Jerimaia 1:10 - Edo Bible (E Baibol Ẹdo) Version 1996

¹⁰ Vbe ẹdẹnẹrẹ na, I rhie asẹ ne uẹn yan uhunmwu avbe uhunmwu ẹvbo kevbe avbe otọe arriọba, ne u ya gha silo emwi vbọ kevbe ne u ya gha siẹn emwi sotọ, ne u ya gha rẹnkhẹn emwi uan kevbe ne u ya gha dunmwu emwi uan, ne u ya gha bọ kevbe ne u ya gha kọ.”

Jerimaia 1:10 Iomraidhean Croise

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

I Ọba 19:17

Ọmwa ne obọ e Hazaẹl ma vba ya gbe ua, e Jehu ghi gbe ẹe rua, ọmwa ne ọ vbe lẹ e Jehu fe, Elaisia ghi gbe ẹe rua.

Asan-Ibo 3:3

ọ rhie ẹghẹ yọ ne a ya gbe ua, ọ rhie ẹghẹ yọ ne a ya sinmwi, ọ rhie ẹghẹ yọ ne a ya siẹn emwi sotọ, ọ rhie ẹghẹ yọ ne a ya bọ ẹe, ọ rhie ẹghẹ yọ ne ẹko ya rriara, ọ rhie ẹghẹ yọ ne ẹko ya rhiẹnrhiẹn,

Jerimaia 1:5

“I zẹẹ uwẹ nẹ, I keghi rhie arrọọ nuẹn, vbe a te do biẹ ọ, I hannọ uwẹ rhie ladian nẹ ne u gha re akhasẹ avbe uhunmwu ẹvbo.”

Jerimaia 24:6

I gha gbearoghe iran, I ghi vbe viọ iran werriegbe gha die otọe na. I gha mu iran kpaegbe, I i ra vbe siẹn iran kua. I gha gbọ iran, I i ra vbe silo iran vbọlọ.

Jerimaia 25:13

I gha gie ọkhọ rruan e Babilọn zẹ vbene I giee Jerimaia wẹ ọ gha sunu vbe egbe avbe uhunmwu ẹvbo, zẹ vbene a gbẹnnẹ ye ebe na.

Jerimaia 31:28

Zẹ vbene I wa mu aro yọ ne I vbọlọ kua, ne I siẹn gbotọ, ne I sua guọghua, ne I fuẹn ọnrẹn uan kevbe ne I rẹnkhẹn iran, erriọ ọ re I gha wa vbe mu aro yọ ne I kọ iran kevbe ne I bọlọ iran.

Jerimaia 31:40

“Iya nii hia fẹẹrẹ, ehe ne a mu orinmwi yi, kevbe ne a mu iku yi kevbe avbe oha hia ni rre vbe a gberra ẹzẹ Kidrọn rhinrin ya sẹ Onurho Ẹsin vbe odẹ ahọ, ehia ghi gha re ne ọ huanrẹn mẹ. A i ghi dọlegbe siẹn ẹvbo nii sotọ ra ne a guọghọe rua ọvbehe.”

Jerimaia 36:2

“Rhie ebe ohian, ne u gbẹnnẹ emwi hia ne I he tama ruẹn vbekpa e Juda, Izrẹl, kevbe avbe uhunmwu ẹvbo hia nekpa yọ. Wa gbẹnnẹ emwi hia ne I he tama ruẹn yọ, ke ẹghẹ ne I na ka wa gha guẹ guan, ẹghẹ ne Josaia na gha re ọba do sẹ ẹdẹ ne ẹre na.

Jerimaia 44:27

“I gha wa ru ẹe wẹ ne agbọn ghẹ dọlegbe ma uwa, we ne uwa hia fuan. Te uwa hia ra wulo. Ne okuo ma gbe, emianmwẹ ghi gbẹe, a te do miẹn wẹ okpa ma ghi kẹe vbe uwu uwa.

