Jems 2:13 - Edo Bible (E Baibol Ẹdo) Version 1996

¹³ Rhunmwuda, ọmwa ne ọ ma mwẹ itohan, Osanobua i ra tohan rẹn vbe ọ a gha bu ohiẹn, sokpan itohan ọre ọ khọnmiotọ ibuohiẹn.

Jems 2:13 Iomraidhean Croise

Gẹnẹsis 42:21

Iran keghi gu egbe iran guan wẹẹ, “Emwi ne ima ru ọtẹn mwa re i maa. Aro ima sọe vbene obọ dae sẹ hẹ vbe ẹghẹ ne ọ na gha rinmwian ima ne a lahọ vbe egbe irẹn, sokpan ma ma danmwehọ ẹre. Ọnii ọ re ọ si ọlọghọmwa na ye ima egbe.”

II Krọnikol 28:11

Wa danmwehọ mwẹ! Avbe oghunmwu na, etẹn uwa ni ikpia kevbe ni ikhuo ọre iran khin. Wa gie iran gha rrie ne Nọyaẹnmwa ghẹ ya ye ohu rri uwa oya.”

Psalm 18:25

Nọyaẹnmwa, wẹ guobọ iran ni guobọ ruẹ, u kevbe wa maa fo ne iran ne ọ fo na.

Psalm 85:10

Ahoẹmwọmwa kevbe aguobọ egbe gha miegbe, ẹmwata kevbe ọfumwegbe gha mu egbe dede.

Itan 21:13

U gha wẹ u i danmwehọ utumwẹ ovbiogue, a i vbe danmwehọ ruẹ vbe uwẹ a gha tu nọ iyobọ.

Itan 22:16

Adeghẹ u ha oko gie iran ni fe nẹ, ra te u zẹ ivbiogue kpokpo ne u ya họn ẹfe ruẹ, te uwẹ tobọ ruẹ ra do khian ovbiogue.

Aizaia 27:11

Abọ avbe erhan luẹluẹe, ehia vbe bunnọ kua. Te ikhuo ghi ho iran ya koko. Rhunmwuda wẹ, avbe emwa ni ma rẹn otọ emwirhọkpa, Osanobua ne Ayi ne ọ yi iran i ra tohan iran, ra ne ọ vbe mwẹ ekhọe agiẹngiẹn ghe iran.

Jerimaia 9:24

Adeghẹ ọmwa wẹ rẹn rhuọ emwi ne ọ gha ya rhuọ ọrọre wẹ ọ rẹn mwẹ ọ vbe rẹn vbene I ru emwi hẹ. Rhunmwuda ahoẹmwọmwa mwẹ i beghe, emwi ne ọ gbae kevbe ne ọ hẹnhẹn ọ re I ru. Mẹ ne Nọyaẹnmwa ta ẹe nẹ.”

Ezikiẹl 33:11

Vbene aro na dae na wẹ mẹ ne Nọyaẹnmwa ne Udazi ọrọre Osanobua ne ọ rrọọ, ẹko i rhiẹnrhiẹn mwẹ ye uwu ọmworukhọ. Emwi ne ọ yẹ mwẹ sẹẹ ọrọre ne iran dobọ orukhọ ne a ru yi ne iran diagbọnya. Izrẹl, dobọ orukhọ ne a ru yi. Vbọzẹ ne u na ho ne u wu yi?

Maika 7:18

Ẹbọ ọkpa ne ọ yevbe ruẹ i rrọọ Nọyaẹnmwa, wẹ ya orukhọ bọ avbe emwa ruẹn ni miẹn uhunmwu. U ma gie ohu wa mu uẹn ẹdẹdẹmwẹdẹ, sokpan, te ọ wa yẹ ruẹ ne u gha rhie itohan ruẹn ne ẹ i beghe ma mwa.

Matiu 5:7

Ọ maa ne iran ni tohan emwa ọvbehe, Osanobua gha tohan iran!

Matiu 6:15

Sokpan, deghẹ wa ma ya bọ emwa ni ru uwa khọọ, Erha uwa ne ọ rre ẹrinmwi i vbe ya orukhọ uwa bọ uwa.

Iyẹn ne ọ Maan Ọghe Luk 16:25

Sokpan Ebraham tama rẹn wẹẹ, ‘Ovbi mwẹ, yerre wẹẹ, ẹghẹ ne uwa na rre agbọn, emwi ne ọ ghi maa sẹ hia ke wa gha re ọ wuẹ, emwi ne ọ ghi rhia sẹ hia kegha re ọghe Lazarọs, eban nian, egbe rọkhọ irẹn sokpan wẹ rre uwu obalọ.

Iyẹn ne ọ Maan Ọghe Luk 6:37

“Wa ghẹ bu ohiẹn ẹrrẹe, Osanobua i ra vbe bu ọghe uwa, ghẹ bu abe gbe ẹrrẹe, Osanobua i ra vbe bu gbe uwa, yabọ emwa ọvbehe, Osanobua gha vbe yabọ uwa.

Jems 3:17

Sokpan ẹwaẹn ne ọ ke odukhunmwu rre, keghi re vbe okaro, ne ọ huanrẹn, ọ keghi vbe re ne ọ fu ọmwa egbe rre, ne rọkhọ kevbe ọghe ọse, ọ vuọn ne itohan, ọ keghi vbe viọ emwiorhọ iwinna esi ladian, ẹ i mwẹ ẹko ne ọkhọ ọmwa ra ẹkẹ vbe iwẹnwẹn.

Jems 5:4

Wa ma he ha osa ne iran ne uwa ya gbe ugbo. Wa gha họn vbe ne iran gui hẹ! Eve ne iran ni rhọ emwiokọ uwa ne uwa viẹ, sẹ ehọ Osanobua nẹ, Nọyaẹnmwa ne Oghodua.

Giọgis 1:7

Adonibẹzẹk keghi kha wẹẹ, “Ọba ekigbesiyenẹ ne a giagia ẹre ikpinhianbọ nogie kevbe ikpinhianwẹ nogie kua ọre ọ rhọ iku evbare re vbe ototọ eteburu mwẹ. Te Osanobua vbe ru imẹ emwi ne I ru iran ẹre.” Iran na mu ẹẹn gha rrie Jerusalẹm, odọ nii ọ re ọ ghi na wu.

Giọgis 5:27

Ọ keghi luẹluẹ ye iguẹ. Ọ de gbe otọ, ọ na lovbiẹ hiii vbe owẹ ọre, owẹ ọre, ọ re ọ na luẹluẹ ye iguẹ, ọ na de, ọ de fi otọ, ọ na wu.