Jems 2:19 - Edo Bible (E Baibol Ẹdo) Version 1996

¹⁹ Wẹ yayi wẹ, Osanobua ọkpa kẹkan ọre ọ rrọọ, ọ wa maa. Avbe orhiọn dan vbe yayi, te iran ye guọ zẹzẹzẹ ba ẹmwẹ ohan.

Jems 2:19 Iomraidhean Croise

Aizaia 43:10

“Wa ne ivbi Izrẹl, wa ọrọre osẹe mwẹ; mẹ ọ re ọ zẹẹ uwa, ne uwa gha re eguọmwadia mwẹ ne uwa miẹn ehe na rẹn mwẹ, ne uwa vbe ya mwẹ yi, ne iran vbe rẹn wẹ mẹ ọkpa ọrọre Osanobua. Emwi ne a gho ọvbehe i rrọ gberra mwẹ ẹ i ka rrọ de yi, ẹ i khian vbe gha rrọọ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Aizaia 44:8

Wa ghẹ fian afianma wa ne emwa mwẹ wa rẹn wẹ ke ẹkpo nẹdẹ gha dee do sẹ ebanbanna, I ta avbe emwi ni gha sunu yotọ nẹ, wa ọ re ọ vbe re osẹe mwẹ osa ọvbehe vbe rrọ ra? Osa ọvbehe ne ọ mwẹ ẹtin vberrọ ra! Ne imẹ ma he họn ẹmwẹ ọnrẹn?”

Aizaia 45:6

Te I ru ọna ne emwa hia ke okhiẹ agbọn na ya sẹ obọ nọkpa sẹtin rẹn wẹ mẹ ọrọre Nọyaẹnmwa kevbe wẹ osa ọvbehe i rrọọ.

Aizaia 46:9

Wa ye emwi ni sunu vbe ẹghẹ ne Ọ kpee fua rre; wa miẹnkue wẹ mẹ ọkpa ọrọre Osanobua vbene a gha na miẹn wẹ ọmwa ọkpa ne ọ yevbe mwẹ ẹ i rrọọ.

Jona 4:4

E Nọyaẹnmwa keghi wanniẹn wẹẹ, “Ohu ne uwẹ mu na khẹ kuẹ ra?”

Jona 4:9

Sokpan, Osanobua tama rẹn wẹẹ, “Ohu ne uwẹ mu ye ẹmwẹ erhan na khẹ kuẹ ra?” E Jona keghi wanniẹn wẹẹ, “Ohu ne ọ mu mwẹ sẹ ne ọmwa ya wu.”

Zẹkaraia 14:9

Ẹghẹ nii e Nọyaẹnmwa ghi gha re ọba yan otọ agbọn hia, emwa hia gha ga ẹe zẹ vbe Osanobua, iran ghi vbe gha ya eni ọkpa tie ẹre.

Matiu 8:29

Iran keghi datu vbe udomwurri wẹẹ, “Vbọ kan ima kan ruẹn yi, wẹ ne Ovbi Osanobua? Te u rre do rri ima oya khẹ ọ dee ra?”

Iyẹn ne ọ Maan Ọghe Mak 1:24

“Vbọ kan ima kan ruẹn yi Jesu ne ovbi e Nazarẹt? Te u rre do fuẹn ima an ra? I rẹn ọmwa ne u khin: wẹ ọrọre ukọ ne ọ huanrẹn ọghe Osanobua.”

Iyẹn ne ọ Maan Ọghe Mak 12:29

Jesu wanniẹn wẹẹ, “Ne ọ kpọlọ sẹ ọrọre ‘Danmwehọ Izrẹl Nọyaẹnmwa Osanobua mwa ọkpa ọrọre Nọyaẹnmwa.

