Jems 2:5 - Edo Bible (E Baibol Ẹdo) Version 1996

⁵ Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Jems 2:5 Iomraidhean Croise

I Ọba 22:28

E Makaia keghi datu wẹẹ, “U gha ye egbe hẹnnẹdẹn rre, ọnii rhie maa wẹ ẹ i re Nọyaẹnmwa ọre ọ gie mwẹ uhunmwu.” Ọ keghi kha wẹẹ, “Wa hia họn vbene I kha hẹ na!”

Job 34:10

“Wa danmwehọ mwẹ, wa ni rẹn otọ emwi, Osanobua ne Udazi gha ru emwi ne ọ ma gba ra?

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Job 38:14

Uwanmwẹ ẹdẹ ọ re ọ giẹ a rẹn ehe ne oke kevbe iya ye. Zẹ vbe ehe ne ukpọn na munọ yan egbe, ọ ghi rhie egbe ma zẹ vbene ama ne a yi ye obuẹ ye.

Ẹksọdọs 20:6

Sokpan iran nii ho ẹmwẹ mwẹ nii vbe rhie uhi mwẹ mwẹ, aro nọmaa mwẹ gha rre iran egbe ya sẹ orre arriaisẹn arriaisẹn.

Itan 13:7

Emwa eso ghi gha rhie egbe ye ukpo ọmwa ẹfe, vberriọ ẹ i mwẹ emwi rhọkpa. Emwa ọvbehe eso ghi gha rhie egbe ye ukpo ovbiogue sokpan, ọ wa mwẹ emwi ẹsẹse.

Itan 7:24

Rhunmwuda ọnii nian, ivbi mwẹ, wa danmwehọ mwẹ. Wa rhie ehọ ye ẹmwẹ ne I ta.

Itan 8:32

“Banbanna nian, wa danmwehọ mwẹ, wa ne igbama, wa gha ru vbene I khare, wa gha miẹn oghọghọ.

Aizaia 14:32

Vbe ima ra ya wanniẹn ọre ẹmwẹ hẹ yi ighe ọmwa ne iran gie ẹre uhunmwu ke Filistia gie ima? Ma gha tama rẹn wẹ e Nọyaẹnmwa gbe Zaiọn ẹkun sotọ nẹ kevbe wẹ emwa rẹn ni sẹ usẹ gha di evba ya vbe a i mwẹ ebe.

Aizaia 29:19

Avbe ivbiogue kevbe avbe emwa ni mu egberriotọ gha vbe dọlegbe miẹn ọyẹnmwẹ ne Nọyaẹnmwa ne ọmwa nọhuanrẹn Izrẹl rhie ne ọmwa.

Zẹfanaia 3:12

I gha sẹ avbe ọmẹhẹ ni mu egberriotọ rae ye evba, iran na ọ re ọ gha do gha nọ iyobọ vbe obọ mwẹ.

Zẹkaraia 11:11

Ẹdẹrriọ ọ re a soo nene ile gọ. Iran ni dele, kevbe ni vbe khiẹnnẹ nene ohuan kegha ghe mwẹ, iran keghi vbe rẹn wẹ, te Nọyaẹnmwa ye emwi ne I ru na gie uhunmwu gie emwa.

Zẹkaraia 11:7

Iran ni dẹlẹe kevbe ni vbe khiẹnnẹ avbe ohuan na, keghi rhie mwẹ vbe iwinna, mẹ keghi khian Ọsuohuan avbe ohuan ne a ra ya gbele ua. I keghi viọ ọkpọ eva mwẹ obọ, I keghi tie ọkpa vbọ “Aro ne ọ maa” kevbe nọkpa “Akugbe.” I na gha gbearoghe avbe oghẹn ohuan nii.

Matiu 11:5

Avbe arhu aro bẹghe odẹ, avbe uke khiaẹn, a khue avbe ekhọnmwoti huan, avbe ayin ehọ họn ẹmwẹ, a huẹn avbe ni wulo kpaegbe, a kporhu Iyẹn Ne ọ maa ma avbe ivbiogue.

