Jems 2:25 - Edo Bible (E Baibol Ẹdo) Version 1996

²⁵ Erriọ ọghe Rehab ne ebabotu vbe gha ye. Emwi ne ọ ru ọre a ya ka ẹe ye ne ọ mudia ẹse vbe odaro Osanobua, ne ọ na miẹn iran yi ighẹ emwa ne avbe Ju giẹre uhunmwu, ne ọ na ma iran odẹ ọvbehe la gha rrie.

Jems 2:25 Iomraidhean Croise

Matiu 1:5

Salmọn ọre ọ biẹ Boaz (a keghi tie iye ẹe Rehab.) Boaz ọre ọ biẹ Obẹd (a tie iye ẹe Rut) Obẹd ọre ọ biẹ Jese ne ọ biẹ Devid ne ọba.

Matiu 21:31

Vbe uwu iran eva na, gha ọ ru emwi ne erha ẹe ho vbọ?” Iran wanniẹn wẹẹ, “Nọdiọn nọ.” Jesu wanniẹn tama iran wẹẹ, “Ne I tama uwa, avbe iran ni koko igho uhunmwu kevbe avbe igberagia ọre ọra ka la arriọba Osanobua khẹ uwa.

Iwinna 17:7

Jasin keghi vbe viọ iran ye owa ẹre, vbe uwu iran hia, ọkpa ne ọ ya ẹmwẹ Nọgbaisi ru emwi ẹ i rrọọ, iran wẹ ọba ọvbehe vbe rrọọ, ne iran tie ẹre Jesu.”

Hibru 11:31

Iyayi ọre ọ ma gie a gbe Rehab ne ebabotu be emwa ni ma họn ẹmwẹ ne Osanobua, rhunmwuda rẹn keghi miẹn iran ne avbe ọrhẹ yi.

Jems 2:18

Sokpan orhiọnkpa sẹtin kha wẹ, “Wẹ mwẹ iyayi, mẹ mwẹ iwinna.” Ewanniẹn mwẹ ọrọre wẹ, “Tama mwẹ vbene u gha sẹtin gha mwẹ iyayi hẹẹ vbene iwinna ina rrọọ, mẹ gha ya iwinna rhie iyayi mwẹ ma ruẹn.”

Jems 2:22

A deghẹ u miẹn ọẹn? Iyayi ẹre, kevbe iwinna rẹn keghi ku obọ gbe, iwinna rẹn ọre a ya ya iyayi ẹre khian ne ọ gbae.

Jems 2:24

Rhunmwuda ọnii, u gha miẹn nian wẹ, emwi ne ọmwa ru, ọre a ya kae ye ne ọ mudia ẹse vbe odaro Osanobua, ighẹ ẹ i re rhunmwuda iyayi ọkpa.

Jọsua 2:1

Ẹre Jọsua na hẹko gie ọrhẹ eva ke agọ Akesia gha khian, ọ tama iran wẹ ne iran ya ghe otọe Kenan nii ghe kpataki e Jẹriko. Iran ghi sẹ ẹvbo nii, iran na la owa ebabotu ọkpa ne a tie ẹre Rehab, iran na di evba ya vbe asọn nii.

Jọsua 2:15

E Rehab keghi rre owa ne a wa bọ ginna ekẹn ne a gbe ga ẹvbo nii. Rhunmwuda ọnii, ọ keghi ya irri munọ iran la ewindo tuorre.

Jọsua 2:16

Okhuo nii keghi tama iran wẹẹ, “Wa lẹ gha rrie ẹvbo uhunmwu oke, a deghẹ ẹi re erriọ, obọ ibiẹka ọba gha vba uwa, wa ghi lẹre la ikpẹdẹ eha iran te do werriegbe rre. Iyeke ọnii, wa sẹtin lele odẹ uwa gha khian.”

Jọsua 2:4

Sokpan okhuo nii keghi viọ ikpia eveva na, ọ na viọ iran lẹre, rẹn keghi wanniẹn wẹẹ, “Vbe ẹmwata, ikpia eso gele sẹ owa mwẹ, sokpan I ma rẹn ehe ne iran ke rre. Ovẹn ghi dero, vbe a te khui urho ẹvbo vbe asọn, iran keghi vbe kpao. Sokpan I ma nọ iran ehe ne iran rrie.” (Rẹn keghi viọ avbe ọrhẹ nii la ihie, ọ keghi ye erhan kevbe ebe izẹ ni rre evba gue iran ginna otọ.)

Jọsua 6:17

Ẹvbo na kevbe emwi hia ni rre uwu ẹre, a yae fi ohan nẹ ne a fuẹn ọnrẹn uan zẹ vbe emwi ne a ya zọ ese ghe Nọyaẹnmwa. E Rehab ne ebabotu kevbe emwa owa ẹre ọkpa, ọre a ra sẹrae rhunmwuda, ọ keghi viọ emwa ne ima gie ẹre uhunmwu lẹre.