Iyẹn ne ọ Maan Ọghe Mak 5:7

Ọ keghi datu wẹẹ, “Jesu Ovbi Osanobua Ne Ọ Yo Sẹ, vbe ọ so mwẹ so uẹ? I ya Osanobua rinmwian, ghẹ rriọ mwẹ oya.” (

Iyẹn ne ọ Maan Ọghe Mak 7:9

Jesu keghi ye rhie tẹe wẹẹ, “Ẹkẹ vbe ero ọre uwa hẹko ya fi iyeke gbe ẹmwẹ Osanobua, ne uwa miẹn ehe na gha zẹ ne egbe uwa ru.

Iyẹn ne ọ Maan Ọghe Luk 4:34

“De! vbọso mwa suẹ Jesu ne ovbi e Nazarẹt? Te u do fuẹn ima an ra? I rẹn ruẹn, odibo Osanobua ne ọ huanrẹn!”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 19:15

Sokpan orhiọn dan nii tama iran wẹẹ, “I rẹn Jesu, I vbe rẹn vbekpa Pọl, sokpan wa na, vbe uwa ke rre?”

Iwinna 24:25

Sokpan Pọl ghi suẹn gha ta ẹmwẹ uyinmwẹ esi, a mu egbe ye ọghọ kevbe Ẹdẹ Ibuohiẹn, ohan kegha mu e Fẹlis, ọ na kha wẹẹ, “U sẹtin gha khian nẹ, I gha dọlegbe tie ruẹ vbe i a miẹn obọ.”

Ebe ne Pọl gbẹẹn gie emwa Rom 3:30

Ọkpa ọre Osanobua khin. Rẹn gha ye avbe Ju khian emwata vbe odaro ẹre zẹ vbene iyayi iran kha re, ọ ghi vbe ye avbe iran ne ẹ i re Ju khian emwata vbekpa iyayi iran.

I Kọrinti 8:4

Vbe ekpa ọghe wẹ deghẹ ọ kere ne a gha rri emwi ne a ya ru ẹbọ, ma rẹnrẹn wẹ, emwi ne ẹbọ mudia ye ihe ẹre keghi re emwi ne ẹ i zẹdẹ rrọọ hiehiere. Ma rẹnrẹn wẹ, Osanobua ọkpa kẹkan ọre ọ rrọọ.

I Kọrinti 8:6

Sokpan Osanobua ọkpa ma mwẹ, ọnii ọ re Evbavba ne ọ yi emwi hia, ọmwa ne ima rre agbọn na, Nọyaẹnmwa ọkpa kẹkan ọre ọ vbe rrọọ, ọnii ọrọre Jesu Kristi, ọmwa ne a la ekpa ẹre yi emwi hia, ọmwa ne ima la ekpa ẹre vbe rre agbọn.

Galatia 3:20

Sokpan, ọ gha re arhiọnkpa kẹkan nọ, a i vbe gualọ ọmwa ne ọ rre ẹkpo iran, ọkpa ọre Osanobua khin.

Diuteronomi 6:4

“Izrẹl, ye ọna rre! E Nọyaẹnmwa, awẹ e Nọyaẹnmwa ọkpa kẹkan ọrọre Osanobua mwa.

I Timoti 2:5

Rhunmwuda Osanobua ọkpa ọre ọ rrọọ, ọmwa ọkpa ọre ọ vbe rrọọ, ne ọ dọlọ Osanobua kevbe emwa ne agbọn kugbe, ọnii ọre ọmwa na ighẹ Kristi Jesu.

Jems 2:8

Deghẹ wa mu uhi Arriọba nii sẹ, zẹ vbene ọ rre uwu ebe wẹ, “Hoẹmwẹ ogieva ruẹ zẹ vbe egbe ruẹ,” emwi esi wa ru.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Arhie Maan 20:10

Esu ne ọ rẹrẹ iran, a keghi mu ẹn, fi uwu odighi erhẹn kevbe ugbofi, ehe ne a ka filo aranmwẹ oha nii, kevbe akhasẹ ohoghe kui. A gha vbe gha rri iran oya asọn kevbe avan ẹdẹ kevbe ẹdẹdẹmwẹdẹ.