Jerimaia 1:16 - Edo Bible (E Baibol Ẹdo) Version 1996

¹⁶ I gha rri avbe emwa mwẹ oya rhunmwuda iran ru orukhọ ne, iran he mwẹ yotọ. Iran zọ ese ghe avbe ẹbọ ọvbehe, iran mannọ avbe amazẹ, iran keghi gha gho iran.

Jerimaia 1:16 Iomraidhean Croise

II Ọba 22:17

Iran fi iyeke gbe mwẹ, iran keghi ya gha zọ ese ghe avbe ẹbọ ọvbehe, iran keghi rhunmwuda ọnii ya emwi ne iran ru hia gha ya ohu mu mwẹ. Ohu e Jerusalẹm mu mwẹ nẹ, ẹ i ghi dọyọ.

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 28:2

Ọ keghi lele igiemwi avbe ọba Izrẹl, ọ na wẹ ne iran ma amazẹ ematọn ọghe Baal,

II Krọnikol 34:25

Iran fi iyeke gbe mwẹ, iran keghi ya gha gho ẹbọ ẹrrẹe, iran keghi ya emwi ne iran ru na gha ya ohu mu mwẹ. Iran gua izohu mwẹ kpao ghe Jerusalẹm, emwi na a ya rọ ẹre ẹ i rrọọ.

II Krọnikol 7:19

Sokpan adeghẹ a na miẹn vbe ẹghẹ ke ẹghẹ wẹ, wẹ vbe emwa ruẹn rra uhi mwẹ kevbe iyi mwẹ ne I yi ma uwa, wa na ya gha ga ẹbọ ọvbehe.

Aizaia 2:8

Otọe iran vuọn ne amazẹ, emwi ne iran ya obọ iran ma ọ re iran ghi ghoo.

Aizaia 37:19

Ọ keghi giẹẹn avbe emwi ne iran gho ua emwi ne ọ ma sẹ ne a gho ọ re iran gha khin, amazẹ erhan kevbe okuta kẹkan ọ re iran gha khin, emwi ne emwa ya obọ ru.

Aizaia 44:15

Ọmwa ghi rhie vbe erhan ya koko erhẹn, ọ ghi vbe rhie vbọ ya ka amazẹ, ọ ghi rhie vbọ ya hie erhẹn ne ọ ghae ra ne ọ ya le ebrẹd, ọ ghi ya obọ nọkpa ka amazẹ ne ọ gha gho.

Aizaia 65:3

Iran kegha ya ifavbaro ru emwi ne ọ mu mwẹ ohu khian. Iran zọ ese emwa ni ga ẹbọ vbe ugbo ẹbọ, iran ghi vbe gha giẹn eturari vbe Ogiukpo iran nigẹbọ.

Jerimaia 10:15

Iran i mwẹ esa ne iran ye, te ọ kere ne a gha zan iran, a gha fuẹn iran an, vbe Nọyaẹnmwa a ghi fi iran emwi.

Jerimaia 10:3

Emwi ne ọmwa maa ọ re iran na gho. A tọn erhan gbotọ vbe oha, owinna ghi ye emwi iwinna rẹn kaa iran.

Jerimaia 11:12

Ẹghẹ nii, ivbi e Juda kevbe Jerusalẹm ghi tulo bu avbe ẹbọ ne iran zọ ese ghe ne iran do yi iran obọ. Sokpan, avbe ẹbọ ni i ra sẹtin miẹn iran fan vbe ọfuan ni a rre.

Jerimaia 11:17

“Mẹ ne Nọyaẹnmwa ne Oghodua ọ re ọ kọ Izrẹl kevbe Juda, sokpan, banbanna nian te I ghi ya ọkhọ yan ma iran, iran ọ re ọ ye obọ iran si ọna ye egbe iran egbe, rhunmwuda, iran ba emwi ku ru, iran ye ohu mu mwẹ, vbekpa ne iran na gha zọ ese ghe Baal.”

Jerimaia 15:6

Wa he mwẹ nẹ, wa keghi vbe fi iyeke gbe mwẹ, rhunmwuda ọnii, ọ re I na niẹn obọ ya rẹnkhẹn uwa a. Rhunmwuda, I ma ghi sẹtin ziengbe ohu ne ọ mu mwẹ.

Jerimaia 16:11

Ẹghẹ nii u ghi tama iran wẹẹ, ‘E Nọyaẹnmwa khare wẹ, avbe erha uwa odede fi iyeke gbe mwẹ, iran ke ya gha ghoo, iran keghi ya gha gaa avbe ẹbọ ọvbehe. Iran hee mwẹ yotọ, iran ma rhie emwi ne ima iran re.