Jerimaia 45:4

“Sokpan, mẹ ne Nọyaẹnmwa, avbe emwi ne I te ka bọlọ hia, I gha siẹn ehia sotọ, avbe emwi ne I te gbọọ hia, I gha silo iran vbọlọ. Te I ra ru emwi na la otọ agbọn hia.

Ezikiẹl 21:19

“Ovbi ọmwa, ya umozo na vinnọ ama ye odẹ eva ne ọ gha gie ọba e Babilọn la rre ke irẹn kevbe umozo ẹre. Uhunmwu ẹvbo okpa ọ re eveva nii gha na suẹn, u ghi gbẹn uhanhan ama ne a ya rẹn odẹ ye ehe ne iran na van obọ.

Ezikiẹl 23:36

E Nọyaẹnmwa keghi tama mwẹ wẹẹ, “U mu egbe ne u ra ya bu ohiẹn Ohola kevbe Oholiba ra. Ba iran ifi ẹzọ ye emwi oya ne iran ru.

Ezikiẹl 32:18

“Ovbi ọmwa, gha khiẹ avbe emwa ọkhọngborrie ni rre Igipt. Viọ iran ba avbe uhunmwu ẹvbo ni wegbe ọvbehe hia ni rre agbọn na gha rrie ẹvbo avbe emwa ni wulo nẹ.

Ezikiẹl 36:36

Ẹghẹ nii, avbe ẹvbo ni yin lẹga ẹre, ni miẹn uhunmwu vbọ gha rẹn wẹ, mẹ ne Nọyaẹnmwa, sẹtin dọlọ ẹvbo ne a rẹnkhuan bọ, I ghi vbe ye otọe ne a mu rhia gbe ugbo. Mẹ ne Nọyaẹnmwa tae nẹ wẹ I gha ru emwi na, te I ra gele ru ẹe.”

Ezikiẹl 43:3

Umian na keghi yevbe ne i miẹn vbe ẹghẹ ne Nọyaẹnmwa na do fuẹn e Jerusalẹm, kevbe egbe ne I miẹn vbe ọkpẹn Ẹzẹ e Kiẹba. I keghi de mu aro rhuotọ.

Hozia 6:5

Ọnii ọ si ẹe ne I na gie avbe akhasẹ mwẹ bu uwa gha dee, ne iran do gu uwa guan vbekpa ibuohiẹn kevbe ọfuan. I ma vbe rhie emwi ne I ho vbe obọ uwa lẹre, te I wa taa ẹe ladian gboo.

Emọs 3:7

E Nọyaẹnmwa ne Udazi i da ru emwi vbe ne ọ ma na ka ta ẹe ma avbe akhasẹ ne eguọmwadia ẹre nẹ.

Emọs 9:11

E Nọyaẹnmwa khare wẹẹ, “Ẹdẹ dee ne I gha dọlegbe rhie arriọba e Devid ne ọ yevbe itowa nian ye ihe. I gha dọlọ ekẹn ne a gbe lẹga ẹre yi, I ghi dọlegbe rhie ẹre ye ihe. I gha dọlegbe bọ ẹe, I ghi gie ẹe do gha ye vbene ọ ka ye de yi vbe ẹghẹ nii.

Zẹkaraia 1:6

Avbe eguọmwadia mwẹ i ghẹ avbe akhasẹ ọ re I giee ne a tama avbe erha uwa odede, emwi ne I ho ne iran ru kevbe emwi ne ọ gha he sunu, sokpan, iran ma zẹye rhọkpa, ọre obọ na vba iran. Ẹghẹ nii, iran keghi fi uyinmwẹ werriẹ, iran keghi do miẹnkue wẹ, mẹ ne Nọyaẹnmwa ne Osanobua ọ re ọ rri iran oya vbene ọ ma iran zẹ vbene I ta ẹe wẹ I gha ru ẹe.”