Jems 3:9 - Edo Bible (E Baibol Ẹdo) Version 1996

⁹ Rọẹn ni ọre a ya kpọnmwẹ Nọyaẹnmwa kevbe Erha mwa. rọẹn ọre a vbe ya rhovbiẹ emwa ne agbọn ne iho mwa, emwa ne a yi zẹ vbe ama Osanobua.

Jems 3:9 Iomraidhean Croise

Gẹnẹsis 5:1

Eni uniẹn Adam ọre ena khin. (Ẹghẹ ne Osanobua na yi emwa nagbọn, ọ keghi yi iran zẹ vbe ama egbe irẹn.

Gẹnẹsis 9:6

Ọmwa ne ọ rhirhi gbe ọmwa ran, ọmwa ne ihuaẹre ọ gha vbe gbẹe rua. Rhunmwuda te a yi ọmwa zẹ vbe Osanobua.

II Samuẹl 16:5

Ugbẹn vbe Devid ne ọba ghi sẹ Bahurim, ọtẹn e Sọl ọkpa ne a tie ẹre Simẹi ne ovbi e Gera, keghi bu ẹre gha dee, ọ na wa gha rhovbiẹ ọe vbene ọ wa ya dee nii.

II Samuẹl 19:21

Ẹre Abisiai ne ovbi e Zeruaia na ni urhu ladian wẹẹ, “Ọmwa ne a gbe ua ọre Simẹi khin rhunmwuda, ọ kpa unu ghe ọmwa ne Nọyaẹnmwa hannọ ne ọ gha re ọba.”

I Krọnikol 29:10

Vbe odaro emwa ni si koko vbe evba nii hia, e Devid keghi rho Osanobua, ọ na wẹẹ, “E Nọyaẹnmwa ne Osanobua ọghe Jekọb ne erha mwa odede, te a gha rho ruẹ ẹdẹ kevbe ẹdẹdẹmwẹdẹ!

I Krọnikol 29:20

Ẹre Devid ghi na tama emwa ni hia wẹẹ, “Wa rho e Nọyaẹnmwa Osanobua uwa!” Emwa ni hia ni si koko ye evba keghi wa rho e Nọyaẹnmwa ne Osanobua avbe erha iran odede. Iran keghi ye uhunmwu rhanmwẹ otọ iran na ya ọghọ ne Nọyaẹnmwa kevbe ne ọba.

Psalm 10:7

Ihẹn ne a tie, ọ re ẹmwẹ ne ọ ta hia khin, kevbe ohoghe deba ne a na yan gie ọmwa. Obọ wa kẹ ọre vbe ẹmwẹ ikhuiwu dan ne a ta.

Psalm 108:1

Osanobua, ekhọe mwẹ wa sẹ otọ vbe ẹmwata, I gha so ihuan, I gha rho ruẹ! Rhiọrre, wẹ ekhọe mwẹ!

Psalm 145:1

I gha ta ọta ukpọlọmwẹ ruẹn, Osanobua mwẹ kevbe ọba mwẹ, I gha kpọnmwẹ uwẹ ẹdẹ kevbe ẹdẹdẹmwẹdẹ.

Psalm 145:21

Mẹ gha rho e Nọyaẹnmwa vbe ẹghẹ hia, wa gie emwi ne ayi hia rho eni ẹnrẹn ne ọ huanrẹn ẹdẹdẹmwẹdẹ.

Psalm 16:9

Rhunmwuda ọnii, I kpọnmwẹ, I keghi vbe ghọghọ, ekhọe wa sẹ mwẹ otọ ẹsẹse

Psalm 30:12

Rhunmwuda ọnii, mẹ i ra hunwan I gha so ihuan urhomwẹ ghe ruẹ e Nọyaẹnmwa, wẹ ọrọre Osanobua mwẹ I gha rhie ekpọnmwẹ ne uẹn rhinrin ẹdẹ.

Psalm 34:1

I gha kpọnmwẹ Nọyaẹnmwa vbe ẹghẹ hia. Mẹ i ra dobọ urhomwẹ ọnrẹn yi ẹdẹ.

Psalm 35:28

Rhunmwuda ọnii, mẹ gha mu ẹmwata ruẹ go I gha vbe rho ruẹ ne ebi ro.

Psalm 51:14

Fi mwẹ yi Nọyaẹnmwa, ne u miẹn mwẹ fan, mẹ gha ya oghọghọ na iyẹn ẹmwata ruẹ.

