Jems 1:3 - Edo Bible (E Baibol Ẹdo) Version 1996

³ Rhunmwuda, wa rẹnrẹn wẹ, iyayi uwa gha sẹtin ya egbe miẹn edanmwẹ vberriọ, emwi ne a la ẹe miẹn ọrọre ẹbo iziengbe.

Jems 1:3 Iomraidhean Croise

Iyẹn ne ọ Maan Ọghe Luk 21:19

Wa mu uhunmwu kọe, rhunmwuda evba ọre imiẹnfan uwa ye.

Ebe ne Pọl gbẹẹn gie emwa Rom 15:4

Rhunmwuda emwi hia ne a gbẹn ye nene Ebe, te a gbẹn ọẹn ne a ya ma ima emwi, ne ima sẹtin la ekpa izinebe kevbe ẹtin ne Ebe rhie ye ọmwa iwu, gha mwẹ idaehọ.

Ebe ne Pọl gbẹẹn gie emwa Rom 2:7

Emwa eso rrọọ ni winna iwinna esi khian, iran ghi gha gualọ uyi, kevbe ọghọ, kevbe ẹfe etẹbitẹ, Osanobua gha rhie ẹfe etẹbitẹ ne iran.

Ebe ne Pọl gbẹẹn gie emwa Rom 8:25

Sokpan, deghẹ te ima rhie aro ye odẹ ba emwi ne a ma he bẹghe, ẹghẹ ni, a ghi heko ye i ziengbe gha diakhẹ ọre.

Ebe ne Pọl gbẹẹn gie emwa Rom 8:28

Ma rẹnrẹn wẹ vbe uwu emwi hia, te Osanobua yaba emwa ni ho ẹmwẹ ọnrẹn ru emwi ne ọ ma an, avbe emwa ne irẹn tie re zẹ vbene ọ mwamwa ẹn.

II Kọrinti 4:17

Ọlọghọmwa kherhe ne ọ rhie gberra khian ne ima ye na, gha rhie uyi nọkhua ọghe etẹbitẹ ne ọ kpọlọ sẹ ọlọghọmwa na ẹsẹse gie ima.

Kọlose 1:11

Te ẹtin ẹnrẹn hia, ne ọ ke uwu ẹtin uyi ẹre rre, gha ye uwa khian ne ọ wo vbe egbe, ne uwa miẹn ehe na sẹtin ye i ziengbe ye egbe miẹn emwi hia.

II Tẹsalonaika 1:4

Ọnii ọre ọ si ẹe ne ima tobọ ima na ye uwa ghagha vbe esọsi Osanobua hia. Ma ghi gha ya ẹe ghan ighẹ vbene uwa ziengbe oya hẹ, ne uwa na vbe yayi vbe uwu a zẹ ọmwa kpokpo, kevbe oya ne uwa re ẹghẹ na.

II Tẹsalonaika 3:5

Nọyaẹnmwa ne ọ lahọ ne ọ su ekhọe uwa lao uwa aho ẹmwẹ Osanobua kevbe izi egbe ne Kristi rhie ne ọmwa.

Hibru 10:36

Te uwa gha mwẹ iziengbe, erriọ ọre uwa gha na sẹtin winna iwinna Osanobua, ne emwi ne ọ ve gha na sẹ uwa obọ.

Hibru 12:1

Zẹ vbe ọ ghe ima, ma mwẹ osẹe ọkhọngborrie ni lẹga mwa, rhunmwuda ọnii wa gie ima bannọ idobo hia kua, kevbe orukhọ ne ọ rhikhan obọ mu ọmwa, wa gie ima mu aro ye ẹmwẹ ulẹ ne ọ rre ima otọ.

Hibru 6:12

Ma i ho ne uwa gha si oroho, sokpan ne uwa gha ye vbe emwa ni yayi ni vbe mwẹ iziengbe, ne emwi ne Osanobua ve sẹtin sẹ uwa obọ.

I Pita 1:7

Emwi ne ọ na sunu vberriọ ọrọre ne a miẹn ehe na ghe a deghẹ iyayi ẹmwata ọre uwa mwẹ. Igoru ne a miẹn wẹ ọ sẹtin rhia, uhin ighẹ te a ye ya erhẹn danmwẹ ọẹn ghe, rhunmwuda ọnii iyayi uwa ne ọ ya ọgbin igho ghan sẹẹ igoru, ẹ i mwẹ a ma danmwẹ ọẹn ghe, na ọ miẹn ehe na tọ. Erriọ ọre uwa gha na miẹn urhomwẹ, ọghọ, kevbe uyi rhie vbe Ẹdẹ ne Jesu Kristi gha ye egbe ne a miẹn.

II Pita 1:6

wa ghi rhie i ziengbe ba irẹnmwi uwa, wa ghi rhie amuwuegbe ba i ziengbe uwa, a ghi rhie a ru emwi vbene ọkhọ ọghe Osanobua ba amuwuegbe uwa,