Jems 3:1 - Edo Bible (E Baibol Ẹdo) Version 1996

¹ Etẹn mwẹ, ọ ma kei ne ima hia wa gha re emamwaemwi, rhunmwuda, wa rẹnrẹn ighẹ, ma ne emamwaemwi ọre a ra ya obọ ne ọ tọn mu sẹẹ emwa ọvbehe vbe a gha bu ohiẹn.

Jems 3:1 Iomraidhean Croise

Levitikọs 10:3

Ẹre Mosis na tama Errọn wẹẹ, “Emwi ne Nọyaẹnmwa gha kha ẹghẹ nii ọre ọ na khin vbe ẹghẹ ne ọ na kha wẹẹ, ‘Iran hia nii ga mwẹ, ọ kere ne iran gha da ne uhuanmwẹ mwẹ, I gha rhie uyi mwẹ ma emwa mwẹ.’ ” Sokpan Errọn ma guan ẹmwẹ rhọkpa.

Malakai 2:12

Te Nọyaẹnmwa gha yuo emwa ni ru egbe emwi vbenian kua hin uwu ẹbu ivbi Izrẹl rre, ne ọ ghẹ ghi vbe gie iran mwẹ oghae vbe emwi ne ẹvbo mwa do ya gha ha oko gie Nọyaẹnmwa ne Oghodua.

Matiu 10:24

“Ọmwa ne a ma ẹre emwi, ẹ i kpọlọ sẹ ọmwa ne ọ ma ẹre emwi. Ọviẹn i sẹ enarẹn.

Matiu 23:13

“U miẹn agbọn ne uwa ye eni ma emwa Uhi kevbe Farisi, ayunukpaegbe! Wa khui urho Arriọba ẹrinmwi ke emwa yi, wa tobọ uwa ma ho ne uwa la owa, emwa ni ho ne iran la owa, wa ma kie ne iran. [

Matiu 23:14

“U miẹn agbọn ne uwa ye, eni ma emwa Uhi kevbe Farisi, ayunukpaegbe! Wa miẹn ehe na la avbe ẹgbẹ egbe, wa do iran emwi hia viọ fo, wa keghi gha na erhunmwu ne ọ taẹn ọ ghe ne a ba bẹghe mwẹ. Ena ọre a gha rhunmwuda ẹre rria uwa ikhi sayọ.]

Matiu 9:11

Ugbẹn vbe eso vbe uwu avbe Farisi ghi miẹn ọna, iran khama avbe erhuanegbe ẹre wẹẹ, “Vbọzẹ ne arowa uwa na gu avbe emwa vberriọ rri evbare yi?”

Iyẹn ne ọ Maan Ọghe Luk 16:2

Rẹn keghi tie ẹre, ọ nọ rẹn wẹẹ, ‘Vbe ena khun ẹmwẹ ne I họn vbe kpa ruẹ na yi? Ya gbẹnnẹ vbe ne u mwamwa emwi mwẹ hia hẹ mu gunmwẹ, u i ghi ra gha re ọdia iwinna mwẹ ọvbehe.’

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Iyẹn ne ọ Maan Ọghe Jọn 3:10

Jesu wanniẹn wẹẹ, “Ọmamwaemwi nọkhua wẹ khin vbe Izrẹl, u ma rẹn ọna ra?

Iwinna 13:1

Vbe Esọsi ne ọ rre Antiọk, avbe akhasẹ kevbe avbe emamwaemwi kegha rrọọ: Banabas, Simiọn (ne a vbe tie ẹre Usie,) Lusiọs (ne ovbi e Sairin,) Manaen (ne ọ ka gu Hẹrọd ne ọ khaemwisẹ dia yi,) de ba e Sọl.

I Kọrinti 12:28

Rhunmwuda ọnii khekherriọ, te Osanobua rhie ihe edọmwadẹ ọghọe nẹẹn vbe uwu esọsi, okaro avbe ukọ, vbe ukpo ne ogieva, avbe akhasẹ, vbe ukpo ne ogieha avbe ọmamwaemwi, vbe iyeke ọnii, iran ni winna iwinna ọyunnuan, iran ne a rhie ẹtin ne a ya sinmwi ọmwa na ghi lele ẹe, ra iran ni ye emwa ọvbehe obọ, ra ne ọ dia iran ye odẹ, ra ne iran gha ye urhu ne a ma rẹn guan.

II Kọrinti 5:10

Rhunmwuda, ẹ i mwẹ ma hia ma mudia ye odaro Kristi, ne ọ miẹn ehe na bu ohiẹn mwa. ne dọmwadẹ ọghọe miẹn ehe na miẹn emwi ne ọ khẹ kẹe rhie, zẹ vbene ọ ye obọ ru vbe ọ rre agbọn, deghẹ ne ọ maa nọ ra ne ẹ i maa.

Ẹfisọs 4:11

Rọẹn nii ọre ọ ya emwi ne emwa, ọ keghi zẹ eso ne iran gha re ukọ, eso, akhasẹ, eso iran ni kpe orhu iyẹn ne ọ maa, eso avbe ohẹn, kevbe avbe ọmamwaemwi.

I Timoti 1:7

Iran ho ne iran gha re emwa ni ma emwa uhi Osanobua, sokpan iran ma rẹn emwi ne a ya ẹmwẹ ne iran tobọ iran guan kha, a ma ghi wẹ emwi ne iran wa ya ẹtin hia ta, vbe ne a i na vbe rhie aranmwẹ kọ ẹho.

I Timoti 2:7

Ọna ọre ọ vbe zẹ ne a na gie mwẹ zẹ vbe ukọ kevbe ọmamwaemwi avbe iran ne ẹ i re Ju, ne I ya gha kpe orhu iyayi kevbe ẹmwata. Ẹ i re ohoghe I ta, ẹmwata I ta.

II Timoti 1:11

Osanobua zẹ mwẹ, ne I gha kpe orhu nene Iyẹn Ne ọ maa, zẹ vbe ukọ kevbe ọmaemwaemwi.

Hibru 13:17

Wa gha họn ẹmwẹ ne avbe ọkaolotu uwa, wa gha ru vbene iran kha re. Iran ọre ọ gbe aro ghe orhiọn uwa vbe ne a i na hẹwẹ, rhunmwuda ighẹ iran na iyẹn iwinna iran ma Osanobua. Wa ghẹ ghi gha họn ẹmwẹ ne iran nẹ, iran ghi gha ya ọyẹnmwẹ winna iwinna iran, a deghẹ ẹ i ghi ye rriọ, iran ghi gha ye ẹkorriaramwẹ winnaẹn, iyobọ ọkpa i rrọọ ne ọnii gha ru ne uwa.

Jems 1:16

Wa ghẹ gia rẹrẹ uwa re etẹn mwẹ ni ghan.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.

I Pita 5:3

Ghẹ gha ho ne u gha khaemwisẹ yan iran ne a viọ nuẹn ne u gha gbe aro ghe, sokpan gha re ne a ghe ru ne oghẹn ohuan.