Jems 5:11 - Edo Bible (E Baibol Ẹdo) Version 1996

¹¹ Te ima ghi tie iran emwa ni rre oghọghọ rhunmwuda, iran zin egbe. Wa họn ẹn vbene Job ziengbe hẹ, wa vbe rẹn vbene Nọyaẹnmwa ghi fiangbẹe hẹ vbe okiekie. Rhunmwuda, Nọyaẹnmwa vuọn ne itohan kevbe ẹnina.

Jems 5:11 Iomraidhean Croise

I Krọnikol 21:13

E Devid keghi wanniẹn tama e Gad wẹẹ, “Ẹrinmwi ọ re I ghe na sokpan, I ma ho ne emwa ne agbọn rria mwẹ ikhi. Gie Nọyaẹnmwa tobọ ẹre rria mwẹ ikhi rhunmwuda, rẹn mwẹ ekhọe agiẹngiẹn.”

II Krọnikol 30:9

A dẹghe wa werriegbe bu e Nọyaẹnmwa gha dee, ẹghẹ nii, iran ni viọ etẹn uwa oghunmwu gha rrie gha tohan iran, iran ghi gie iran werriegbe gha die owa. E Nọyaẹnmwa ne Osanobua uwa, ọmwa ne ọ fu ẹko kevbe ne ọ tohan ọmwa nọ, ọ gha rhan obọ miẹn uwa.”

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Nehimaia 9:31

Sokpan, rhunmwuda ighẹ itohan ruẹn kpọlọ, u ma fi iyeke gbe ra ne u fuẹn iran an Osanobua ne ọ vuọn ne ẹsọhẹ ne ọ mwẹ itohan, ọre uwẹ khin.

Job 1:1

Okpia ọkpa kegha rrọ vbe ẹvbo ne a tie ẹre Uz, a keghi tie eni okpia na e Job, ọmwa na keghi ga Osanobua, ọ kevbe guobọ ẹre ẹsẹse. Ọmwa esiesi wa gha nọ, ọ keghi gha hia ne ọ ghẹ ru emwi dan rhọkpa.

Job 1:2

Ọ kegha mwẹ emọ ikpia ihinrọn kevbe emọ ikhuo eha.

Job 2:10

E Job keghi wanniẹn wẹẹ, “Ẹmwẹ oya ọ re ọ ke unu ẹn ladian. Osanobua gha rhie emwi ne ọ maa giẹ ọmwa, ma ghi ye oghọghọ miẹn ẹnrẹn. Vbọzẹ ne a gha na gha gui ẹzọ uwunu a deghẹ ọ giẹ ọlọghọmwa rre?” Vbene ọlọghọmwa na wegbe sẹ, e Job ma fi unu giẹ Osanobua. Avbe Ihua E Job Rre

Job 23:10

Sevba, Osanobua rẹn dọmwadẹ owẹ ni I zẹ vbotọ. Ọ gha danmwẹ mwẹ ghe, ọ gha miẹn wẹ, I i mwẹ iruẹn.

Psalm 103:13

Zẹ vbene erha tohan ivbi ẹre, erriọ e Nọyaẹnmwa tohan iran ni ya ọghọ ne ẹẹn.

Psalm 103:8

E Nọyaẹnmwa mwẹ itohan ọ mwẹ aho ẹmwẹ ọmwa, ẹ i rherhe mu ohu, ọ vuọn ne aho ẹmwẹ ọmwa ne ẹ i beghe.

Psalm 116:5

E Nọyaẹnmwa mwẹ itohan, ọ vbe maa, ọmwa ne ọ vuọn ne ẹnina, ọ re Osanobua mwa khin.

Psalm 119:132

Werriegbe ghe mwẹ, ne u tohan mwẹ, zẹ vbene u ru ghe iran ni ho ẹmwẹ ruẹn hia.

Psalm 145:8

E Nọyaẹnmwa mwẹ ahoẹmwọmwa kevbe ẹnina ẹ i rherhe mu ohu, ọ vuọn ne ahoẹmwọmwa ne ẹ i beghe.

Psalm 37:37

Yi ọmwa esi ẹro, gbe aro kotọ vbe egbe ọmwata ọmẹhẹ mwẹ ivbi igiogbe ọre,

Psalm 51:1

Tohan mwẹ Osanobua rhunmwuda ahoẹmwọmwa ruẹn ne ẹ i beghe rhunmwuda itohan ruẹn ne ọ kpolo khiẹn orukhọ mwẹ nibun hin rre.

Psalm 78:38

Sokpan, Osanobua tohan emwa rẹn ọ ya orukhọ iran bọ iran, ọ ma fuẹn iran an. Ẹghẹ nibun ọ re ọ ya mu ohu ne ọ te mu ẹẹn yotọ ọ ke vbe werriegbe vbe ohu ẹre nọkhua.

Psalm 86:15

Sokpan Osanobua ne ọ mwẹ itohan, kevbe ne ọ ho ẹmwẹ ọmwa, ọ re uwẹ khin Nọyaẹnmwa, ne ọ ziengbe vbe ẹghẹ hia ne ọ mwẹ itohan kevbe ne ọ guobọmwa.

