Jerimaia 1:18 - Edo Bible (E Baibol Ẹdo) Version 1996

^18-19 Danmwehọ, Jerimaia, emwa hia ni rre otọe na gha mu aro dan da ruẹ, avbe ọba, e Juda, avbe ekhaẹmwẹ avbe ohẹn, kevbe avbe emwa nii. Sokpan, vbe ẹdẹnẹrẹ na, mẹ rhie ẹtin nuẹn nian ne u ya khẹ iran, te u ra ye vbe ẹvbo ne a gbe odin gaa, orre ematọn, ekẹn oze. Obọ iran i sẹtin ke ukhunmwu ne uẹn, rhunmwuda, I gha rrọọ yaba ruẹ, ne I degue ruẹ, mẹ ne Nọyaẹnmwa ọ re ọ taa ẹe.”

Jerimaia 1:18 Iomraidhean Croise

Aizaia 50:7

Sokpan ẹbọ iran i miẹn emwi ru mwẹ re rhunmwuda, e Nọyaẹnmwa ne Udazi mudia mẹ. I si aro gba vbe uhunmwu ne I ya ziengbe emwi ne iran ru I rẹnrẹn wẹ efa ira rruan mwẹ.

Jerimaia 1:17

Mu egbe, Jerimaia, ya talọ avbe ẹmwẹ hia ne I we ne u tama iran, ma iran. Ghẹ gie ohan iran mu ẹẹn nian, ne a ghẹ miẹn wẹ te I ghi gie ohan iran mu ẹẹn sayọ vbe u gha sẹ ehe ne iran ye ne.

Jerimaia 15:10

U miẹn agbọn ne I ye, vbọzẹ ne iye mwẹ na biẹ mwẹ ye agbọn na? Te I ghi gu emwa hia ni rre otọe na gui, I ghi gha gu iran gbe agbanmwẹ I ma rhie igho ne ọmwa mọmọ, I ma mọmọ ọmwa rhọkpa ẹre, sevba emwa hia gha rhovbiẹ mwẹ.

Jerimaia 15:20

Zẹ vbe ọghe ne ọ kan uwẹ kan iran, I gha ru ẹe ne u gha yevbe ekẹn ne ọ wegbe ne a ye oze gbe. Iran gha guẹ gbinna, sokpan, obọ iran i ra gba ruẹ. I gha mudia ke uẹ ne I degue ruẹ, ne emwi rhọkpa ghẹ ru uẹ.

Jerimaia 20:11

Sokpan, Nọyaẹnmwa ne ọ wegbe kevbe ne ọ mwẹ ẹtin mẹ ọ re uwẹ deba ẹ i ra dunna ne iran ni zẹ mwẹ kpokpo. A gha fa iran an ẹdẹdẹmwẹdẹ, rhunmwuda, ẹ i ra mwẹ uhunmwu ne iran. Ai ra mianmian efa ne ọ rruan iran ẹdẹdẹmwẹdẹ.

Jerimaia 21:4

Ne iran tama e Zedekaia wẹ e Nọyaẹnmwa ne Osanobua Izrẹl wẹẹ, “E Zedekaia, te I ra khọn iran muotọ ighẹ ivbiyokuo ruẹ ni gue ọba e Babilọn kevbe ivbiyokuo ẹre khọn, I gha si emwi igbinna ọghe avbe iyokuo ruẹ gboo ye adesẹ ore ẹvbo.

Jerimaia 26:24

Sokpan ne Ahikam ne ovbi e Siafan na gha rre esa ọghomwẹ, a ma mu mwẹ ne emwa nii ne iran gbe mwẹ uan.

Jerimaia 34:3

Wẹ i ra lẹ fe a gha khu uẹ mu, a ghi mu ẹẹn ne ẹẹn. U gha ye aro kan ẹre aro, u ghi vbe gu irẹn tobọ ẹre guan, iyekọni, u ghi gha rrie Babilọn.

Jerimaia 37:7

Ne I ya tama e Zedekaia wẹẹ, “Ivbiyokuo Igipt wa dee nian ne iran do yuọ obọ, sokpan, iran gha werriegbe.

Jerimaia 38:18

Sokpan, a deghẹ u ma rhie egbe ruẹ ne iran, ẹghẹ nii, a gha mu ẹvbo na ne ivbi e Babilọn iran gha giẹn ọnrẹn sotọ, wẹ i ra vbe sẹtin lẹ iran fẹe.”

Jerimaia 38:2

e Nọyaẹnmwa khare wẹẹ, “Ọmwaikọmwa ne ọ tota ye ẹvbo na, okuo, ra ohanmwẹ ra emianmwẹ gha gbe ẹe sokpan, ọmwaikọmwa ne ọ ladian, ọ na ya rhie egbe ẹre ye ivbi e Babilọn obọ, a i ra gbe ẹe rua, ọ gha ghi ba gbe, ọ gha miẹn uhunmwu, rẹn vbe ikpakpauhunmwu ẹnrẹn okpa kẹkan.”

Jerimaia 42:22

Rhunmwuda ọnii, wa ghi yerre o, okuo ọ re uwa ra wulo yi, ra ohanmwẹ ra emianmwẹ ọ re ọ ra gbele uwa a vbe ẹvbo ne uwa khare ighe wa ra gha rrie ne uwa ya yin ẹnrẹn.”

Jerimaia 6:27

E Jerimaia, danmwẹ emwa mwẹ ghe zẹ vbene u gha danmwẹ ematọn ghe ne u gualọ vbene iran ye hẹ miẹn.

Iyẹn ne ọ Maan Ọghe Jọn 1:42

Rẹn keghi rhie Saimọn bu Jesu gha dee. Jesu keghi ghe ẹre, ọ wẹẹ, “Wẹ ọrọre Saimọn ne ovbi e Jọn, Kefas ọre a ra gha tie ruẹ re.” (Ọkpa ọre ẹmwẹ na ke Pita khin, emwi ne a yae kha ọrọre “Okuta nọkhua.”)

Arhie Maan 3:12

Ọmwa ne ọ khọn miẹn otọ, I gha ya ẹe ru orre vbe Ọgua Osa ọghe Osanobua mwẹ, ẹ i ghi vbe kpao vbe evba ẹdẹ. I ghi gbẹn eni Osanobua mwẹ yan rẹn, Jerusalẹm ne ọgbọn ne ogha ke obọ Osanobua mwẹ ke odukhunmwu tuorre gha di otọ. I gha vbe gbẹn eni mwẹ ne ọgbọn yan rẹn.