Jerimaia 1:7 - Edo Bible (E Baibol Ẹdo) Version 1996

⁷ Sokpan e Nọyaẹnmwa tama mwẹ wẹẹ, “Ghẹ kha i ghẹ ọvbokhan u khin, sokpan, bu iran ne I giẹ ọ bu gha khian, ne u vbe talọ emwi hia ne I wẹ ne u tama iran ma iran.

Jerimaia 1:7 Iomraidhean Croise

I Ọba 22:14

Sokpan, e Makaia keghi kha wẹẹ, “Vbe eni e Nọyaẹnmwa, emwi ne Nọyaẹnmwa tama mwẹ ọre I ra ta.”

I Ọba 3:7

E Nọyaẹnmwa, Osanobua, u ya mwẹ rriọba lele erha mwẹ nẹ, a gha rhe miẹn wẹ, ọvbokhan ọ re I khin, I ma vbe rẹn vbene a ya gbe aro ghe ẹvbo hẹ.

II Krọnikol 18:13

Sokpan, Mikaia ke kha wẹẹ, “Vbe eni e Nọyaẹnmwa ne ọ rrọọ, emwi ne Osanobua mwẹ tama mwẹ ọre I ra ta!”

Ẹksọdọs 6:29

Ọ tama rẹn wẹẹ, “Mẹ ọrọre Nọyaẹnmwa, tama ọha ọghe Igipt ẹmwẹ ne I tama ruẹn hia.”

Jerimaia 26:2

E Nọyaẹnmwa keghi tama mwẹ wẹẹ, “Ya mudia ye ọgua nọkhua ọghe Ọgua Osa, ne u talọ ẹmwẹ hia ne I wẹ ne u ta ma emwa nii kevbe avbe ẹvbo ni ke Juda rre do ga vbe evba. Ghẹ sẹ ọkpa rae vbọ.

Jerimaia 43:1

I keghi talọ emwi hia ne Nọyaẹnmwa ne Osanobua avbe emwa nii giee mwẹ ne I tama iran fo ma iran.

Jerimaia 7:27

“Rhunmwudọnii nian Jerimaia, u ghi ta avbe ẹmwẹ na ma avbe emwa mwẹ, sokpan, iran i ra danmwehọ ruẹ. u gha tie iran sokpan, iran i ra khuẹnniẹn.

Ezikiẹl 2:7

U ghi gha tama iran, ẹmwẹ ne I gha tama ruẹn wẹ ne u ta, deghẹ iran hoẹn ra iran ma họn. Yerre wẹ etẹ ọ re iran khin.

Ezikiẹl 3:27

Iyekọnii, I gha ghi dọlegbe guẹ guan, I na dọlegbe rhie ẹtin ne a ya guan nuẹn, u gha tama iran vbe ne imẹ ne Nọyaẹnmwa ne Udazi khare. Eso vbe uwu iran gha danmwehọ, sokpan eso vbe uwu iran i ra zẹ ye uẹ re rhunmwuda, ẹvbo etẹ ọ re iran khin.”

Emọs 7:15

Sokpan e Nọyaẹnmwa keghi rhie mwẹ hin ehe ne I na su ohuan rre, ọ na tama mwẹ wẹ ne I ya gha guan ẹmwẹ akhasẹ ma ivbi Izrẹl ne emwa irẹn.

Jona 3:2

Ọ wẹẹ, “Gha rrie Ninevi, ẹvbo nọkhua nii, ne u tama emwa nii uhunmwu ne I giọ re.”

Nọmbas 22:20

Vbe asọn nii, Osanobua keghi bu e Balam gha dee, ọ tama rẹn wẹẹ, “Deghẹ te iran na do tama ruẹn wẹ ne u lele iran gha khian, mu egbe ne u lele iran gha khian, sokpan emwi ne I tama ruẹn ne u ru ọkpa ọ re u gha ru.”

Nọmbas 22:38

E Balam keghi wanniẹn wẹẹ, “I rre, ra I ma rre? Sokpan de ẹtin ne I mwẹ yi? Emwi ne Osanobua tama mwẹ ọkpa ọre I gha sẹtin ta.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iwinna 20:27

Rhunmwuda, emwamwa Osanobua hia, ọkpa ne I ke ya ne I ma tama uwa ẹ i rrọọ.