Matiu 25:34

Ọba ghi tama iran ni rre obọ erha ọmwa wẹẹ, ‘Wa larre, wa ne erha mwẹ fiangbe, wa do mu arriọba ne a kpehe ẹre ye otọ khẹ uwa ke ne a ya yi agbọn gha dee.

Matiu 5:3

“Ọ maa ne iran ni rẹnrẹn ighe ivbiogue iran khin vbe orhiọn, iran ọre ọ yan Arriọba ẹrinmwi!

Iyẹn ne ọ Maan Ọghe Mak 7:14

Ẹghẹ ni ọre Jesu na dọlegbe tie emwa ni gbe ẹbu ye evba, ọ tama iran wẹẹ, “Wa hia fẹẹrẹ wa danmwehọ mwẹ ne ọ miẹn ehe na la uwa ekhọe.

Iyẹn ne ọ Maan Ọghe Luk 12:21

Jesu keghi rhie ugue yọ wẹẹ, “Erriọ zẹẹ ọ gha ye ne iran ni silo ẹfe gboo ne egbe iran, ne ẹ i mwẹ emwi rhọkpa vbe odaro Osanobua.”

Iyẹn ne ọ Maan Ọghe Luk 12:32

“Wa ghẹ fian afianma, oghẹn kherhe. Rhunmwuda, ọ re ekhọe Erha uwa nẹ ne ọ rhie Arriọba ni ne uwa.

Iyẹn ne ọ Maan Ọghe Luk 16:22

Ovbiogue nii ghi wu, avbe odibosa keghi mu ẹn ya diake Ebraham vbe ẹrinmwi. Enọfe ni keghi vbe wu, a na re ẹre.

Iyẹn ne ọ Maan Ọghe Luk 16:25

Sokpan Ebraham tama rẹn wẹẹ, ‘Ovbi mwẹ, yerre wẹẹ, ẹghẹ ne uwa na rre agbọn, emwi ne ọ ghi maa sẹ hia ke wa gha re ọ wuẹ, emwi ne ọ ghi rhia sẹ hia kegha re ọghe Lazarọs, eban nian, egbe rọkhọ irẹn sokpan wẹ rre uwu obalọ.

Iyẹn ne ọ Maan Ọghe Luk 22:29

Zẹ vbene Erha mwẹ rhie ẹtin mẹ ne I ya gha khaemwisẹ, erriọ zẹ me gha vbe gu uwa hẹnhẹn ọẹn.

Iyẹn ne ọ Maan Ọghe Luk 6:20

Jesu keghi ghe avbe erhuanegbe ẹre, ọ wẹẹ: “Ọ maa ne uwa ne ivbiogue: Wa ọ yan Arriọba Osanobua.

Iyẹn ne ọ Maan Ọghe Jọn 7:48

Wa he họn ọkpa vbe uwu avbe olotu ra avbe Farisi ne ọ ya ẹe yi ra?

Iwinna 7:2

Stivin keghi wanniẹn, ọ wẹẹ, “Wa ne etẹn mwẹ kevbe erha mwẹ, wa danmwehọ mwẹ. Osanobua ọghe uyi rhie egbe ma Ebraham ne erha mwa odede vbe ẹghẹ ne irẹn na gha rre Mẹsopotamia, vbe ọ ma he si gha rrie Haran.

Ebe ne Pọl gbẹẹn gie emwa Rom 8:17

Vbene ima ghi na rre ivbi ẹre, afiangbe ẹre ne ọ rhie khẹ emwa rẹn, gha khian ọghomwa, ma ghi vbe gu Kristi gha mwẹ oghae vbe avbe emwi ne ọ hẹ khẹ ọre, rhunmwuda deghẹ ma ghae vbe oya Kristi, ma gha vbe ghae vbe uyi ẹre.

