Jerimaia 1:12 - Edo Bible (E Baibol Ẹdo) Version 1996

¹² E Nọyaẹnmwa keghi wanniẹn wẹẹ, “Ẹmwata nọ, te imẹ ghi ghe ughe na ne I miẹn wẹ ẹmwẹ mwẹ sẹe.”

Jerimaia 1:12 Iomraidhean Croise

Aizaia 55:11

Erriọ ọ re ẹmwẹ ne I tae ra vbe gha ye ẹ i mwẹ ọ ma ru emwi ne I wẹ ne ọ ru. Ọ gha ru emwi hia ne I gie ẹe ne ọ ya ru.

Jerimaia 1:13

Ẹre Nọyaẹnmwa na vbe dọlegbe gunmwẹ guan, ọ nọọn mwẹ wẹẹ, “De emwi ọvbehe ne u ghi vbe bẹghe?” I keghi wanniẹn wẹẹ, “I bẹghe vbe akhe ọkpa tin vbe erhẹn vbe odẹ okuọ, ọ kẹe ekherhe ne ọ rhurhẹ mu unu da edinran.”

Jerimaia 24:3

Ẹre Nọyaẹnmwa na nọ mwẹ mwẹ, “Jerimaia, vbe ua bẹghe yi?” Mẹ keghi wanniẹn wẹẹ, “Ohọ, ni maa ni rrọọ wa maa ẹsẹse, ni i maa ni rrọọ i zẹdẹ ma, ẹ i gia re.”

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Ezikiẹl 12:25

Mẹ ne Nọyaẹnmwa gha gu iran guan. A gha vbe ru vbene I khare. A i ghi dọlegbe yae rhọ ẹghẹrẹ ọvbehe. Wa ne etẹ na, vbe ẹghẹ ne uwa na he ye rre agbọn na, ọ re I ra na ru emwi ne I khare ighe I gha ru. Erriọ I tae,” erriọ Nọyaẹnmwa ne Udazi khare.

Ezikiẹl 12:28

Rhunmwuda ọnii, tama iran wẹẹ, Mẹ ne Nọyaẹnmwa ne Udazi khare wẹẹ: A i ghi si ẹe kpee vbe otọ ọvbehe. Ẹmwẹ ne I tae gha sunu. Mẹ ne Nọyaẹnmwa ne Udazi ọ re ọ tae.”

Emọs 8:2

E Nọyaẹnmwa keghi nọọn wẹẹ, “Emọs, de emwi ne u bẹghe yi?” Mẹ keghi wanniẹn wẹẹ, “Okhuae ọmọ erhan.” E Nọyaẹnmwa keghi kha wẹẹ, “Ufomwẹ Izrẹl ne emwa mwẹ rre nẹ. Mẹ i ghi dọlegbe fi ekhọe werriẹ vbe ekpa oya ne I gha rri iran re.

Iyẹn ne ọ Maan Ọghe Luk 10:28

Jesu wanniẹn wẹẹ, “Ewanniẹn ruẹn gbae, ya gha ru vberriọ, u gha fe.”

Iyẹn ne ọ Maan Ọghe Luk 20:39

Eso vbe uwu iran ni ma emwa Uhi keghi kha wẹ, “Ọmamwaemwi, ẹmwata u tae.”

Diuteronomi 18:17

“Ẹre Nọyaẹnmwa na tama mwẹ wẹẹ, ‘Emwi umẹwaẹn ọ re iran nọ rẹn.

Diuteronomi 32:35

E Nọyaẹnmwa gha rria ikhi, ọ ghi rri iran oya, ẹghẹ ne iran gha na dele dee. Ẹdẹ ọfuan iran sikẹ otọ nẹ.

Diuteronomi 5:28

“E Nọyaẹnmwa ghi họn ọna, ọ keghi tama mwẹ wẹẹ, ‘I họn vbene iran na kha hẹ, ẹmwata iran ta ẹe.