Jerimaia 10:11 - Edo Bible (E Baibol Ẹdo) Version 1996

¹¹ (Ọ kere ne uwa tama iran wẹ avbe ẹbọ ni i re ni yii otọ vbe ukhunmwu, a gha guọghọ iran an. Iran i ghi khian gha rrọ vbe ehe rhọkpa vbe agbọn na.)

Jerimaia 10:11 Iomraidhean Croise

Psalm 96:5

Amazẹ ọ re ẹbọ avbe emwa nekpa khin, sokpan, e Nọyaẹnmwa ọ re ọ yi ẹrinmwi.

Aizaia 57:12

Wa ro wẹ emwi ne uwa ru gbae, sokpan, I gha vẹ uwa uhe ua, avbe ẹbọ uwa i ra vbe sẹtin ru iyobọ ne uwa.

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 43:12

I gha mu erhẹn ye avbe, owa ẹbọ ni rre Igipt, a deghẹ ọba e Babilọn ma ghi giẹn iran ẹbọ rua, ọ gha hẹ iran gha rrie. Zẹ vbene ọsuohuan rhọ imi hin ukpọn rẹn rre fẹẹrẹ, erriọ ọ re ọba e Babilọn ra rhọ otọ Igipt fo, ọ ghi kpao ke irẹn kevbe akhọnmiotọ.

Jerimaia 43:13

Ọ gha guọghọ okuta ne a ma ẹẹn ọghe ighobioye ne ọ rre Heliopolis vbe Igipt, ọ ghi giẹn avbe aro ẹbọ ni rre Igipt sotọ.’ ”

Jerimaia 50:2

“Na iyẹn ni ma avbe uhunmwu ẹvbo hia! Ya ẹe go! Mu igiemwi ẹnrẹn ladian ne u vbe ya ẹe na iyẹn! Ghẹ rhie ẹre lẹre zẹ vbe emwi oro! E Babilọn dee guọghua nẹ! E Madok ne ẹbọ ne ọ gho, a duẹ ọre ua nẹ! A fa iran an ighẹ avbe amazẹ e Babilọn! Avbe emwi ne a mannọẹn ne ọ hu ọmwa ẹko, a dunmwu ehia a!

Jerimaia 51:18

Iran i vbe mwẹ esa, emwi ne a zan nọ. Ẹghẹ ne Nọyaẹnmwa gha na ru iran emwi, a gha fuẹn iran an.

Eve Orriara 3:66

Zọ uhio owẹ iran, ne u gie iran gbẹro vbe agbọn na!”

Ezikiẹl 30:13

E Nọyaẹnmwa ne Udazi khare wẹẹ, “I gha guọghọe rua ighe avbe amazẹ kevbe avbe ẹbọ ohoghe ni rre Mẹmfis. A i ghi ra miẹn ọmwa ne ọ gha khaemwisẹ yan Igipt, I gha vbe runran avbe emwa nii hia.

Zẹfanaia 2:11

E Nọyaẹnmwa gha runran iran. Ọ gha ye avbe ẹbọ ni rre agbọn khian kẹkan fẹẹrẹ, ẹghẹ nii, avbe uhunmwu ẹvbo ghi do gha ga ẹe, dọmwadẹ ọghọe vbe ẹvbo ẹre.

Zẹkaraia 13:2

Vbe ẹghẹ ne a kha na, I gha viọ eni avbe ẹbọ hin otọe na rre, a i ghi miẹn ọmwa ne ọ gha ye iran rre ọvbehe. I gha rhie ẹre fua ighe ọmwaikọmwa ne ọ rhirhi kha ighe akhasẹ rẹn khin, I gha vbe gbe ukhu ẹre ua ighe ne a na ho ne a gha gho ẹbọ.

Arhie Maan 20:2

Ọ keghi gua Ugbogiorinmwi nii rhie, nene ẹyẹn nẹkporriọ ne a tie ẹre Esu ra Setan, ọ keghi mu ẹn gba la ukpo arriaisẹn.

I Samuẹl 5:4

Vbe owiẹ vbirrivbirri vbe ẹdẹ ne ọ vbe lele ẹe, iran ghi do ghe amazẹ nii vbe dọlegbe de vbe odaro Ẹkpẹti Ile ọghe e Nọyaẹnmwa. Uhunmwu ẹnrẹn kevbe obọ ẹre eva khuọnnọ kua, ehia kegha rre onurho, ikinnegbe ẹre ọkpa ọ re ọ ghi kẹe.