Jems 4:6 - Edo Bible (E Baibol Ẹdo) Version 1996

⁶ Sokpan, uhin ighẹ ẹsọhẹ ne Osanobua rhie ne ọmwa, ọre ọ wo vbe egbe sẹ. Rhunmwuda ebe khare wẹ, “Te Osanobua mu aro ne ọkhọ da iran ni tọn egbe mu, sokpan ọ ghi gha rhie ẹsọhẹ ne iran ni mu egbe rriotọ.”

Jems 4:6 Iomraidhean Croise

II Krọnikol 32:26

Sokpan, vbe okiekie, e Hẹzekaia kevbe ivbi e Jerusalẹm keghi mu egberriotọ rhunmwuda ọnii, e Nọyaẹnmwa ma ghi rri emwa ni oya a te do miẹn wẹ Hẹzekaia wu.

II Krọnikol 33:12

Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.

II Krọnikol 33:19

Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.

II Krọnikol 33:23

sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.

II Krọnikol 34:27

U keghi roiro fi uyinmwẹ werriẹ, u na mu egbe rriotọ vbe odaro mwẹ, u na sọ ukpọn ye egbe ruẹ urhu, u na vbe gha viẹ, vbe u họn vbene I wẹ I gha rri e Jerusalẹm kevbe emwa ni rrọọ oya hẹẹ, I họn erhunmwu ruẹn.

Job 22:29

Osanobua si ọmwa itengbemu gbe otọ ọ keghi miẹn ne ọ mu egbe rriotọ fan.

Psalm 138:6

A gha rhe miẹn wẹẹ ehe ne u ye vbe odukhunmwu yo ẹsẹse, te u ye zẹ ye avbe emwa ne a ma rẹn re, iran ni tọn egbe mu i vbe sẹtin lẹre ne uẹn.

Psalm 9:12

Osanobua ye iran ne usẹ sẹ rre, ẹi vbe mianmian utumwẹ iran, ọ vbe rri iran oya ighe iran ni fidọn ghe iran.

Ẹksọdọs 18:11

Banbanna nian, I miẹn wẹ, e Nọyaẹnmwa kpọlọ sẹ avbe ẹbọ hia, rhunmwuda te Osanobua ru vbenian na vbe ọ miẹn oya ne ivbi Izrẹl gha a re vbe obọ ivbi Igipt.”

Itan 15:33

Ọghọ ne a rhie ne Nọyaẹnmwa iruẹmwi ọ re wa vbe nọ ọghe obọ ẹre. Te uwẹ gha mwẹ amu egbe rriotọ a te miẹn wẹ uyi do gha rruẹ egbe.

Itan 18:12

A i yọghọ ne ọmwa adeghẹ ẹ i mu egbe rriotọ; emwa ni tengbemu, odẹ ọfuan ọre iran gbẹn khian.

Itan 22:4

Gha ya ọghọ ne Nọyaẹnmwa, gha mu egbe rri otọ, u gha miẹn ẹfe, uyi, kevbe utọmwẹ.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Itan 3:34

Ẹ i mwẹ emwi ne ọ ya iran ni ya obọ rra ẹwẹe iran ru, sokpan, ọ wa ru iran ni mu egbe rriotọ ẹse.

Aizaia 2:17

A gha dobọ uhiomwẹ emwa nagbọn yi, a gha fuẹn itengbemu emwa nagbọn ruan. A gha ho avbe amazẹ bẹkun fẹẹrẹ. E Nọyaẹnmwa ọkpa ọ re a ra gha go wan ẹdẹ ne ẹdọ.

Aizaia 54:7

“I sẹ uẹ rae vbe ovbi ẹghẹ kherhe aho ẹmwẹ ọmwa ne ọ dinmwi ọre I ra ya dọlegbe rhie ruẹ werriegbe.

Aizaia 57:15

“Mẹ ọrọre Osanobua ne ọ yo kevbe ne ọ kpọlọ ne ọ rrọ ẹdẹdẹmwẹdẹ. Ehe ne ọ yo kevbe ne ọ huanrẹn ọ re imẹ dia, sokpan mẹ vbe di ọghe iran ni mu egbe rriotọ, kevbe ni roiro fi uyinmwẹ werriẹ ya, ne imẹ miẹn ehe na rhie idaehọ kevbe imuẹntiyan ọghe iran werriegbe ye ihe.

Daniẹl 4:37

“Banbanna nian, mẹ ne Nebukiadneza rho ẹre, I ya ọghọ ne ẹẹn, I keghi vbe rhie uyi ne ẹẹn ighe Ọba Ẹrinmwi. Emwi hia ne ọ gbae kevbe ne ọ hẹnhẹn, ọghọe ọ re nọ. Ọ vbe sẹtin vbokho ọmwaikọmwa ne ọ tengbemu uhunmwu rriotọ.”

Matiu 13:12

Rhunmwuda ọmwa ne ọ ka mwẹ, ọre a gha ye vbe viọ na, ne ọ miẹn ehe na gha mwẹ ọnrẹn ọkpọkua. Sokpan ne ẹ i mwẹ, ekherhe ne ọ te vbe mwẹ, a gha wa miẹn ẹre re.

Matiu 23:12

Ọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.

Iyẹn ne ọ Maan Ọghe Luk 1:52

Ọ silo iran ne ọba nekhua hin ẹkete iran rre. Ọ keghi tọn avbe emwa ne ẹ i mwẹ esa mu.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

Jems 4:10

Wa mu egbe uwa rriotọ vbe odaro Osanobua, rẹn gha vbe tọn uwa mu.

I Pita 5:5

Erriọ vbe nọ zẹẹ, wa ne igbama, wa gha gbe uhunmwu ke otọ ne avbe eniwanrẹn. Wa hia fẹẹrẹ ghi rhie ukugba imuegberriotọ gba, ne uwa ya gha ru ne egbe rhunmwuda ebe khare wẹẹ, “Osanobua mu aro igbinna da e nọ tọn egbe mu, sokpan ọ ghi gha rhie ẹsọhẹ ne ne ọ mu egbe rri otọ.”

I Samuẹl 2:3

Dobọ owogho oghagha ruẹ yi gie ẹmwẹ uhiomwẹ ruẹn gbẹdọ, rhunmwuda, e Nọyaẹnmwa, Osanobua ne ọ rẹn emwi ne ọ sunu nọ, ọ vbe bu ohiẹn emwi ne emwa ru hia.