I Kọrinti 2:9

Sokpan vbene ebe kha re: “Emwi ne ehọ ma he họn, ne aro ma he miẹn, emwi ne a ma ro ighẹ ọ gha sẹtin sunu ẹdẹ, ọre Osanobua mwamwa ye otọ khẹ iran ni họ ẹmwẹ ọnrẹn.”

II Kọrinti 4:15

Rhunmwuda uwa ọre ena hia khin, zẹ vbene ẹsọhẹ Osanobua ya sẹ egbe emwa ni bun, erriọ iran gha vbe ya gha na erhunmwu sẹ ayọ ba ekpọnmwẹ ne uyi Osanobua.

II Kọrinti 6:10

A rhe rhia ima ẹko rua, sokpan ọyẹnmwẹ sẹ mwa vbe ẹghẹ hia, ma yevbe ivbiogue, sokpan ma ya emwa ni bun khian eni fe, ma ye vbe ekhẹn ivbabọ, sokpan ma wa mwẹ emwi hia.

II Kọrinti 8:9

Rhunmwuda, wa rẹn ẹsọhẹ ọghe Nọyaẹnmwa Jesu Kristi wẹ vbene irẹn rhe fe sẹ hẹ, ọ keghi rhunmwuda uwa ye egbe khian ovbiogue, ne irẹn miẹn ehe na la ekpa a i mwẹ ọghọe ye uwa khian ni fe.

Ẹfisọs 1:18

I vbe rinmwian wẹ, ne a kie uwa ekhọe, ne uwa miẹn ehe na dẹghe nene uwanmwẹ, ne uwa miẹn ehe na rẹn idaehọ ne irẹn tie uwa yi, kevbe vbene ọ hin ukhuaẹn sẹ hẹ ighẹ afiangbe ọyunnuan ne irẹn ve emwa rẹn re.

Ẹfisọs 3:8

Mẹ kanmwa sẹ ne ọ ghi kanmwa sẹẹ vbe uwu avbe emwa Osanobua, sevba, Osanobua keghi ya ọna ru mwẹ ẹse wẹ, ne I rhie Iyẹn Ne ọ maa ọghe ẹfe Kristi ne ẹ i mwẹ okhiẹ bu iran ne ẹ i re Ju gha khian.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

II Tẹsalonaika 1:5

Emwi ne a ya rẹn ighẹ ohiẹn ẹmwata ọre Osanobua bu ọna khin, rhunmwuda wẹ, la ekpa emwi na hia rre, wa ghi do khian emwa ni kei ye Arriọba ẹre ne uwa rri oya ba.

I Timoti 6:18

Tama iran, ne iran gha ru emwi esi, ne iran gha re ni fe vbe emwi esi ne a ru, ne iran gha zẹ emwi obọ, ne iran vbe mu egbe ne iran gha ya ghae ne emwa ọvbehe.

II Timoti 4:18

Erriọ Nọyaẹnmwa gha yuo mwẹ hin uwu ọkhọ hia rre, ọ ghi rhie mwẹ gha rrie Arriọba ẹrinmwi ẹnrẹn vbe ne a i na mwẹ ẹbe. Uyi ọre ọghọe ẹdẹ kevbe ẹdẹdẹmwẹdẹ. Isẹ.

II Timoti 4:8

Wanwanna nian, igho ọmwẹguae ne a ra se yọ mwẹ obọ dia khẹ mwẹ nẹ, nene ẹde ọmwa ẹmwata, ne Nọyaẹnmwa ne ẹ i bu eku gha mu mẹ Ẹdẹ ne ẹdẹrriọ, ẹ i vbe re mẹ ọkpa, sokpan kevbe iran hia ni ye aho ẹmwẹ ọmwa diakhẹ ẹghẹ ne ọ gha ya ye egbe ladian.

Hibru 11:26

Rẹn roro ẹe wẹ ne a rri oya a ye ọmwa gbe ogie rhunmwuda e Mẹzaia, ọre ọ maa sẹ ẹfe ni rre Igipt hia, rhunmwuda rẹn rhie aro ye ẹse ne a gha do san irẹn re ẹdẹ ne ọ dee.

