Jems 4:5 - Edo Bible (E Baibol Ẹdo) Version 1996

⁵ Ghẹ gha ro ighẹ, ẹ i mwẹ otọ emwi ne a ya ẹe kha ighẹ ne ebe ne kha wẹẹ, “Orhiọn ne Osanobua rhie ye uwu ima, orriarria ọbanabe ọre ọ vuọn rẹn.”

Jems 4:5 Iomraidhean Croise

Gẹnẹsis 26:14

Avbe Filistin kegha gbe ọvo ẹre rhunmwuda ighẹ ọ mwẹ oghẹn ohuan kevbe ẹmila nibun deba avbe eviẹn.

Gẹnẹsis 30:1

Sokpan, e Rekiẹl, ma he biẹ ne Jekọb, ọ keghi gha gbọvo ọtiọnrẹn, ọ keghi khama e Jekọb wẹẹ, “Rhie ọmọ mẹ biẹ, deghẹ ẹ ire erriọ, I gha wu.”

Gẹnẹsis 37:11

Etẹn Josẹf nikpia kegha guẹe mu ohu sokpan erha ẹe kegha rria ẹmwẹ nii hia vbe ekhọe.

Gẹnẹsis 38:9

Sokpan Onan rẹnrẹn wẹ ẹ i re irẹn ọre ọ ra yan emọ nii; rhunmwuda ọnii, ẹghẹ hia ne ọ ya miẹn amwẹ ọtiọnrẹn, ọ ghi mu eku ẹre ku otọ, ne ọtiọnrẹn ghẹ miẹn ehe na gha mwẹ urho.

Gẹnẹsis 6:5

Ugbẹn vbe Nọyaẹnmwa ghi miẹn wẹ emwi dan wa gba emwa hia obọ vbe ehe hia kevbe wẹ, iro dan ọkpa ọre ọ wa rre iran ekhọe vbe ẹghẹ hia,

Gẹnẹsis 8:21

Uwinhinmwẹ ọnrẹn keghi yẹ Nọyaẹnmwa, ọ keghi tae wẹẹ, “Mẹ i ghi dọlegbe fi agbọn unu rhunmwuda uyinmwẹ emwa nagbọn, mẹ rẹnrẹn wẹ ke ẹghẹ ọvbokhan rẹn kpao, iro dan ọre ọ rre ekhọe ẹre, Mẹ i ghi dọlegbe fuẹn emwi hia, zẹ vbene I ruẹe ẹdẹnẹrẹ.

Psalm 106:16

Vbe uwu ato nii, iran kegha gbọvo e Mosis kevbe Errọn eguọmwadia ni huanrẹn e Nọyaẹnmwa.

Psalm 37:1

Ghẹ si osi ba ẹmwẹ ọmwa dan, ghẹ ye aro yi emwi ọmwa ne ọ rra iyi.

Itan 21:10

Ohanmwẹ emwi dan ne a ru ọ re ọ gbe emwa dan vbe ẹghẹ hia; iran i tohan ọmwa rhọkpa.

Asan-Ibo 4:4

I vbe rẹn emwi ne ọ si ẹe nẹ, ne emwa na miẹn ẹsọn sẹrriọ vbe agbọn na, ne ọ miẹn ehe na dunna ne iran: emwi ne ọ siẹe ọrọre wẹ emwi ne ogieva iran mwẹ viẹn ye iran aro, sokpan, ọna i vbe mwẹ esa, te ọ yevbe ne a khu ẹhoho khian.

Aizaia 11:13

Otọe arriọba Izrẹl i ghi ra vbe dọlegbe gha gu e Juda taekpẹn ọvbehe, e Juda i ghi ra vbe gha re oghian Izrẹl ọvbehe.

Nọmbas 11:29

E Mosis keghi wanniẹn wẹẹ, “Ohanmwẹ i to uwẹ ra? Ọ gha wa ye mwẹ akpawẹ e Nọyaẹnmwa gha rhie orhiọn na ne emwa rẹn hia ne iran hia gha guan zẹ vbe akhasẹ.”

Nọmbas 23:19

Osanobua i ye vbe emwa ne agbọn, ni ta ohoghe; rẹn i re ọmwa kẹkan ne ọ gbe yo gbe rre. Emwi ne ọ rhirhi ta, ọre ọ ru; ọ gha guan, a ghi ru ẹe.

Iyẹn ne ọ Maan Ọghe Jọn 10:35

Ma rẹnrẹn wẹ ẹmwẹ ne ebe ne ọ huanrẹn tae, ẹmwata ẹtẹbitẹghori ọre nọ. Osanobua tie iran ne a rhie ẹmwẹ ọnrẹn na, Osanobua.

Iyẹn ne ọ Maan Ọghe Jọn 19:37

Ebe ne ọ huanrẹn vbe ta ẹe vbe ihe ọvbehe wẹ, “Iran ghi gha ghe ọmwa ne iran ye asoro so.”

Iyẹn ne ọ Maan Ọghe Jọn 7:42

Ebe khare wẹ uniẹn Devid ọre nene Mẹzaia ra gha khin, kevbe wẹ Bẹtlẹhẹm ne ẹvbo Devid ọre a ra na biẹ ọe.”

Iwinna 7:9

“Avbe erha mwa odede kegha mu ohu Josẹf, iran keghi khiẹn ọre ọviẹn fua gha rrie otọ Igipt. Sokpan Osanobua keghi ya ba ẹre.

Ebe ne Pọl gbẹẹn gie emwa Rom 1:29

Uyinmwẹ dan hia wa gua iran obọ ro, ọkhọ, orriarria, iba, uwu igbọvo iran wa ye, izigha, igbinna, erẹrẹ, kevbe irriakhuẹ.

Ebe ne Pọl gbẹẹn gie emwa Rom 9:17

Rhunmwuda ebe tama Fero wẹẹ, “Emwi ọre ọ zẹẹ ne I na ya a ma ọba, ne I miẹn ehe na la egbe ruẹ rhie ẹtin mwẹ ma an, kevbe ne I miẹn ehe na ya eni mwẹ khian ne a rẹnrẹn vbe uhunmwu otọ agbọn hia.”

I Kọrinti 6:19

Wa ma rẹn ighẹ owa Orhiọn Ne Ọ Huanrẹn ọ re egbe uwa khin, Orhiọn Ne Ọ Huanrẹn ne Osanobua rhie ne uwa, ne ọ rre uwu uwa? Wa i ghi re ọghe egbe uwa, ọghe Osanobua ọre uwa khin.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Galatia 3:8

Ebe miẹn ọẹn ye otọ nẹ wẹ, iyayi ọre Osanobua ra ya dọlọ iran ne ẹ i re Ju kugbe ba egbe ẹre. Ọnii ọ si ẹe ne ebe na ka kpe orhu Iyẹn Ne ọ maa ni ma Ebraham ye otọ wẹ, “Ekpa ruẹ ọre Osanobua ra na fiangbe emwa hia ni rre agbọn.”

Taitọs 3:3

Rhunmwuda ẹghẹ ọkpa rrọọ ne ima tobọ ima na te vbe kọn, a i họn ẹmwẹ, a keghi vbe ba emwi ku ru. Orriarria kevbe emwi ni rhiẹnrhiẹn ughughan keghi mu ima oghunmwu. A ke gha lo ẹdẹ mwa hia vbe uwu ikhọẹko, kevbe oya ọmwa da ọmwa, emwa eso kegha khu iwu mwa, ma keghi vbe gha khọ ẹko iran.