Jems 4:10 - Edo Bible (E Baibol Ẹdo) Version 1996

¹⁰ Wa mu egbe uwa rriotọ vbe odaro Osanobua, rẹn gha vbe tọn uwa mu.

Jems 4:10 Iomraidhean Croise

II Krọnikol 7:14

Adeghẹ iran na erhunmwu ghe mwẹ, iran na fi uyinmwẹ werriẹ, iran zobọ vbe emwi dan ne iran te ka ru, I gha họn urhu iran vbe ẹrinmwi I ghi ya orukhọ iran bọ iran I ghi dọlegbe ye otọ iran khian ne ọ maa.

Job 22:29

Osanobua si ọmwa itengbemu gbe otọ ọ keghi miẹn ne ọ mu egbe rriotọ fan.

Job 5:11

Vbe ẹmwata, Osanobua ọ re ọ tọn ọmẹhẹ mu, ọ ghi vbe rhie oghọghọ ne ni khiẹ hia.

Psalm 113:7

Ọ tọn ovbiogue mu ke ebubẹ ladian, ọ tọn iran ne ẹ i mwẹ mu hin usẹ iran rre,

Psalm 147:6

Ọ ghi tọn omwa ne ọ mu egherriotọ mu, sokpan, ọ ghi rẹnkhẹn ọmwa dan mu otọ.

Psalm 27:6

Erriọ ọ re I gha na khọnmiotọ vbe uhunmwu avbe eghian mwẹ ni lẹga mwẹ. I gha ya urhu oghọghọ ne ọ la zọ ese vbe uwu Ọgua Osa ẹre. I gha so ihuan, I gha rho e Nọyaẹnmwa.

Psalm 28:9

Miẹn emwa ruẹn fan Nọyaẹnmwa ne u vbe fiangbe emwa ni re ọwuẹ. Gha re ọsuohuan iran, ne u vbe gha gbearoghe iran ẹdẹdẹmwẹdẹ.

Psalm 30:1

I rho ruẹ Nọyaẹnmwa, rhunmwuda u miẹn mwẹ fan nẹ, u ma gie avbe eghian mwẹ ghọghọ mwẹ.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Itan 29:23

Te itengbemu mu ọmwa gbe otọ, sokpan, u gha re ọmwa ne ọ mu egbe rriotọ, a ghi gha yọghọ nuẹn.

Ezikiẹl 21:26

Mẹ ne Nọyaẹnmwa ne Udazi tae nẹ. Wa viọ ẹde uwa kevbe ukpọn ne uwa ya gbalọ uhunmwu egie hin rre. Emwi okpa ne ọ gha ye dunna vbene ọ ka ye dee yi, ẹ i ghi rrọọ. Wa tọn ivbiogue mu ye ukpo ọdakha. Wa ya iran ni te khaemwisẹ owẹ yotọ.

Matiu 23:12

Ọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.

Iyẹn ne ọ Maan Ọghe Luk 1:52

Ọ silo iran ne ọba nekhua hin ẹkete iran rre. Ọ keghi tọn avbe emwa ne ẹ i mwẹ esa mu.

Iyẹn ne ọ Maan Ọghe Luk 14:11

Rhunmwuda, ọmwa ne ọ tọn egbe mu, a gha mu ẹn rriotọ, ọmwa ne ovbe mu egbe ẹre rriotọ, a gha tọẹn mu.”

Iyẹn ne ọ Maan Ọghe Luk 18:14

Jesu keghi khama iran wẹẹ, “Ne I tama uwa, okpia na ọre ọ miẹn orhue rhie gha rrie vbe obọ Osanobua ighẹ ẹ i re nọkpa. Rhunmwuda, ọmwaikọmwa ne ọ tọn egbe ẹre mu, a gha mu ẹn rriotọ, ọmwa ne ọ mu egbe ẹre rriotọ, a gha tọn ẹn mu.”

I Pita 5:6

Rhunmwuda ọnii nian, gha mu egbe rri otọ vbe odaro obọ ẹtin nọkhua ọghe Osanobua, ne irẹn miẹn ehe na tọn ọn mu vbe ẹghẹ ne ọ keyi vbe aro ẹre.

I Samuẹl 2:7

Ọ gha si eso kẹ otọ, ọ ghi tọn eso mu.

I Samuẹl 2:9

“Ọ degue iran ne emwa rẹn ni maa, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ.