Jems 4:14 - Edo Bible (E Baibol Ẹdo) Version 1996

¹⁴ Wa ma he rẹn vbene ẹdẹ agbọn uwa gha ye hẹ akhuẹ. Rhunmwuda, te uwu ye vbe ighogho amẹ ne ragha ragha, ne ọ rhie egbe ma vbe ẹghẹ kherhe, a ghi ho ẹre bẹkun.

Jems 4:14 Iomraidhean Croise

II Samuẹl 19:34

Sokpan, e Bazilai keghi wanniẹn, “Odẹ ehe ne I rrie ọ re ọ ghi ke ẹe sẹ, vbọzẹ ne I gha na lele uẹ gha rrie Jerusalẹm, Umogun?

Psalm 102:3

Agbọn mwẹ wa hoho ua khian vbe ighogho, ikinnegbe mwẹ wa giẹn vbe erhẹn.

Psalm 144:4

Te ọ yevbe oko ẹhoho, te ẹdagbọn rẹn yevbe aghọnghọn ne ọ rhie gberra khian.

Psalm 39:5

A miẹn vbene u ru ẹdẹ agbọn mwẹ kanmwa hẹ! Ẹdagbọn mwẹ i zẹdẹ mwẹ esa vba aro ruẹ. Vbẹmwata ọmwa nagbọn ma vbe sẹẹ, ẹhoho ne ọ rhie gberra khian.

Psalm 78:39

Ọ yerre wẹ emwa ni sẹtin wulo iran khin, zẹ vbe ẹhoho ne ọ hoho gberra, a ghi ho ẹre bẹkun.

Psalm 89:47

Yerre vbene ẹdẹ agbọn mwẹ kanmwa sẹ hẹ, yerre ighẹ te u yi ima hia ne a vbe sẹtin gha wu.

Itan 27:1

Ghẹ rhuọ khẹ ẹdẹ nakhuẹ; wẹ ma rẹn emwi ne ọ gha sunu ke ẹghẹ na kpao ya sẹ ẹghẹ nii.

Aizaia 2:22

Ghẹ mu ẹtin yan ọmwa ne ọ sẹtin wu. Vbe iran gbe vbe iran hẹẹ?

Aizaia 38:12

A te fian agbọn mwẹ fua, ọ te sẹ ufomwẹ zẹ vbe owa ukpọn ne a siẹn kua zẹ vbe ukpọn ne a fian hin ido rre. I te gha ro ighẹ te Osanobua rhie ufomwẹ ye ẹdẹ mwẹ.

Jems 1:10

Erriọ vbe nọ ne ọtẹn ne ọ fe, a deghẹ Nọyaẹnmwa ghi vbe si ẹe kẹ otọ. Rhunmwuda, ọmwa ẹfe gha fafaa zẹ vbene obobo ne ọ rre uwu oha.

I Pita 1:24

Zẹ vbene ebe kha re, “Te emwa hia ye vbe irunmwu ne oha, uyi ẹre hia ye vbe obobo ẹre. Irunmwu wu, obobo ẹre kharha kua,

I Pita 4:7

Ufomwẹ emwi hia sẹ otọ fo nẹ. Wa gha ziengbe emwi, wa ghi vbe khẹ yegbe, ne uwa sẹtin gha na erhunmwu.

I Jọn 2:17

Agbọn na, kevbe emwi ne agbọn gualọ ni rrọọ hia, te ehia rhie gberra khian, sokpan, ọmwa ne ọ ru vbene Evbavba ho ọ gha rrọọ ẹdẹdẹmwẹdẹ.