Psalm 86:5

Wẹ maa ne ima, u kevbe ya orukhọ bọ, u vuọn ne aho ne ẹ i beghe ne iran ni na erhunmwu ghe ruẹ.

Psalm 94:12

Nọyaẹnmwa, afiangbe nọ ne ọmwa ne uwẹ ma ẹre emwi, ọmwa ne uwẹ ma ẹre uhi ruẹ!

Ẹksọdọs 34:6

E Nọyaẹnmwa kegha gberra vbe odaro ẹre, ọ keghi datie wẹẹ, “Mẹ ne Nọyaẹnmwa, ọrọre Osanobua ne ọ vuọn ne agiẹngiẹn ne a i sẹtin rherhe ya ohu mu, ne ọ mwẹ aho ẹmwẹ ne ẹ i beghe kevbe amuẹntinyan.

Asan-Ibo 7:8

Ufomwẹ emwi ọ re ọ maa sẹ omuhẹn ọnrẹn. Izin egbe ọre ọ maa sẹ itẹngbemu.

Aizaia 63:7

I gha na iyẹn ahoẹmwọmwa e Nọyaẹnmwa ne ẹ i fira. I rho ẹre ye iwinnaa ne ọ winna ne ima Ọ fiangbe ivbi Izrẹl ẹsẹse. Rhunmwuda itohan kevbe ahoẹmwọmwa ne ẹ i beghe.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Eve Orriara 3:22

Aho ẹmwẹ ọmwa ne ẹ i fira kevbe itohan ọghe e Nọyaẹnmwa ye rrọọ rhinrin,

Daniẹl 9:9

Wẹ mwẹ itohan, u keghi vbe yabọ, a gha rhe miẹn wẹ ma sọtẹ ghe ruẹ.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Nọmbas 14:18

‘Mẹ ne Nọyaẹnmwa ohu i rherhe mu mwẹ, mẹ rhie ahoẹmwọmwa kevbe ayegbe yan ọmwa maa, I ghi vbe gha ya orukhọ kevbe isọtẹ bọ ọmwa sokpan ẹ i mwẹ I ma rria ikhi erha kevbe avbe ivbi ẹre, kevbe emiwu kevbe eyẹ kevbe orre ne ogieha kevbe ne ogienẹ, rhunmwuda orukhọ evbibiẹ iran.’

Matiu 10:22

Emwa hia gha mu ohu uwa rhunmwuda mwẹ. Sokpan ọmwa ne ọ mu uhunmwu kọe ya sẹ ufomwẹ, a gha miẹn rẹn fan.

Iyẹn ne ọ Maan Ọghe Luk 1:50

Ọ tohan iran hia ni mu ohan rẹn. Ke orre ya sẹ orre.

Iyẹn ne ọ Maan Ọghe Luk 11:10

Rhunmwuda ọmwa ne ọ rhirhi nọọn, ọ gha sẹ ọre obọ, ne ọ gualọe gha miẹn, a gha kie ne ne ọ sobọ.

Iyẹn ne ọ Maan Ọghe Luk 6:36

Wa gha mwẹ itohan zẹ vbene erha uwa vbe mwẹ itohan.

Ebe ne Pọl gbẹẹn gie emwa Rom 2:4

Ra te uwẹ miẹn ọẹn fo ighẹ itohan rẹn nọkhua kevbe ifuẹko kevbe i ziengbe ẹre? Wẹ ma rẹn ighẹ te Osanobua ziengbe ne ọ rhie ẹghẹ nuẹn ne u ya fiwerriẹ?

Ẹfisọs 1:6

Wa gie ima rho Osanobua ye ẹsọhẹ nọ mwẹ uyi ọghọe, kevbe emwi ọhẹ ne ọ ya ru ima ẹse, vbe uwu ovbi ẹre ne ọ ghan!

Ẹfisọs 2:4

Sokpan ọkpọkua ọre itohan Osanobua khin, aho ẹmwẹ ọmwa rẹn ghe mwa keghi vbe re nọkhua.

Hibru 10:39

Ma i rre uwu emwa ni werriegbe, iran na vbe wirua, sokpan ma mwẹ iyayi, a keghi miẹn mwa fan.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

Hibru 3:6

Sokpan Kristi kegha re ne ọ gia mu ẹtin yan, zẹ vbe Ọmọ ne a gbe aro ghe owa erha ẹe. Ma na ọrọre owa ẹre, a deghẹ ma ya obọ da ẹtin mwa kevbe a muẹtinyan mwa yi mwẹ, vbe ọghe emwi ne ima mwẹ idanmwehọ ẹre.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

I Pita 1:13

Rhunmwuda ọnii khekherriọ, wa mu ekhọe uwa egbe ye otọ ne a ya fian emwi gbua. Wa rhie vbẹ ne uwa vbe rhie ekhọe uwa aro ye odẹ fẹẹrẹ gha khẹ afiangbe ne a gha rhie ne uwa vbe ẹdẹ ne Jesu Kristi gha ya egbe ladian.

I Pita 3:14

Sokpan, gie a kha ighẹ te uwa gele rri oya ye ẹmwẹ emwi esi ne uwa ru, ọma kaan uwa! Wa ghẹ fian afianma ọmwa rhọkpa, wa ghẹ vbe si osi.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.