Jems 3:3 - Edo Bible (E Baibol Ẹdo) Version 1996

³ Te ima rro ekagha ye ẹsin unu, ne iran miẹn ehe na gha ru vbene ima ho, ẹghẹ nii, ma ghi sẹtin gha sua iran la ehe ne ima ho.

Jems 3:3 Iomraidhean Croise

II Ọba 19:28

A tama mwẹ nẹ ighẹ vbe ne u rhuọ kevbe vbene u yanma hẹẹ, banbanna nian, te I ra ha ẹghọ ye uẹ ihue ne I vbe gbe ukhu ye uẹ akọn ne I vbe rhie ruẹ la odẹ ne u la rre werriegbe gha rrie.”

Job 41:13

Ai miẹn ọmwa ne ọ gha sẹtin ban ikpakpaọke-ukhunmwu hin ẹre egbe rre, ra ne ọ ha uvun ye ẹwu okuo ne ọ yọ.

Psalm 32:9

Wẹ ghẹ zurọ ua zẹvbe ẹsin ra ẹmila, ne a rrọ ekagha ye ọre unu ya winna, ne ọ miẹn ehe na gha họn ẹmwẹ.”

Psalm 39:1

Mẹ khare wẹẹ, “I gha ya ẹwaẹn gha ru emwi, mẹ i ra vbe gie aranmwẹ mwẹ ya mwẹ ru orukhọ mẹ i ra vbe guan ẹmwẹ rhọkpa vbe avbe emwa dan ra sikẹ mwẹ.”

Aizaia 37:29

A do na iyẹn ma mwẹ nẹ vbene u gha vannọ kevbe vbene u gha rhuọ hẹ, banbanna nian, I gha ha ẹghọ ye uẹ ihue, I ghi gba ukhu ye uẹ akọn, I ghi mu ẹẹn la odẹ ne u la rre gha rrie.”

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 3:4

Wa vbe ghe okọ ne khua, ghe vbene ọ digba sẹ nii, kevbe ne ẹhoho ne ọ bi ẹe khian a yan wo vbe egbe sẹ, emwi ne a ya dia okọ ye odẹ ne kherhe nii, ọre a ya dia ẹre, ọ ghi vbe gha rrie ehe ne oziguẹ ho ne ọ gha rrie.