Jems 4:2 - Edo Bible (E Baibol Ẹdo) Version 1996

² Wa ho emwi eso, sokpan obọ uwa ma sẹ ọe, rhunmwuda ọnii, wa ghi mu egbe ne uwa gha ya de izigha, wa ghi ye aro ye emwi eso, sokpan ẹ i sẹ uwa obọ, rhunmwuda ọnii wa ghi suẹn gha gui kevbe gha gbinna. Emwi ne uwa gualọ ma sẹ uwa obọ rhunmwuda, wa ma nọ rẹn vbe obọ Osanobua.

Jems 4:2 Iomraidhean Croise

I Ọba 21:6

Rẹn keghi wanniẹn wẹẹ, “Rhunmwuda ẹmwẹ ne Nabot tama mwẹ nọ. I tama rẹn wẹ ne I dẹ ugbo emwiokọ ẹre ra deghẹ ọnii ọ yọ ọre sẹẹ, ne I mu ọvbehe yọ ẹre re; ọ keghi tama mwẹ wẹ, rẹn i mu ẹẹn mẹ.”

Itan 1:19

Ẹmwẹ oyi ne a rha ọ re oyi lele rrie, emwi na ọ re ọ sunu vbe egbe ọmwa ne ọ yin uyinmwẹ ika.

Asan-Ibo 4:8

Wa ghe ọmwa na ne irẹn okpa vbe ẹhi ẹre rre owa. Ẹ i mwẹ ọmọ, ẹ i mwẹ etẹn, sokpan, ẹsọn ọ re ọ miẹn vbe ẹghẹ hia, ẹfe ne ọ mwẹ i ye vuọn ẹre aro. De ọmwa ne ọ ghi miẹn ẹsọn na na yi ne ẹ i na hẹwẹ gbe amẹ sa wọn? Ọna i zẹdẹ ma hiehie, agbọn usẹ ọ re nọ.

Aizaia 7:12

Ehaz keghi wanniẹn wẹẹ, “Mẹ i ra nọ ama. Mẹ i sẹtin danmwẹ e Nọyaẹnmwa ghe.”

Habakọk 2:5

Emwi ne ọ rẹrẹ ọmwa ọ re ẹfe khin. Emwa ne ẹho tọlọ, te iran tọn egbe mu, ekhọe iran i vbe sẹ otọ, zẹ vbene uwu tobọ ẹre ye, ne ẹko i na vuọn ẹẹn, erriọ, ẹko i vbe vuọn iran. Ọnii ọ si ẹe ne iran na khọn ẹvbo yan ẹvbo mu ne egbe iran.

Iyẹn ne ọ Maan Ọghe Jọn 16:24

He do sẹ banbanna, wa ma he ya eni mwẹ nọ emwikemwi, wa nọ ighẹ ọ gha sẹ uwa obọ. Ne ọyẹnmwẹ uwa miẹn ehe na gha re ne ọ sẹ otọ ẹko.

Iyẹn ne ọ Maan Ọghe Jọn 4:10

Jesu wanniẹn wẹẹ, “Akpawẹ te u rẹn emwi ne Osanobua ya ru ọmwa ẹse ke ọmwa ne ọ wẹ ne u sa amẹ ne irẹn wọn, te u gha nọ rẹn, rẹn gha ghi vbe sa amẹ arrọọ nuẹn.”

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.

Jems 5:6

Wa bu ohiẹn uwu gbe ne ọ ma ru khọ, wa keghi vbe gbe ẹe rua sokpan, ọ ma vbe gu uwa sinmwi egbe.

I Jọn 3:15

Ọmwaikọmwa ne ọ khu iwu ọtiọnrẹn, izigha nọ, wa rẹnrẹn wẹ izigha i mwẹ arrọọ ne ẹ i fo vbe uwu irẹn.