Jerimaia 17:13

E Nọyaẹnmwa, wẹ ọrọre idaehọ Izrẹl, ekhue gha mu iran hia ni he uwẹ yotọ a gha ho iran bẹkun zẹvbe eni ne a gbẹnnẹ ye ekhae rhunmwuda, iran hee uwẹ ne Nọyaẹnmwa yotọ nẹ, wẹ ne uhunmwu ẹzẹ amẹ ne ọ furre.

Jerimaia 18:15

Sevba, emwa mwẹ mianmian mwẹ, iran gha giẹn eturari ne avbe amazẹ. Iran rrua owẹ vbe odẹ ne ọ te kei ne iran la iran i ghi lele odẹ nẹdẹ, odẹ ne a ma gbẹn ọre iran ghi la.

Jerimaia 19:4

I ra ni ẹe vberriọ rhunmwuda, avbe emwa na hee mwẹ yotọ nẹ, iran kevbe mu awua la emwa na vbekpa ne iran na gha zọ ese ghe avbe ẹbọ ọvbehe vbe emwa na, avbe ẹbọ ne iran tobọ iran ra avbe erha iran odede ra avbe ọba e Juda ma rẹn emwikemwi vbe ekpa ẹre. Iran ye esagiẹn emwa ni ma rukhọ vuọn emwa na.

Jerimaia 2:13

rhunmwuda orukhọ eva ọ re emwa mwẹ ru: iran fi iyeke gbe mwẹ, mẹ ne uhunmwu ẹzẹ amẹ ne ọ furre, iran keghi ya gha fian ivbi uhae, uhae ni halọe, ne ẹ i vbe sẹtin rrọ amẹ hiehiere.

Jerimaia 2:17

Izrẹl, obọ ruẹ ọ re u ya sii ọna ye egbe ruẹ egbe! U fi iyeke gbe mwẹ mẹ ne Nọyaẹnmwa ne Osanobua ruẹ, vbe imẹ su uwẹ khian vbe odẹ.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jerimaia 2:28

“Avbe ẹbọ ne uwa mu gbọ ne egbe uwa ghi vbo yi? Wa gha rre uwu ibaro, wa we ne iran do miẹn uwa fan adeghẹ iran gha sẹtin. E Juda, vbene avbe okpẹvbo uwa bun sẹ, erriọ ọ re avbe ẹbọ uwa vbe sẹ.

Jerimaia 4:12

Ẹhoho ne Nọyaẹnmwa ra gie rre gha wegbe sẹ ọnii ẹsẹse! E Nọyaẹnmwa tobọ ẹre ọ re ọ bu ohiẹn emwa rẹn.

Jerimaia 4:28

Otọ agbọn gha khiẹ, iso gha so ebiebi, erriọ Nọyaẹnmwa khare, ẹ i ra fi ẹe werriẹ. Ọ ta emwi ne irẹn ra ru ne, ẹ i ghi vbe kie werriegbe vbọ.

Jerimaia 44:17

Emwi ne ima khare ighe ma ra ru hia ọ re ima ra ru. Ma gha zọ ese ghe avbe ẹbọ nokhuo ọghe ima ighe Ọba okhuo ne Ẹrinmwi, ma gha vbe gha sa ayọn ye otọ ne ẹẹn, zẹ vbene ima kevbe avbe erha mwa odede, avbe ọba ima kevbe avbe ọkaolotu ima ka ru ẹe dee yi vbe avbe ẹvbo e Juda, kevbe vbe adesẹ idunmwu ni rre Jerusalẹm. Vbe ẹghẹ nii, evbare keghi maa ne ima ọghe ọkpọkua, te agbọn wa gha maa ima ẹghẹ nii, ma ma vbe gha mwẹ ọlọghọmwa.

Jerimaia 5:29

“Sokpan, mẹ ne Nọyaẹnmwa gha rria iran ikhi ye emwi na, I gha rria uhunmwu ẹvbo na ikhi.

Jerimaia 5:9

Ọ ma kei ne I rri iran oya ye emwi na ra, ne I vbe rria ẹvbo nii ikhi ye emwi vbenian?

Jerimaia 51:17

Emwa nagbọn gha miẹn ọna iran ghi khian akpa ne ẹ i mwẹ ẹwaẹn. Iran ni mannọ amazẹ ghi khian ne egbe fu rhunmwuda, ẹbọ ne iran ma ẹẹn, ohoghe nọ, ẹ i vbe mwẹ arrọọ.