Jems 1:12

Afiangbe nọ ne ọmwa ne ọ ziẹn egbe vbe a gha danmwẹ ọẹn ghe, rhunmwuda a deghẹ ọ ma rrie edanmwẹ, ọ gha miẹn arrọọ rhie zẹ vbe ne Osanobua ve iran ni ho ẹmwẹ ọnrẹn re.

Jems 1:16

Wa ghẹ gia rẹrẹ uwa re etẹn mwẹ ni ghan.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:9

Ọtẹn ne ọ re ovbiogue, a deghẹ Nọyaẹnmwa ghi vbe tọn ẹn mu, wẹ ne ọ gha ghọghọ.

I Pita 1:4

Rhunmwuda ọnii, te ima ghi rhie aro ye odẹ wẹ, ọ gha sẹ ima obọ vbe afiangbe ọrhẹnrhẹn ne Osanobua rhie khẹ emwa rẹn. Ọ rhie ẹre hin rre khẹ uwa vbe ẹrinmwi, ehe ne ẹ i na sẹtin kẹkẹ na ne ọ rhia, ra ne ọ fafaa.

II Pita 1:11

Odẹ vberriọ ọre a gha na rhie asẹ ne ọ gbae fo ne uwa, ne uwa ya la uwu Arriọba etẹbitẹ, ọghe Nọyaẹnmwa kevbe Ọmiọnmwafan mwa Jesu Kristi.

Arhie Maan 2:9

I rẹn emwi ne ọ kpokpo uẹ. I rẹnrẹn ighẹ ovbiogue ọre u khin sokpan vbe ne ẹmwata, ọmwa ẹfe ọre u khin! I vbe rẹn ẹmwẹ dan ne iran talọ vbe ekpa ruẹ ighẹ iran ni wẹ Ju ọre iran khin, vberriọ iran i re ọre, otu ne Setan yanrẹn ọre iran khin.

Arhie Maan 21:7

Ọmwa ne ọ rhirhi khọn miotọ, emwi ne I gha rhie nẹẹn ọre ọ na khin. Mẹ gha re Osanobua ẹre, rẹn ghi vbe gha re ovbi mwẹ.

Arhie Maan 3:18

Rhunmwuda ọnii, I gu uẹ zẹ iro nian ne u do gun mwẹ dẹ igoru, igoru ne a ma gua, ne u miẹn ehe na fe. Vbe dẹ ogbọnmwọkpa ya gha mu egbe, ne u rhuan ẹn gue irhunmwirhun efaa ne u ye. U ghi vbe dẹ ukhunmwu eso gha ya ye aro, ne u miẹn ehe na gha dẹghe.

Giọgis 9:7

Ugbẹn vbe Jotam ghi họn ẹmwẹ na, ọ na gha rrie Oke Gerizim, ọna mudia yan uhunmwu ẹnrẹn, ọ na datu gu iran guan wẹẹ, “Wa danmwẹ ehọ mwẹ ivbi e Siẹkẹm, Osanobua gha vbe danmwẹ ehọ uwa!

I Samuẹl 2:30

Mẹ ne Nọyaẹnmwa ne Osanobua ọghe Izrẹl ọ re ọ yan rẹn vbe ẹghẹ ne ọ gberra wẹ ẹwae ruẹ kevbe ẹgbẹe ruẹ, gha ga mwẹ zẹ vbe ohẹn ẹdẹdẹmwẹdẹ sokpan, banbanna nian, I khare wẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran an.

I Samuẹl 2:8

Ọ tọn iran ne ẹ i mwẹ mu hin uwu usẹ iran rre. Ọ ya iran ru ihuan ivbi ọba, ọ keghi viọ iran ye ukpo uyi. E Nọyaẹnmwa ọ re ọ yan ẹyotọ agbọn na, uhunmwu iran ọ re ọ bọ agbọn yan.