Jerimaia 10:18 - Edo Bible (E Baibol Ẹdo) Version 1996

¹⁸ Nọyaẹnmwa ra filo uwa kua hin otọe na rre, ọ khian rẹnkhẹn uwa a rhinrin a te do miẹn wẹ ọkpa ma ghi kẹe vbe uwu uwa. E Nọyaẹnmwa tae nẹ.

Jerimaia 10:18 Iomraidhean Croise

Aizaia 22:17

U sẹtin gha re ọmwa kpataki, sokpan, Nọyaẹnmwa gha gua a rhie, ọ ghi fi ọ fua.

Jerimaia 16:13

Rhunmwuda ọnii, I gha filo uwa kua hin otọe na rre, gha rrie ẹvbo ne avbe erha uwa odede kevbe uwa tobọ, uwa ma rẹn. Evba wa gha na ya gha gho avbe ẹbọ ọvbehe ke avan ke asọn, I i ra vbe tohan uwa hiehiere.’ ”

Jerimaia 22:26

I gha sua uwẹ vbe iye uẹ gha rrie iwe, Wa gha kpao gha rrie ẹvbo ne ẹ i re ne a na biẹlẹ uwa, evba wa eveva ra na wulo.

Jerimaia 23:20

Ẹ i ra vbe dobọyi vbe ọ te do ru emwi ne ọ wẹ rẹn ra ru hia fo. Ọ gha sẹ ẹdẹ ne ọ dee, emwa rẹn gha wa rẹn emwi ne a ya ọna kha ẹsẹse.”

Ezikiẹl 6:10

Iran gha rẹn wẹ mẹ ọrọre Nọyaẹnmwa kevbe wẹ, ẹmwẹ ne I tama iran yotọ khẹ ọ dee i zẹdẹ re orhuọ ifianyanegbe hiehiere.”

Zẹfanaia 1:17

E Nọyaẹnmwa khare wẹẹ, “I gha gie emwi nọ wegbe rruan emwa ne agbọn sẹrriọ wẹ edọmwadẹ ọghe ọe ghi gha ye obọ baba odẹ khian zẹ vbe arhuaro. Iran rukhọ ghe mwẹ nẹ, banbanna nian, te a ghi ra gbe esagiẹn iran ye otọ zẹ vbe amẹ, ikun orinmwi iran ghi vbe gha kẹkẹ ua vbe otọ.”

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”

Diuteronomi 28:52

Iran gha mu igbinna la ẹvbo hia ni rre otọe nii ne Nọyaẹnmwa Osanobua rua ra mu ne uwa, avbe ekẹn ne a gbe ni yo ne a ya ru ọkhẹ ne uwa mu ẹtin yan gha de rẹnkhẹn uan.

I Samuẹl 25:29

Adeghẹ ọmwaikọmwa vbe dekun ruẹn, ọ na wẹ rẹn ra gbe ua, e Nọyaẹnmwa, Osanobua ruẹ gha rhie ruẹ lẹre, zẹ vbene ọmwa rhie emwi ighobioye lẹre. Zẹ vbe ọghe avbe eghian ruẹn, vbene ọ rhirhi a gha ye hẹ, e Nọyaẹnmwa gha filo iran kua zẹ vbe ne ọmwa ye umọvọn filo okuta kua.