Jems 2:9 - Edo Bible (E Baibol Ẹdo) Version 1996

⁹ Sokpan a deghẹ vbene ọmwa ye hẹẹ vbe ore egbe, ọre uwa ya ghe obọ ne uwa gha ya muẹn, wa ru orukhọ nẹ, nene Uhi ghi vbe bu abe gbe uwa zẹ vbe ne ọ rra uhi.

Jems 2:9 Iomraidhean Croise

Levitikọs 19:15

Gha re ne ọ ta ẹmwata kevbe uhunmwu ẹmwẹ; u gha ra bu ohiẹn, ghẹ yaba ovbiogue ra ne u mu ohan enọfe.

Iyẹn ne ọ Maan Ọghe Jọn 16:8

Rẹn gha ghi rre, ọ gha mu ẹn so agbọn aro ighe iran rri abe orukhọ, iran ba odẹ ẹmwata ku, kevbe ọghe ibuohiẹn Osanobua.

Iyẹn ne ọ Maan Ọghe Jọn 8:46

Gha ọ lẹ orukhọ ginna mwẹ obọ vbe uwu uwa? Adeghẹ ẹmwata ọre I ta, vbọzẹ ne uwa ma na ya mwẹ yi?

Iyẹn ne ọ Maan Ọghe Jọn 8:9

Ugbẹn vbe iran ghi họn ẹmwẹ na, iran kegha ye ọkpọkpa rrie, ke egbe avbe eniwanrẹn kpao. Iran keghi sẹ Jesu ọkpa vbe okhuo ni rae ye ehe ne ọ mudia yi.

Iwinna 10:34

Pita keghi suẹn gha guan ọ wẹẹ, “Mẹ miẹn wẹ vbe ẹmwata, aro ọkpa ọre Osanobua ya ghe emwa hia.

Ebe ne Pọl gbẹẹn gie emwa Rom 3:20

Ọmwa ne ogha sẹtin la ekpa ighẹ ọ mu nene Uhi sẹ khian ọmwata vbe odaro Osanobua, ẹ i rrọọ. Emwi ne nene Uhi ru ọrọre ne ọ rhie ma ọmwa wẹ re, ọ ru orukhọ.

I Kọrinti 14:24

Sokpan wa gha kpe orhu ẹmwẹ Osanobua, ọmwa ne ọ ma yayi ra ọmwa kẹkan gha la owa, ẹmwẹ ne ọ họẹn ghi ya ẹe miẹnkue ighẹ ọmwa orukhọ rẹn gele khin. Ẹmwẹ ne ọ họẹn hia ghi gha bu ohiẹn ọnrẹn.

Galatia 2:19

Vbene ọ rhirhi gha ye hẹ, vbe ọ ghe emwi ne ọ dekan nene Uhi, mẹ wu nẹ, nene Uhi tobọ ẹre ọre ọ vbe gbe mwẹ uan, ne I miẹn ehe na gha rre agbọn ne Osanobua. A gbe mwẹ uan ba Kristi nẹ vbe uhunmwu ugbugbe ẹre.

Diuteronomi 1:17

Wa ghẹ gbe ghe obọ ọkpa vbe uwa a bu ohiẹn hiehiere. Abọkpa nii wa ya gha bu ohiẹn hia, ọmwa ne ọ khọnrẹn wẹ ne ọ gha khin. Wa ghẹ mu ohan ọmwarhọkpa, rhunmwuda obọ Osanobua ọ re ohiẹn ne uwa bu ke rre. A deghẹ wa miẹn ohiẹn ne ọ wegbe sẹ uwa, wa ghi mu ẹẹn bu mwẹ gha dee ne I bu ẹre.’

I Jọn 3:4

Ọmwaikọmwa ne ọ ru orukhọ, ọ rri abe ọ ghe wẹẹ, ọ rra uhi Osanobua. Rhunmwuda a rra uhi ọre orukhọ khin.

Ebe ne Jud gbẹẹn 1:15

Ne ọ do bu ohiẹn iran hia, ne ọ do bu abe gbe avbe emwa dan hia, rhunmwuda emwi dan hia ne iran ru, kevbe rhunmwuda ẹmwẹ ihin hian ne iran ne emwa dan na guan gie Osanobua!”