Jems 5:3 - Edo Bible (E Baibol Ẹdo) Version 1996

³ Ọtọn gbe igho nọfua kevbe ne ọ baa ọghe uwa, ọtọn na ọre ọ ra sẹ osẹe gbe uwa, ọ ghi vbe rri uwa efun egbe zẹ vbe erhẹn. Wa silo ẹfe gboo nẹ vbe ẹdẹ okiekie na.

Jems 5:3 Iomraidhean Croise

Gẹnẹsis 31:48

E Leban keghi khama e Jekọb wẹẹ, “Okuta ne a si gbo ọ re ọ ghi gha ye imẹ vbe ruẹ ẹre rre.” Ọnii ọ siẹe ne a na tie ẹre Galid.

Gẹnẹsis 31:52

Okuta na kevbe avbe okuta ne a si gbo, ne a ya zẹ ayere nọ. Mẹ i ra gberra okuta na do guẹ gbinna, wẹ i ra vbe gberra ẹre ighẹ okuta ayere na do gun mwẹ gbinna.

Gẹnẹsis 49:1

E Jekọb keghi tie avbe ivbi ẹre, ọ tama iran wẹẹ, “Wa do si koko ye emwa ne I tama uwa emwi ne ọ gha sunu vbe egbe uwa vbe ẹghẹ nọdee:

Job 16:8

U mu mwẹ piẹn, oghian mwẹ ọre u khin. Ohian vbe uvẹ ọre I ghi ye, emwa ghẹ ghi miẹn ọnii, iran ghi gha kha wẹ I gele rria abe.

Aizaia 2:2

Vbe ẹdẹ ne ọ dee, uhunmwu oke ne a gha bọ Ọgua Osa yi, ghi gha re uhunmwu oke ne ọ yo sẹẹ ehia ọ ghi gha ghe avbe oke hia uhunmwu. Agbọn ẹvbo nibun gha rre, iran ghi gha bi la rọ.

Jerimaia 19:9

Avbe eghian gha lẹga ẹvbo nii, iran ghi gha ho ne iran gbele emwa ni rrọọ. Okuo ne ọ gha ga ẹre gha mu ohan sẹrriọ wẹ emwa ni rre uwu ẹre ghi gha gbele egbe iran re, uhin ighe iran gha vbe gha gbele ivbi iran re.”

Maika 3:3

Wa rri avbe emwa mwẹ, wa zẹ iran ohian, wa guọghọ ugboloko iran, wa keghi giagia iran ye otọ zẹ vbene a giagia emiowo hẹ ye uwọnmwẹ.

Maika 4:1

Ẹdẹ dee ne a gha miẹn wẹ oke nii ne a bọ Ọgua Osa yi ọ re ọ ra yo sẹ ehia fẹẹrẹ, ọ ghi gha ghee ni dekẹe adesẹ uhunmwu. Agbọn ẹvbo nibun gha rre, iran ghi gha vẹ bu ẹre rre.

Iwinna 2:17

“ ‘Ọ gha sẹ ẹdẹ okiekie, erriọ Osanobua khare: I gha hihiẹ Orhiọn mwẹ yan emwa hia. Ivbi uwa ne ikpia kevbe ne ikhuo gha guan ẹmwẹ akhasẹ avbe igbama ghi gha miẹn umian, avbe ọmaẹn ghi gha mian imina.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

II Timoti 2:17

Emwi ne iran ma emwa ẹre ghi ye vbe okobẹtẹ ne ọ kẹkẹ egbe rrie. Eva vbe uwu iran ni maemwaemwi vberriọ ọrọre Himeniọs kevbe Filetọs.

Jọsua 24:27

ọ keghi tama emwa ni hia wẹẹ, “Wa ghe okuta na; ọ na ọ re ọ ra gha re osẹe ima. Ọ họn ẹmwẹ hia ne Nọyaẹnmwa tama ima. Rhunmwuda rẹn ọ re ọ ra sẹ osẹe gbe uwa, ne ọ ghẹ gie uwa ya sọtẹ ghe Osanobua uwa.”

II Pita 3:3

Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

Arhie Maan 17:16

Igho igbe ne u dẹghe, kevbe aranmwẹ oha nii gha do gha khu iwu ebabotu nii, iran gha viọ emwi ne ọ mwẹ hia kpao, iran ghi sẹ ọe rae ye irhunmwirhuan. Iran gha rri efun egbe ẹre, iran gha ya erhẹn giẹn uan.

Arhie Maan 20:15

Avbe emwa hia ne eni ẹnrẹn i rre ebe emwa ni ma he wulo, a keghi filo iran ku uwu odighi erhẹn nii.

Arhie Maan 21:8

Sokpan avbe avbiẹrẹ, ọgueva, iran ni rhiaraa, avbe izigha kevbe igbalama, iran ni ru ẹbọ edunna, iran ni ga amazẹ, kevbe iran ni ta ohoghe hia, ehe ne ọre ọghe iran ọrọre odighi erhẹn ne ọ giẹn ugbofi ladian, ọnii ọre uwu ne ogieva.”