẹ ruẹn, kevbe emwa ruẹn ne u miẹn ehe na rẹn wẹ ọmwa ne ọ yevbe mwẹ i rre agbọn na hiehiere.

Aizaia 2:4

Ọ gha dọlọ avbe uhunmwu ẹvbo nekhua kugbe. Iran gha ya umozo iran dunmwu emwi ne ọ yevbe ẹguẹ kevbe asoro iran, iran gha ya dunmwu ikhu. Avbe uhunmwu ẹvbo ighi khọn okuo ọvbehe iran ighi mu egbe okuo ọvbehe.

Jerimaia 10:6

Nọyaẹnmwa, a i miẹn ọmwa ne ọ ye vbe ruẹ; wẹ kpọlọ ẹsẹse, eni ruẹn kpọlọ, ọ vbe mwẹ ẹtin.

Jerimaia 5:22

Mẹ ọrọre Nọyaẹnmwa vbọzẹ ne uwa i na ya ọghọ mẹ? Vbọzẹ ne uwa i na guọ vbe odaro mwẹ? Mẹ ọ re ọ mu uzekhae ya ru ehe ne uwu okun lae. Uwu etẹbitẹ ne irẹn i sẹtin fian rra. Okun sẹtin gha vba kua sokpan, ẹ i sẹtin gberra, ulẹmwẹ okun sẹtin gha davan, sokpan ẹ i sẹtin hae gberra.

Daniẹl 2:27

E Daniẹl keghi wanniẹn wẹẹ, “U gha tọ u kpẹre, Umogun, azẹn ọkpa i rrọọ, ra ọbo edunna, ra ọbiro ra iwe uki, ne ọ gha sẹtin ta ọnii ma ruẹn.

Daniẹl 2:28

Sokpan, Osanobua ọkpa ne ọ rhie emwi oro ma emwa rre ẹrinmwi. Rẹn tama ruẹn nẹ emwi ne ọ ra do sunu ẹdẹnakhuẹ. Umogun. Banbanna nian, I ra ta imina nii nu u miẹn vbe u vbiẹ ma ruẹn.

Habakọk 3:2

E Nọyaẹnmwa, I họọn emwi ne u ru, ohan wa mu mwẹ. Banbanna nian, vbe ru vbe ẹghẹ ima, avbe emwi nikpọlọ ne u te ka ru ẹkpo nẹdẹ. Ye vbe mwẹ itohan a gha rhe wẹ te ohu mu ẹẹn.

Zẹkaraia 2:11

Ọ gha sẹ ẹghẹ nii, uhunmwu ẹvbo nibun gha bu e Nọyaẹnmwa rre iran ghi khian emwa rẹn. Rẹn gha yin ehe ne uwa ye, wa gha vbe rẹn wẹ rẹn ọ re ọ gie mwẹ bu uwa gha dee.

Malakai 1:11

Ke ehe ne agbọn sẹe vbe obọ na ya sẹ ehe ne ọ sẹe vbe obọ nọkpa, te emwa hia ya ọghọ mẹ. Ehe hia iran na giẹn eturari mẹ, iran ghi vbe gha zọ ese ne ọ gia rhan obọ miẹn. Te iran hia wa rhie ọghọ mẹ.

Iyẹn ne ọ Maan Ọghe Luk 12:5

I gha ta ọmwa ne uwa gha a mu ohan rẹn ma uwa. Wa mu ohan Osanobua na a miẹn wẹ ọ gha gbe nẹ, ọ yevbe mwẹ ẹtin ne ọ ya mu orhiọn fi ẹrinmwi ne ehianmwẹ ivin. I tama uwa, wa mu ohan rẹn!

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

Jọsua 4:24

Rhunmwuda ọnọna, emwa hia ni rre agbọn na gha rẹn ẹtin ọghe Nọyaẹnmwa, wa ghi vbe gha ya ọghọ ne Nọyaẹnmwa Osanobua uwa ẹdẹdẹmwẹdẹ.”

Arhie Maan 11:15

Odibosa ne ogihinrọn keghi fian okpe ọghọe re, a keghi họn urhu ni vannọ vbe ẹrinmwi kha wẹẹ, “Ẹtin ne a ya khaemwisẹ yan agbọn na, Nọyaẹnmwa kevbe Mẹzaia ẹre, ọre ọ ghi yan rẹn nian, ọ gha vbe gha khaemwisẹ ẹdẹ kevbe ẹdẹdẹmwẹdẹ.”

Arhie Maan 15:4

Nọyaẹnmwa, de ọmwa ne ẹ i ra mu ohan ruẹn? De ọmwa ne ẹ i ra kha ighẹ ne ọ kpọlọ wẹ khin? Rhunmwuda, wẹ ọkpa kẹkan ọre ọ huanrẹn. Agbọn ẹvbo hia gha rre, iran ghi do ya uhunmwu rhanmwẹ otọ vbe odaro ruẹ. Rhunmwuda, iran hia miẹn uyinmwẹ ẹmwata ruẹ.”