Jems 5:6 - Edo Bible (E Baibol Ẹdo) Version 1996

⁶ Wa bu ohiẹn uwu gbe ne ọ ma ru khọ, wa keghi vbe gbe ẹe rua sokpan, ọ ma vbe gu uwa sinmwi egbe.

Jems 5:6 Iomraidhean Croise

Aizaia 5:23

Sokpan, wa gha rri igho odieke kherhe nẹ, wa ghi fannọ emwa ni rri abe kua, wa ighi gie ne ọ ma rukhọ miẹn ibuohiẹn ẹmwata ne ọ khẹke ẹe.

Aizaia 53:7

“A ru ẹre emwi oya, ọ keghi mu egbe rriotọ ziin ẹnrẹn, ọ ma ta ukpẹmwẹ ọkpa, ọ yevbe ovbi ohuan ne a ra gbe ọ yevbe ohuan ne a ra gbẹn ọre eto, ọ ma vbe tu asẹn yotọ.

Matiu 21:38

Sokpan iran ni rre ugbo nii ghi wa bẹghe ovbi ẹre na, iran keghi wa si uma wẹẹ, ‘Ghe ovbi enọyan ugbo, wa larre ne a gbe ẹe rua ne emwi ẹnrẹn khian ọghọmwa.’

Matiu 27:20

Avbe igie ohẹn kevbe avbe eniwanrẹn keghi kpikpi avbe emwa wẹ ne iran khama Pailet ne ọ fan Barabbas fua ne iran, ne ọ gbe Jesu.

Matiu 5:39

Sokpan, mẹ tama uwa nian, ghẹ rria ọmwaikọmwa ne ọ ruẹ khọ ikhi. Ọmwa gha gbe ubi ye uwẹ irho obọ erha ọmwa, giee wa vbe gbe ye ọghe obọ iye ọmwa.

Iwinna 22:14

Rẹn keghi kha wẹẹ, ‘Osanobua avbe erha mwa odede ọre ọ hannọ uwẹ zẹ ne u do rẹn emwi ne irẹn ho, ne u bẹghe Ọguọmwadia ẹmwata ẹre kevbe ne u vbe họn vbe ọ ya urhu ẹre guan.

Iwinna 7:52

Ọkpa rrọ vbe uwu iran ne akhasẹ ne avbe erha uwa odede ma kpokpo ra? Emwa ne Osanobua gie gha dee ni do kha ẹghẹ ni, ighẹ Ọguọmwadia emwata ẹre dee, iran gbele ehia a, ne a ghi ye na nian, wa ghi rhie ẹre ma an nẹ, wa keghi gbe ẹe rua.

Iwinna 8:32

Ehe ne ọ gha tie vbe ebe ọre ọna khin: “Rẹn yevbe ohuan ne a mu ne a ra ya gbe ua, rẹn yevbe ovbiohuan ne ọ ma tu vbe a giagia re eto. Ọ ma ta ẹmwẹ ọkpa.

Hibru 10:38

Sokpan emwa ẹmwata mwẹ gha yayi, iran gha vbe fe. sokpan deghẹ ọmwaikọmwa vbe uwu iran werriegbe, ẹko mwẹ i ra rhiẹnrhiẹn ghe ẹre.”

Jems 2:6

Sokpan, wa i ya ọghọ ne ivbiogue! De emwa ni zẹ uwa owẹ yi, ni vbe silo uwa gie enibuohiẹn? Ẹ i re iran ni fee nọ.

Jems 4:2

Wa ho emwi eso, sokpan obọ uwa ma sẹ ọe, rhunmwuda ọnii, wa ghi mu egbe ne uwa gha ya de izigha, wa ghi ye aro ye emwi eso, sokpan ẹ i sẹ uwa obọ, rhunmwuda ọnii wa ghi suẹn gha gui kevbe gha gbinna. Emwi ne uwa gualọ ma sẹ uwa obọ rhunmwuda, wa ma nọ rẹn vbe obọ Osanobua.

I Pita 4:18

Zẹ vbene ebe khare, “A deghẹ egbe i re egbe ne emwa ni maa, gha ya miẹn uhunmwu, vbe ọ ra gha ye iran hẹ ighẹ iran ni ma rẹn Osanobua kevbe emwa orukhọ!”