Psalm 57:8

Rhiọrre wẹ ne orhiọn mwẹ wa rhiọrre, ukusẹ kevbe akpata, I gha huẹn owẹn vbe ovbe.

Psalm 59:12

Orukhọ rre aranmwẹ iran, orukhọ ọ re ẹmwẹ ne unu iran hia khin, te ifi itengbemu iran gha mu iran, rhunmwuda ne iran na tie ẹbọ, ne iran na vbe ta ohoghe.

Psalm 62:4

Te uwa ho ne uwa siẹe guọ, hin ehe uyi ẹre rre kẹkan; ohoghe ne a ta ghi wa gha yẹ uwa wa ghi gha na erhunmwu, vberriọ, wa ye otọ ẹko tie ihẹn ne ẹn.

Psalm 63:4

I gha rhie ekpọnmwẹ nuẹn vbe ẹghẹ ne I gha tọn obọ mwẹ mu na erhunmwu ghe ruẹ.

Psalm 71:24

I gha na iyẹn umamwẹ ruẹn ne ebi ro, rhunmwuda, iran ni te ho ne iran kuan mwẹ, obọ gba iran a keghi fa iran an.

Asan-Ibo 7:22

Wẹ tobọọ rẹnrẹn wẹ ẹ i re avbiẹ inugba wẹ he rhovbiẹ emwa ọvbehe.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Matiu 26:74

Ẹghẹ ni, Pita ghi na suẹn gha vẹn ihẹn, ọ wẹẹ, “I gha ta ohoghe, ne Osanobua mu mwẹ rhia, I ma zẹdẹ rẹn ọmwa nii!” Vbe ọwarọkpa nii, ọkpa keghi viẹ.

Matiu 5:44

Sokpan, mẹ tama uwa nian, gha ho ẹmwẹ nọkhuiwu ruẹ, gha na erhunmwu ne iran ni zẹ uwẹ owẹ.

Iwinna 2:26

Rhunmwuda ọnii, orhiọn mwẹ ghọghọe, ẹmwẹ ne unu mwẹ vbe vuọn ne oghọghọ, kevbe imẹ, I rhe re ọmwa kẹkan, I gha gbe ẹkun sẹ otọ vbe idaehọ.

Ebe ne Pọl gbẹẹn gie emwa Rom 3:14

unu iran vuọn ne ihẹn agan i bọ ọmọ.

I Kọrinti 11:7

Okpia i re ne ọ gha gue uhunmwu ẹnrẹn, akpa ọghe ama kevbe uyi Osanobua ọre irẹn khin. Sokpan akpa ọghe uyi okpia ọre okhuo khin.

Ẹfisọs 1:3

Wa gie ima rhie ekpọnmwẹ ne Osanobua kevbe Erha Nọyaẹnmwa Jesu Kristi! Rhunmwuda, rẹn fiangbe mwa nẹ vbe uwu akugbe ba Kristi vbe ekpa ne ọ na rhie ọhẹ emwi orhiọn ne ima ke ẹrinmwi gha dee.

Jems 1:27

Emwi ne Osanobua ne Erha tie ẹre iyayi ẹmwata ne ọ gbae ọre ọna khin, ne a gha koko avbe emọ ne ẹ i mwẹ erha kevbe ikhuo ni de ẹgbẹ vbe uwu usẹ ne iran ye, kevbe ọmwa bi egbe, ne agbọn na ghẹ mu ẹn rhia.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.

I Pita 1:3

Wa gie ima rhie ekpọnmwẹ ne Osanobua ne Erha kevbe Nọyaẹnmwa Jesu Kristi! Rhunmwuda itohan rẹn nọkhua, ọ keghi rhie arrọ ọghe ọgbọn ne ima, vbe ekpa ne ọ na huẹn Jesu Kristi kpao vbe orinmwi. Ọ na rhie idaehọ ne ọ ma wu vuọn ima.

Giọgis 9:27

Iran kegha rrie ugbo iran, iran na ya kọlọ ọmọ erhan ne a ya ru ayọn ne ọ baa, iran keghi ru ayọn, iran na ya ẹe le evbare emwiukpo. Iran na gha rrie aro ẹbọ iran, iran na ya gha re, iran na ya gha da, iran na gha ye Abimẹlẹk gbe ogiẹ.