Jerimaia 1:13 - Edo Bible (E Baibol Ẹdo) Version 1996

¹³ Ẹre Nọyaẹnmwa na vbe dọlegbe gunmwẹ guan, ọ nọọn mwẹ wẹẹ, “De emwi ọvbehe ne u ghi vbe bẹghe?” I keghi wanniẹn wẹẹ, “I bẹghe vbe akhe ọkpa tin vbe erhẹn vbe odẹ okuọ, ọ kẹe ekherhe ne ọ rhurhẹ mu unu da edinran.”

Jerimaia 1:13 Iomraidhean Croise

Gẹnẹsis 41:32

Ne a na miẹn wẹ igbaeva ọre u minaẹn, ọba, rhiema wẹ Osanobua mwamwa ẹn nẹ kevbe wẹ, ọ gha giẹe sunu vbe ọ ma he kpẹe wan.

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Jerimaia 24:3

Ẹre Nọyaẹnmwa na nọ mwẹ mwẹ, “Jerimaia, vbe ua bẹghe yi?” Mẹ keghi wanniẹn wẹẹ, “Ohọ, ni maa ni rrọọ wa maa ẹsẹse, ni i maa ni rrọọ i zẹdẹ ma, ẹ i gia re.”

Ezikiẹl 11:3

Iran khare wẹẹ, ‘Ma gha rherhe suẹn gha dọlegbe bọlọ owa. Ẹvbo yevbe akhe ne a ya le evbare, ma keghi vbe yevbe emiowo ne ọ rrọọ, sokpan, ọ yevbe degue ima hin obọ erhẹn rre.’

Ezikiẹl 11:7

“Rhunmwuda ọnii nian, wa họn vbene imẹ ne Nọyaẹnmwa ne Udazi tama uwa hẹẹ. Ẹmwata, te ore ẹvbo gele yevbe akhe ne a ya le evbare, sokpan, de emwi ne emiowo ne ọ rrọ khin yi? Ikun avbe emwa ne uwa gbele ua! Wa i di emwa na ya hiehiere, te I ra filo uwa kua hin ore ẹvbo na rre.

Ezikiẹl 12:28

Rhunmwuda ọnii, tama iran wẹẹ, Mẹ ne Nọyaẹnmwa ne Udazi khare wẹẹ: A i ghi si ẹe kpee vbe otọ ọvbehe. Ẹmwẹ ne I tae gha sunu. Mẹ ne Nọyaẹnmwa ne Udazi ọ re ọ tae.”

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.

Zẹkaraia 4:2

Rẹn keghi nọ mwẹ wẹẹ, “De emwi ne u bẹghe yi?” Mẹ keghi wanniẹn wẹẹ, “Erhan ne a mu ukpa yan ne a ye igoru ru. Ọkpan ne a sa ofigbọn yi rre odukhunmwu ẹnrẹn. Ukpa ihinrọn rre uhunmwu ọmukpa na, ukpa ọkpọkpa mwẹ uvun ihinrọn ne a rhie oru la.