Jerimaia 1:15 - Edo Bible (E Baibol Ẹdo) Version 1996

¹⁵ Rhunmwuda te imẹ ghi tie avbe uhunmwu ẹvbo hia ni rre odẹ okuọ wẹ ne iran gha dee. Avbe ọba iran ghi mu ẹkete iran gbọọ ye onurho e Jerusalẹm, kevbe lẹga ekẹn ne a gbe lẹga ẹre, kevbe yan avbe ẹvbo ni dekẹe vbe Juda.

Jerimaia 1:15 Iomraidhean Croise

Aizaia 22:7

Iya e Juda ne ọ maa emwiokọ ghi khian ne a viọ ikẹkẹ okuo vuọn, ivbiyokuo ni hin ẹsin keghi mudia vbe odaro onurho e Jerusalẹm.

Jerimaia 10:22

Wa danmwehọ! Iran giee uhunmwu rre. Ẹvbo ọkpa vbe odẹ okuọ wa hu yo hu rre, ivbiyokuo ẹre gha ya avbe okpẹvbo e Juda khian ato, ehe ne avbe akuaghagha ghi dia.”

Jerimaia 10:25

Mu ohu ruẹ aro da, avbe uhunmwu ẹvbo ni ma ga a, kevbe avbe emwa ni he uwẹ yotọ. Iran gbele avbe emwa ruẹn uan iran fuẹn ima an fẹẹrẹ, iran keghi ye ẹvbo ima khian itowa.

Jerimaia 13:20

E Jerusalẹm ghe! Ghe! Avbe eghian ruẹn wa ke odẹ okuọ dee! Emwa ne a viọ nuẹn viọ mwẹ vbo, avbe emwa ruẹn ne u ya ghagha.

Jerimaia 25:28

A deghẹ iran he ne iran miẹn ruẹn ukpu nii vbe obọ ne iran da vbọ, u ghi tama iran wẹ, e Nọyaẹnmwa ne Oghodua khare wẹ te iran gha da vbọ.

Jerimaia 25:9

‘I khian gie ya tie avbe emwa ni rre odẹ okuọ hia rre, kevbe ọguọmwadia mwẹ ighe e Nebukiadneza ne ọba e Babilọn, I gha viọ iran rre, ne iran do gu e Juda kevbe emwa ni rre uwu ẹre gbinna. Kevbe avbe ẹvbo ni sikẹ ọre hia. I khian fuẹn uhunmwu ẹvbo na kevbe avbe uhunmwu ẹvbo ni lẹga ẹre, I ghi ya ehia khian itowa ẹdẹdẹmwẹdẹ, emwi ne ọ mu ohan ne ọ ye egbe ku ọmwa ohiọnhiọn. Mẹ ne Nọyaẹnmwa ọ re ọ tae.

Jerimaia 33:10

E Nọyaẹnmwa keghi kha wẹẹ, “Emwa ta ẹe khian wẹ, te emwana ye vbe ato, kevbe wẹ emwa nagbọn ra aranmwẹ oha i rrọọ. Ẹmwata ọre iran tae, avbe okpẹvbo ni rre Juda, kevbe idunmwu ni rre Jerusalẹm, ehia divbiẹ, emwa nagbọn i rre evba, aranmwẹ i rrọọ sokpan, wa gha dọlegbe họn.

Jerimaia 34:1

Ẹghẹ ne Nebukiadneza ne ọba e Babilọn ke ẹe ke ivbiyokuo ẹre, na gha khọn e Jerusalẹm kevbe avbe ẹvbo ni dekẹe, vbe avbe agbọn ẹvbo hia ni ga gie ẹe na vbe viọ obọ ye ọre iyeke, e Nọyaẹnmwa keghi gun mwẹ guaan.

Jerimaia 34:22

I gha tae, iran ghi werriegbe gha di ẹvbo na. Iran ghi dekun ẹnrẹn, iran ghi khọn mu ẹẹn, iran ghi giẹn ọnrẹn sotọ. I gha ye avbe ore nọkhua ni rre Juda khian emwi ne ọ ye vbe ato, ehe ne ọmwarhọkpa i ye. Mẹ ne Nọyaẹnmwa taa ẹe nẹ.”

Jerimaia 39:3

(Iran ghi khọn mu e Jerusalẹm nẹ, avbe ekhaẹmwẹ nekhua hia ọghe ọba e Babilọn kegha die Onurho Adesẹ, iran na do totaa, ne usun ọ re iran ye ighe Negal Sareza, Semga Nebo, e Sasiekim deba Negal Sareza ọvbehe.)

