Jems 4:3 - Edo Bible (E Baibol Ẹdo) Version 1996

³ Wa gha nọ, ẹ i vbe sẹ uwa obọ rhunmwuda, emwi ne ọ ya uwa nọ rẹn, ẹ i ma, emwi ne uwa gha ya gha zẹ ọkpowẹ, ọre uwa họ rẹn.

Jems 4:3 Iomraidhean Croise

I Ọba 3:11

Ọ keghi tama rẹn wẹẹ, “Vbe ne a na miẹn wẹ ẹwaẹn ne u gha ya gha gbearoghe emwa ẹse ọ re u nọ rẹn, u ma nọ wẹ ne a guẹ tọ ra ne u fe ra ne eghian ruẹn wulo,

Job 35:12

Iran gha tu nọ iyobọ, Osanobua i zẹ yọ rhunmwuda, emwa dan ni tọn egbe mu ọ re iran khin.

Psalm 18:41

Iran tu nọ iyobọ sokpan, a ma miẹn ne ọ miẹn iran fan iran da tie Nọyaẹnmwa, sokpan, ọ ma khuẹnniẹn.

Itan 1:28

Ẹghẹ nii, wa ghi gha kpetie ẹwaẹn, sokpan, mẹ ira khuẹnniẹn. Wa sẹtin gualọ mwẹ lele ehe hia, sokpan, wa i ra miẹn mwẹ.

Itan 15:8

Emwa esi gha na erhunmwu, ẹko ghi gha rhiẹnrhiẹn e Nọyaẹnmwa, sokpan te emwi izọ ese ne emwa dan viọ gie ẹe sọnnọ ẹn.

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Itan 21:27

Te ọ sọnnọ e Nọyaẹnmwa vbe emwa dan a zọ ese ghe ẹre, katekate vbe a gha miẹn wẹ emwi dan ọ re ọ rre iran ekhọe ne ọ ye iran ru ẹe.

Jerimaia 11:11

Rhunmwuda ọnii nian, mẹ ne Nọyaẹnmwa, ọ re ọ tama iran yotọ na wẹ I ra do si ọfuan ye iran egbe, kevbe wẹ iran i sẹtin lẹ ọre fe. Iran gha tu bu mwẹ gha dee do nọ iyobọ, I i zẹdẹ zẹ ye iran ẹre.

Jerimaia 11:14

E Jerusalẹm i ghi na erhunmwu ghe mwẹ ra ne iran vbe rinmwian mwẹ ne emwa nii ọvbehe. Iran gha rre uwu ibaro, iran na tu bu mwẹ rre do nọ iyobọ, I i zẹ ye iran ẹre.”

Jerimaia 14:12

Ọ gha khọn iran wẹ ne iran yo aguẹ, I i zẹ ye eve ne iran ya nọ iyobọ, ọ gha khọn iran, iran zọ ese na giẹn uan mẹ, ra imuohan ọghe ọka, ẹko mwẹ i ra rhiẹnrhiẹn ghe iran sokpan, I gha ye okuo gbele iran an, kevbe ohanmwẹ, deba emianmwẹ.”

Maika 3:4

Ẹghẹ dee ne uwa gha na datu tie Nọyaẹnmwa sokpan rẹn i ra zẹ ye uwa ẹre. Rẹn i ra vbe họn erhunmwu ne uwa na rhunmwuda wa ru emwi dan nẹ.

Zẹkaraia 7:13

Rhunmwuda ne iran ma na zẹ yọ vbe I gu iran guan, iran ghi vbe na erhunmwu, mẹ ma vbe zẹ yọ.

Matiu 20:22

Jesu wanniẹn tama iran wẹẹ, “Wa ma kue rẹn emwi ne uwa nọọn. Wa gha sẹtin wọn ukpu ne imẹ ra wọn na ra.” Iran wanniẹn tama rẹn wẹẹ, “Ma gha sẹtin.”

Iyẹn ne ọ Maan Ọghe Mak 10:38

Jesu wanniẹn tama iran wẹẹ, “Wa ma rẹn emwi ne uwa nọ, wa gha sẹtin ye egbe miẹn emwi ne I ra ye egbe miẹn ra, ra ne emwi ne ọ ra sunu vbe egbe mwẹ vbe sunu vbe egbe uwa?”

Iyẹn ne ọ Maan Ọghe Luk 11:10

Rhunmwuda ọmwa ne ọ rhirhi nọọn, ọ gha sẹ ọre obọ, ne ọ gualọe gha miẹn, a gha kie ne ne ọ sobọ.

Iyẹn ne ọ Maan Ọghe Luk 15:13

Vbe iyeke ikpẹdẹ eso, nekherhe ne ọ rrọọ keghi khiẹn emwi ne ọ se ọre obọ, ọ na mu igho ẹre, ọ na kpao vbe owa. Ọ na gha rrie ẹvbo ne ọ rrei ẹsẹse, ọ na ya ye uyinmwẹ ọpakharha lo ehia rhia.

Iyẹn ne ọ Maan Ọghe Luk 15:30

Sokpan ovbi uẹ na ne ọ ya duẹ igho ẹre ua ne avbe ebabotu ghi rre nian, u gbe ẹmila abẹgbe nẹẹn!’

Jems 4:1

De ehe ne ẹzọ kevbe igbinna la la uwu ẹbu uwa yi? Orriarria uwa, ye orhiẹnrhiẹn ne ọ gu egbe uwa gbinna ẹghẹ hia, ọ re ọ ke rre.

I Jọn 3:22

Emwi ne ima a rhirhi nọ vbe obọ ẹre, ghi gha sẹ ima obọ, rhunmwuda, emwi ne ọ tae ọre ima ru, emwi ne ọ rhirhi yẹ ọre ọre ima ru.

I Jọn 5:14

Ọna ọ si ẹe ne afianma i na fian ima vbe odaro Osanobua, aro ima dae wẹ, rẹn gha ru ẹe, a deghẹ ma nọ rẹn emwi, zẹ vbene ọ gua egbe emwi ne irẹn ho ro.