Jems 4:4 - Edo Bible (E Baibol Ẹdo) Version 1996

⁴ Wa ne ẹ i mwẹ iyayi, wa ma rẹn wẹ, ne a gha re ọse agbọn na, ighẹ te a ya ẹe khian oghian Osanobua?

Jems 4:4 Iomraidhean Croise

Gẹnẹsis 3:15

I gha ruẹe ne uwẹ kevbe okhuo nii gha ya eghian so egbe, eghian egbe ẹdẹdẹmwẹdẹ ọre ivbi ẹre ke ivbi uwẹ ra gba gha khin; ivbi ẹre gha lọkọ uhunmwu uwẹ, wẹ ghi vbe gha sa iran ighinghianwẹ.”

Psalm 21:8

Ọba gha khọn munọ avbe eghian rẹn hia. Rẹn gha khọn munọ, iran ni khuiwu ẹre hia.

Psalm 50:18

Wa khian osẹ oyi ne uwa a rhirhi miẹn hia wẹ vbe iran ni ghẹẹ ọ re ọ gba mu obọ.

Psalm 73:27

Ẹ i mwẹ iran ni he uwẹ ye otọ ma fuẹn uan, wẹ gha fuẹn iran an ighe emwa ni ma guobọ ruẹ.

Aizaia 57:3

Wa larre ne a do bu ohiẹn uwa, wa ne emwa orukhọ. Wa ma maa sẹẹ avbe oso, iran ni ghẹẹ kevbe avbe ebabotu.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 9:2

Akpawẹ I gha miẹn ehe dia vbe ato nian ne I miẹn ehe na kpao hin ehe ne emwa mwẹ ye rre. Iran rhọkpa i gia mu ẹtin yan ẹbu dan ni ya ọmwa ma iran khin.

Ezikiẹl 16:32

Te u ye vbe okhuo ne ọ ya gha gu avbe orhunmwuyẹn ru ọghe vbene ọ gha na te gha ho ẹmwẹ ọdọ ẹre.

Hozia 3:1

E Nọyaẹnmwa keghi tama mwẹ wẹẹ, “Dọlegbe gha khian, ne u ya ho ẹmwẹ okhuo ne irẹn vbe egbakhian rẹn gba ghẹ khian nii, u ghi ho ẹmwẹ ọnrẹn zẹ vbene imẹ ye vbe ho ẹmwẹ ivbi Izrẹl ne emwa mwẹ, a gha rhe miẹn wẹ iran lẹ lele ẹbọ ọvbehe, iran keghi vbe gha ya ititi ọmọ erhan ne a kae re, zọ ese ghe amazẹ.”

Matiu 12:39

Jesu wanniẹn wẹẹ, “Emwa dan ni ma rẹn Osanobua ọre orre na wa khin! Ẹ i re iwinna ọyunnuan wa nọ rẹn? Iwinna ọyunnuan ne a gha rhie ma uwa i ghi vbe rrọọ gberra ọghe Jona ne akhasẹ.

Matiu 16:4

Jesu keghi kha wẹẹ, “Erriọ a vbe miẹn emwa dan kevbe ne ẹnina Osanobua izẹdẹ rre ọre ekhọe vbe ne orre na ye ra? Ẹ i re iwinna ọyunnuan wa gualọ vbe obọ mwẹ? Wa i ra miẹn ọvbehe nian gberra ọ ghe Jona ne akhasẹ.” Ọ keghi kpao sẹ iran rae, ọ na gha rrie.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Iyẹn ne ọ Maan Ọghe Luk 19:27

Ẹn hẹn, avbe iran ne eghian mwẹ nii, ni khare ne I ghẹ rrie egie yan iran, viọ iran rre ne u sirra mwẹ gbele iran uan.’ ”

Iyẹn ne ọ Maan Ọghe Jọn 15:19

Akpawẹ ọghe agbọn na uwa khin, agbọn na gha ho ẹmwẹ uwa zẹ vbe ọghe ẹe. Sokpan mẹ hannọ uwa zẹ hin uwu agbọn na rre nẹ, wa i ghi vbe re ọghe ẹe ọvbehe, ọnii ọ zẹẹ ne agbọn na khuiwu uwa.

Iyẹn ne ọ Maan Ọghe Jọn 17:14

I ta uhunmwu ne u gie mwẹ re ma iran nẹ, agbọn na gha khọ ẹko iran, rhunmwuda iran i re ọghe agbọn na zẹ vbe ne imẹ i vbe re ọghe agbọn na.

Iyẹn ne ọ Maan Ọghe Jọn 7:7

Agbọn i sẹtin gha khuiwu uwa, sokpan mẹ ọre ọ khuiwu ẹre rhunmwuda ne I na tama rẹn wẹ iwinna rẹn ẹ i ma.

Ebe ne Pọl gbẹẹn gie emwa Rom 5:10

Eghian Osanobua ọre ima te gha khin, sokpan rẹn keghi la ekpa uwu ovbi ẹre ya ima khian ọse ẹre. Vbe ne a ghi na miẹn na ighẹ ọse Osanobua ma ghi khin, u ma rẹn ẹ i mwẹ ọ ma ye arrọọ ọghe Kristi miẹn ima fan.

Ebe ne Pọl gbẹẹn gie emwa Rom 8:7

Rhunmwuda ọnii, a deghẹ egbe zẹ vbene a yiẹe ọre ọ gie odẹ emwi ne ọmwa gha ru ma ọmwa, ọmwa ni khian oghian Osanobua nẹ, rhunmwuda, ẹ i ghi zẹ ye vbene uhi Osanobua kha re, vbe ẹmwata, rẹn i ghi vbe sẹtin zẹ yọ.

I Kọrinti 1:20

De ehe ne avbe umẹwaẹn ghi ye vbọ khekherriọ ra iran ni rẹn emwi? Ra iran ni guara muan ẹmwẹ vbe agbọn na. Osanobua rhie maa nẹ ighẹ ẹwaẹn agbọn na, ukọnmwẹ nọ.

I Kọrinti 1:21

Rhunmwuda Osanobua, vbe ekpa ẹwaẹn ne ọ wanrẹn, ọ keghi ru ẹe wẹ ne emwa ne agbọn i ghẹ sẹtin ya ẹwaẹn iran gualọ irẹn miẹn, sokpan, Osanobua keghi wẹẹ, ikpẹ orhu “akpa” ne ima kpe, ọre irẹn gha la ekpa ẹre miẹn iran ni yayi fan.

Galatia 1:10

Te ọ ghi ye vbe wẹ, te I ho ne emwa ba gha tian mwẹ ma uwa ra? Hiehiere, Osanobua ọ re I ho ne ọ tian mwẹ! Te I ba ho ne emwa hia gha so eni mwẹ nọ ma ra? Akpawẹ vberriọ ọre I ru, I ghẹ ghi sẹtin gha re ọguọmwadia Kristi.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.