Jerimaia 7:17

Wa ma bẹghe emwi ne iran ru vbe Juda kevbe ore Jerusalẹm ra?

Jerimaia 7:18

Avbe ibiẹka ghi ya ho erhan rre, avbe ikpia ni wan nẹ ghi hie erhẹn, avbe ikhuo ni rrọ ghi gbe irhuarhua ne iran ya fian eka ne ẹbọ ne iran tie ẹre Oloi Ẹrinmwi, iran ghi vbe sa ayọn ne avbe ẹbọ ọvbehe, ne iran miẹn ehe na ya mwẹ mu ohu.

Jerimaia 7:9

Wa rha, wa do izigha, wa ghẹ, wa vẹn ihẹn re, wa zọ ese ghe Baal, wa keghi vbe gho ẹbọ ne uwa ma ka rẹn de yi.

Ezikiẹl 16:18

U viọ ukpọn ne a munọ ona lele ne I viọ ne uẹn, u keghi yọ avbe amazẹ ni re. Ofigbọn oliv kevbe eturari ne I viọ ne uẹn, u kegha ya iran mu ohan gie iran.

Ezikiẹl 24:14

Mẹ ne Nọyaẹnmwa guaan nẹ. Ẹghẹ sẹẹ nẹ ne I gha ya guan yọ. I ra ghi fi aroa vbe orukhọ ruẹ ọvbehe, ra ne I mwẹ itohan ra ẹnina. A gha rri ọ oya ye emwi ne u ru.” E Nọyaẹnmwa ne Oghodua guan nẹ.

Hozia 11:2

Sokpan vbene I ya gha tie ẹre, erriọ ọ re ọ ya gha lẹ mẹ. Emwa mwẹ zọ ese ne Baal, iran giẹn eturari ne amazẹ.

Hozia 8:6

Owinna ne ovbi Izrẹl ọ re ọ ma amazẹ nii, ẹ i vbe zẹdẹ re ẹbọ hiehiere. Iran gha rẹnkhẹn ọẹn ruan ighe ẹbọ igoru ne iran gho vbe Sameria.

Joẹl 2:11

E Nọyaẹnmwa ghi davan gie ivbiyokuo ẹre uhunmwu, otu iyokuo ni ru vbene ọ khare, wa bun ẹsẹse, iran vbe wegbe. U miẹn vbe ẹdẹ e Nọyaẹnmwa mu ohan hẹ. De ọmwa ne ọ gha miẹn uhunmwu vbọ?

Iwinna 7:41

Ẹghẹ nii ọre iran na ma ẹbọ ne ọ ye vbe ovbi ẹmila ọwẹe, iran na gha ruẹe, iran na gha le evbare ne iran ya ye ọghọ ne emwi ne iran tobọ iran ma.

Diuteronomi 28:20

“Wa gha ru emwi dan, wa na he e Nọyaẹnmwa ye otọ, rẹn gha gie ọkhọ rruan uwa kevbe otighi kevbe orueghe vbe emwi ne uwa ru hia, a te do miẹn wẹ te a ghi fuẹn uwa a fo fẹẹrẹ ẹgiẹgiẹ.

Diuteronomi 31:16

E Nọyaẹnmwa keghi tama e Mosis wẹẹ, “U gha rherhe wu ban, u gha ghi wu nẹ, emwa na gha do khian ne a i ghi mu ẹtin yan ghe mwẹ, iran ghi gha rra ile nii ne I gue iran ta. Iran ghi he mwẹ ye otọ ya gha gho avbe ẹbọ otọe nii ne iran khian lao na.

Jọsua 24:20

Deghẹ wa fi iyeke gbe e Nọyaẹnmwa, wa na ya gha gho avbe ẹbọ ọvbehe, ọ gha mu aro da uwa, ọ ghi rri uwa oya. ọ gha fuẹn uwa a, a gha rhe miẹn wẹ ọ ka gha maa ne uwa de yi.”

Arhie Maan 9:20

Emwa ne agbọn ni dekẹe, iran ne egboghogbogho na ma he gbele ua, iran ma zobọ vbe emwi ne iran tobọ iran ru. Iran ma zobọ vbe esu ne iran ga kevbe avbe amazẹ igoru, esiliva, oze, okuta kevbe erhan, emwi ne ẹ i sẹtin bẹghe ra ne ọ ye owẹ khian ra ne ọ họn ẹmwẹ.