Jerimaia 4:16

Iran rre do tama avbe uhunmwu ẹvbo nii yotọ, iran ke tama Jerusalẹm wẹ avbe eghian wa ke ẹvbo ne ọ rrei okpa dee. Avbe eghian na gha go ye avbe okpẹvbo e Juda uhunmwu,

Jerimaia 4:6

Wa ma iran odẹ Zaiọn! Wa lẹ ne uwa fe vbe ẹbe. Wa ghẹ rhọ eghẹrẹ! E Nọyaẹnmwa mu ọfuan kevbe omurhia nọkhua ke odẹ okuọ dee.

Jerimaia 43:10

Ẹghẹ nii, u ghi ya tama iran wẹẹ, ‘Mẹ ne Nọyaẹnmwa ne Oghodua, ne Osanobua Izrẹl, I gha rhie ẹre gha dee ighe e Nebukiadneza ne ọguọmwadia mwẹ, ọba e Babilọn, ọ ghi gha die emwana, ọ gha mu ẹkete ẹre yan avbe okuta ne u tọnnọ ye evba, ọ ghi vbe tan owa ukpọn ọghe ọba yan rẹn.

Jerimaia 44:6

“Rhunmwuda ọnii, I ke hihiẹẹ ohu kevbe okuosu mwẹ yan avbe ẹvbo ni rre Juda, kevbe avbe idunmwu ni rre Jerusalẹm I na rhu erhẹn ye ehia. A keghi ya ehia khian itowa kevbe ne ọ ghi mianmwẹ ughe, zẹ vbene iran ye ẹdẹ nẹrẹ na.

Jerimaia 46:24

A fa ivbi Igipt ua, iran ni ke odẹ okuọ rre khọn iran muotọ, mẹ ne Nọyaẹnmwa taa ẹe nẹ.”

Jerimaia 5:15

Wa ne ivbi Izrẹl, e Nọyaẹnmwa gie emwa ke ehe ne ọ wa rrei dee ne iran do gu uwa gbinna. Uhunmwu ẹvbo nẹdẹ, kevbe ne ọ wegbe nọ, uhunmwu ẹvbo ne uwa i họn ẹvbo ne iran zẹ.

Jerimaia 6:22

E Nọyaẹnmwa khare wẹẹ, “Emwa ke ẹvbo ne ọ rre odẹ okuọ dee, uhunmwu ẹvbo nọkhua okpa ne ọ mwẹ ẹtin gha mu egbe okuo.

Jerimaia 9:11

E Nọyaẹnmwa khare wẹẹ, “I gha ya Jerusalẹm khian otiku itowa, ehe ne avbe ekuaghagha dia; avbe okpẹvbo e Juda gha khian ato ehe ne emwarhọkpa i ghi ye.”

Eve Orriara 5:11

A mu avbe amwẹ ima yagha vbe Oke Zaiọn tobọ ẹre, iran ghi ya ẹtin mu avbe ivbi ima ne ikhuo ne iran kue vbe igue hia ni rre otọ e Juda.

Ezikiẹl 32:30

“Avbe ivbiọba ni rre odẹ ahọ hia rre evba, erriọ avbe ivbi Saidọn vbe ye, ẹtin ne iran te mwẹ ugborrirri te gha nọ, sokpan, banbanna nian, iran khian emwa ne a fara a la idin, deba avbe emwa ne a gbele vbe okuo, a keghi re iran vbe ne a ma na rhuẹ iran. Iran keghi vbe ghae vbe efaa ọghe iran ni kpao gha rrie ẹvbo avbe emwa ni wulo nẹ.

Joẹl 2:20

I gha khulo avbe oghẹn irhiso kua, iran ni te ke odẹ okuọ rre, I gha khulo eso vbọ la uwu ato. I gha khulo iran ni ke odaro, la uwu Okun Nọwu, iran ni ke iyeke, gha la uwu e Meditẹrrenian. Ikun iran ghi gha wia. I gha fuẹn iran an, rhunmwuda emwi hia ne iran ru uwa ẹre.

Zẹkaraia 6:6

Ikẹkẹ okuo ne avbe ẹsin nekhui si, keghi mu uhunmwu da odẹ okuọ gha rrie Babilọn. Avbe ẹsin nọfua keghi mu aro da odẹ orrie, iran ni gbẹnnẹ ekẹnnẹkẹnnẹ keghi mu aro da ẹvbo ni rre odẹ ekẹn.