Jems 4:9 - Edo Bible (E Baibol Ẹdo) Version 1996

⁹ Wa gha khiẹ, wa gha go, wa gha viẹ, wa ya ogiẹ uwa khian eve, wa vbe ye ọyẹnmwẹ uwa khian akhiẹ.

Jems 4:9 Iomraidhean Croise

Nehimaia 8:9

Iran ghi họn emwi ne Uhi nọ rẹn, ọ keghi da iran sẹrriọ wẹ iran na suẹn gha viẹ. Ẹre Nehimaia ne ne ọkhaemwisẹ, Ẹzra ne ohẹn kevbe ne ọ rẹn nene Uhi, kevbe avbe Livai ni gha rhan otọ nene Uhi ma emwa nii, keghi tama iran wẹẹ, “Ẹdẹnẹrẹ na, ẹdẹ nọhuanrẹn nọ ne Nọyaẹnmwa ne Osanobua uwa rhunmwuda ọnii, wa ghẹ khiẹ ra ne uwa vbe gha viẹ.

Job 30:31

Ehe ne I na te họn emwi ne a kpe ne ọ rhiẹnrhiẹn yi, ẹzọ uwunu kevbe eve ọ re I ghi họn vbọ.”

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:67

Vbe u te do gbe mwẹ hin ọkhọ rre, te I te ba odẹ ku, sokpan, banbanna nian, te I ghi họn ẹmwẹ ne uẹn.

Psalm 119:71

Ọ ma mẹ vbe a gbe mwẹ hin ọkhọ rre, rhunmwuda, ọ ya mwẹ ruẹ iyi ruẹ.

Itan 14:13

Ogiẹ sẹtin degue akhiẹ. Ẹko rhiẹnrhiẹnmwẹ gha kpao, akhiẹ ghi mu evba mwẹ.

Asan-Ibo 2:2

I keghi do miẹn wẹ emwi ukọnmwẹ ọ re ogie khin, kevbe wẹ egberọkhọmwẹ i mwẹ emwi ne ọ rhie ne ọmwa.

Jerimaia 31:13

Avbe ibiẹka ikhuo ni rrọ gha ku iran ghi vbe gha ghọghọ avbe ikpia, igbama kevbe avbe ọmaẹn gha ghọghọ. I gha fu iran ẹko rre, I ghi ye akhiẹ iran khian oghọghọ.

Jerimaia 31:9

Avbe emwa mwẹ gha werriegbe rre vbe ne iran na viẹ, iran ghi vbe gha na erhunmwu vbe ehe ne I na viọ iran werriegbe dee ni. I gha ma iran odẹ gha rrie ẹzẹ amẹ, vbe odẹ ne ọ rriẹe kpẹghẹ, ehe ne iran i ra na rrua owẹ. Te I ye vbe erha ne Izrẹl Ifreim ọrọre ovbi mwẹ nọdiọn.”

Eve Orriara 5:15

Ọyẹnmwẹ lahin ẹdagbọn ima rre nẹ; akhiẹ ọ re ọ ghi rhie ihe iku ne ima te ku.

Ezikiẹl 16:63

I gha ya emwi ne u baku ru hia bọọ. Sokpan wẹ gha ye iran rre, ekhue i ra gie uwẹ vbe rhan unu ruẹn.” E Nọyaẹnmwa ne Udazi tae nẹ.

Ezikiẹl 7:16

Eso gha lẹ la uhunmwu oke zẹvbe avbe idu ne a runraẹn ladian vbe uwu iya. Dọmwadẹ ọghọe gha khiẹ ye orukhọ ẹre.

Matiu 21:41

Iran wanniẹn wẹẹ, “Te ọ ra gbele emwa dan ni uan, ọ ghi mu ugbo ni ne emwa ọvbehe ni gha viọ emwi ne ọ sẹ irẹn egbe ne ẹn vbe ẹghẹ, vbe iran a rhọ emwiorhọ.”

Matiu 5:4

Ọ maa ne iran ni khiẹ, Osanobua gha fu iran ẹko rre!

Iyẹn ne ọ Maan Ọghe Luk 16:25

Sokpan Ebraham tama rẹn wẹẹ, ‘Ovbi mwẹ, yerre wẹẹ, ẹghẹ ne uwa na rre agbọn, emwi ne ọ ghi maa sẹ hia ke wa gha re ọ wuẹ, emwi ne ọ ghi rhia sẹ hia kegha re ọghe Lazarọs, eban nian, egbe rọkhọ irẹn sokpan wẹ rre uwu obalọ.

Iyẹn ne ọ Maan Ọghe Luk 6:21

Ọ maa ne uwa ne ohanmwẹ gbe nian: Ẹko gha vuọn uwa. Ọ maa ne uwa ni viẹ nian: wa gha giẹ.

Iyẹn ne ọ Maan Ọghe Luk 6:25

Ọ sẹ uwa ne ẹko vuọẹn nian: Ohanmwẹ gha gbe uwa ọ sẹ uwa ni giẹ nian: Wa gha khiẹ, wa gha viẹ.