Jerimaia 1:8 - Edo Bible (E Baibol Ẹdo) Version 1996

⁸ Ghẹ gie ohan iran mu ẹẹn rhunmwuda, I gha mudia ke uẹ ne I degue ruẹ. Mẹ ne Nọyaẹnmwa ọ re ọ tae.”

Jerimaia 1:8 Iomraidhean Croise

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 51:12

E Nọyaẹnmwa khare wẹẹ, “Mẹ ọrọre ọmwa ne ọ rhie ẹtin ye uwẹ iwu vbọzẹ ne u gha na mu ohan ọmwa ne ọ sẹtin wu ne ẹ i vbe tọ sẹẹ irunmwu?

Aizaia 51:7

“Wa danmwehọ mwẹ, wa ne ọ rẹn emwi ne ọ gbae ni rhie emwi ne I ma iran re mwẹ vbe ekhọe. Wa ghẹ gie ohan mu uwa vbe emwa a gha giẹ ighẹ iran vbe rhovbiẹ uwa;

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 30:11

I gha bu uwa rre, I ghi do miẹn uwa fan I gha fuẹn iran an ighe avbe uhunmwu ẹvbo hia ne I zagha uwa gha rrie. Sokpan mẹ i ra fuẹn uwa a fẹẹrẹ, mẹ i ra wa sẹ uwa rae vbe na i na rri uwa oya. Sokpan, I gha ra rri uwa oya, I ga ruẹe vbe ne ọ ke yi. Mẹ ne Nọyaẹnmwa tae nẹ.”

Jerimaia 39:11

Sokpan e Nebukiadneza ne ọba keghi tama Nebuzaradan ne arowa ivbiyokuo ne ọ yae gie uhunmwu vbenian.

Jerimaia 42:11

Wa ghẹ ghi gie ohan ọba e Babilọn mu uwa ọvbehe. I gu uwa rrọọ. I gha vbe miẹn uwa fan hin obọ ẹtin ẹnrẹn rre.

Daniẹl 3:17

Adeghẹ Osanobua ne ima ga gha sẹtin miẹn ima fan vbe erhẹn nii kevbe hin obọ ruẹ rre, ọ gha ru ẹe.

Daniẹl 3:25

“Vbe a ghi na miẹn hẹ ighe arhin enẹ ọ re imẹ bẹghe ni khianyo khian rre vbe uwu erhẹn nii? A ma vbe gbalọ iran ọ ma vbe khọ wẹ emwirhọkpa ru iran hiehiere, nogienẹ vbe uwu iran yevbe ẹrinmwi.”

Matiu 10:26

“Rhunmwuda ọnii, wa ghẹ mu ohan emwa. Emwi ne a guere hia gha khian ne a we rua, emwi ẹkhokho hia gha khian ne a rẹnrẹn.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 18:10

rhunmwuda, I rrọọ yaba ruẹ. Ọmwa ne ọ gha sẹtin ruẹ emwi rhọkpa ẹ i rrọọ, rhunmwuda emwa ni re ọghomwẹ bun vbe ẹvbo na.”

Iwinna 26:17

I gha miẹn ruẹn fan vbe obọ iran ne ivbi izrẹl kevbe iran ne ẹ i re Ju ne I khian giọ bu.

Iwinna 4:13

Unu keghi mobọ yan emwa ni rre Iko nii vbe iran miẹn vbene Pita kevbe Jọn din hẹ, sẹe hia vbe iran ghi vbe do rẹn wẹ emwa kẹkan ni ma ruẹ ebe ọre iran khin. Ẹkpo nii ọre iran na do yerre wẹ Jesu ọre iran ka gha lele khian.

Iwinna 4:29

Wanwan na nian Nọyaẹnmwa, ghe vbene iran yan hẹẹ, rhie ẹtin ne ima ne eguọmwadia ruẹ, ne ima sẹtin gha kpe orhu ẹmwẹ ruẹn vbe ne a i na fian afianma.

Ẹfisọs 6:20

Iyẹn ne ọ maa na ọre I rhunmwuda ẹre re ukọ, a gha rhe miẹn ighẹ uwu eghan ọre I ye banbanna. Rhunmwuda ọnii, na erhunmwu, ne I gha guan vbe ne a i na fian afianma, zẹ vbe ne ọ kere ne I gha ru.

Diuteronomi 31:6

Wa gha wegbe ne uwa vbe din. Wa ghẹ gie ohan emwa nii mu uwa, Osanobua uwa ighẹ e Nọyaẹnmwa tobọ ẹre gha yaba uwa, ẹ i ra hiẹ uwa ra ne ọ he uwa ye otọ.”

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”