Jems 1:8 - Edo Bible (E Baibol Ẹdo) Version 1996

⁸ Rhunmwuda, ọmwa ẹkẹ vbe iwẹnwẹn nọ, emwi ne ọ ru hia, ọkpa ne ọ mu ẹre ugbamugba ne ọ vbe mu aro yi, ẹ i rrọọ.

Jems 1:8 Iomraidhean Croise

I Ọba 18:21

Elaija keghi hin bu iran gha khian ọ keghi kha wẹẹ, “Vbe ọ khian sikan mu uwa unu kpẹ sẹ hẹ yi ne uwa ya ta obọ ne u wa ye vbọ. A deghẹ e Nọyaẹnmwa ọrọre Osanobua, wa gae, a deghẹ e Bal ọrọre Osanobua, wa gae!” Sokpan, emwa nii ma wanniẹn ẹmwẹ rhọkpa.

II Ọba 17:33

sokpan, iran kevbe gha gho ẹbọ iran zẹ vbene iran ru ẹe vbe dọmwadẹ ẹvbo ne iran ke rre.

II Ọba 17:41

Ẹre a na miẹn wẹ, emwa nii ga e Nọyaẹnmwa, sokpan iran kevbe gha gho ẹbọ iran bare. Do sẹ ẹdẹnẹrẹ na, te uniẹn ivbi iran ye ru vberriọ.

Psalm 119:113

Ohu iran ni ma guobọ ruẹ fo mu mwẹ, sokpan, I ho ẹmwẹ uhi ruẹ.

Aizaia 29:13

E Nọyaẹnmwa khare wẹẹ, “Iran na khare wẹ mẹ ọ re iran ga, sokpan, ẹmwẹ iran i mwẹ emwi ne a yae kha, ehe ọvbehe ọ re ekhọe iran ye. Ugamwẹ iran ma gberra uhi emwa nagbọn kevbe ilele ọghe erriọ a ka ru ẹẹ dee ẹdẹ, ne iran ruẹe ye uhunmwu.

Hozia 10:2

Emwa ne ekhọe ẹre vuọn ne erẹrẹ, te iran ghi ra rrioya ye orukhọ ne iran ru. Osanobua gha guọghọ Ogiukpo iran an, ọ ghi dunmwu okuta ẹbọ iran an.

Matiu 6:22

“Aro ọrọre uwanmwẹ egbe, a deghẹ aro ruẹ hianrẹn, egbe ruẹ hia ghi vuọn ne uwanmwẹ.

Matiu 6:24

“Orhunmwu ọkpa ne ọ gha sẹtin ga arowa eva, ẹ i rrọọ. Ọ gha ho ẹmwẹ ọkpa, ọ ghi gha khuiwu enogieva, ọ gha họn ẹmwẹ ne ọkpa, ọ ghi gha yan enọkpa zẹ, wẹ i sẹtin ga Osanobua ga igho.

Jems 1:7

We ọmwa vberriọ ghẹ ro ighẹ, Nọyaẹnmwa gha rhie emwi rhọkpa nẹẹn.

Jems 4:8

Wa sikẹ Osanobua, rẹn gha vbe sikẹ uwa. Wa kpe obọ uwa a, wa ne emwa orukhọ. Wa kpe ekhọe uwa huan, wa ne emwa ẹkẹ vbe iwẹnwẹn.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 3:16

Erriọ ọre ọ wa gbẹn ọẹn vbe ebe ẹre hia ne ọ na guan kan ẹmwẹ na. Ihe eso rre ebe ẹre ne ọ lọghọ, avbe emwa ni re ogboi kevbe ne ọ ma mudia ẹse, ghi gha rhan otọ ọre la odẹ ohoghe, zẹ vbene iran vbe ru ehe ọvbehe hia vbe uwu Ebe. Iran ọ tobọ iran fuẹn egbe iran uan.