Jems 1:26 - Edo Bible (E Baibol Ẹdo) Version 1996

²⁶ Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 1:26 Iomraidhean Croise

Job 15:13

Ohu Osanobua muẹn ẹsẹse, te u gha niẹn ukpe ghe ẹre.

Job 30:11

Rhunmwuda ne Osanobua na ya mwẹ khian ne ọ mitan ne ẹ i miẹn emwi ru. Te iran ghi wa ye ẹtin iran hia ye ọkpankpan yọ mwẹ egbe.

Psalm 141:3

E Nọyaẹnmwa, rhie ọkhẹ yọmwẹ unu, kevbe abodẹ ye onurho akhuarhamwunu mwẹ.

Psalm 32:9

Wẹ ghẹ zurọ ua zẹvbe ẹsin ra ẹmila, ne a rrọ ekagha ye ọre unu ya winna, ne ọ miẹn ehe na gha họn ẹmwẹ.”

Psalm 34:13

Adeghẹ erriọ nọ, ghẹ gha ta ẹmwẹ dan, ghẹ gha ta ohoghe.

Itan 10:19

Omwa vbene a talọ sẹ, ọ re a vbe ya ru orukhọ. A dẹghe wẹ wan, te u gha hẹko hunwan.

Itan 10:31

Emwa ẹmwata ghi gha guan ẹmwẹ ẹwaẹn, sokpan aranmwẹ ne ọ ta ẹmwẹ dan, a gha da ẹre obọ yi.

Itan 14:12

Odẹ ne uwẹ te ro wẹ ọ re ọghe ẹmwata sẹtin wa gha re ne a la sẹ uwu.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 16:10

Ẹtin uyi ẹrinmwi ọ re ọba ya guan, emwi ne ọ tae hia ọ re ọ wa re ne ọ gbae.

Itan 16:25

Emwi ne uwẹ wa ro wẹ ọnii ọrọre odẹ ẹmwata, sẹtin gha re odẹ ne ọ rrie uwu.

Itan 19:1

Ọmwa re ovbiogue ne adazẹ, ọ re ọ maa sẹẹ ne a gha re ọzuọ ne ọhọn ohoghe.

Itan 21:26

Emwi ne ọ rhie ru i rrọ gberra ne ọ gha roro emwi ne ọ te ho ne irẹn gha mwẹ. Sokpan ọmwa ẹmwata wa sẹtin ru ẹse, ọ ghi vbe ru ẹre ne ọ la ọmwa aro.

Aizaia 1:13

Ẹ i mwẹ esa ne uwa gha viọ emwi imuohan rre. Eturari ne uwa ya zọ ese wia so mwẹ. I i ghi ho ne I họn ẹmwẹ Emwiukpo Uki Ọgbọn ọghe uwa Ẹdẹ Ikẹtin uwa kevbe ugamwẹ ne uwa si koko ga, orukhọ uwa rhiaa ehia a ne.

Aizaia 44:20

Ẹwaẹn ne ọ rre emwa ma vbe kpọlọsẹ ọghe ọmwa ne ọ rri emuẹn. Emwi akpa ne ọ rre ọre uhunmwu bibi ẹre odẹ sẹ vberriọ nẹ wẹ ẹ i ghi gia yọre obọ. Ẹ i sẹtin tae ma egbe ẹre wẹ amazẹ ne irẹn mu mwẹ obọ ighe ẹ i re Osanobua hiehiere.

Malakai 3:14

Wa khare wẹẹ, ‘Ẹi zẹdẹ mwẹ esa ne a gha ga Osanobua. De esa ne ọ khin ne a gha ru vbene ọ khare ra ne a gha rhie ma e Nọyaẹnmwa ne Oghodua wẹ ọ da mwa ne ima na ru emwi ne ima ru?

Matiu 15:9

Vbe iran ghi ya uhunmwu rhanmwẹ otọ mẹ ba a, vbe iran mu ẹmwẹ uhi emwa kẹkan vbe na miẹn we uhi Osanobua nọ!’ ”

Iyẹn ne ọ Maan Ọghe Mak 7:7

Ọga ne iran ga mwẹ i mwẹ esa, ugbẹn vbe a miẹn wẹ iran ma emwa Uhi emwa kẹkan, vbene a gha kha wẹ uhi Osanobua nọ!’ ”

Iyẹn ne ọ Maan Ọghe Luk 8:18

“Rhunmwuda ọnii, wa ghi ye egbe vbene uwa ya danmwehọ hẹ, rhunmwuda ọmwa nọ mwẹ nẹ, te a ra gha rhie ba ẹre re, ọmwa ne ẹ i mwẹ emwi rhọkpa, a gha wa miẹn ẹre etunnẹ ne ọ te ro ighẹ irẹn mwẹ.”

I Kọrinti 15:15

Yevbe sẹ ọnii, ma keghi khian emwa ni ba Osanobua ohoghe, rhunmwuda, ma ta ẹe wẹ ọ huẹn Kristi kpao vbe idin, vberriọ ọ ma zẹdẹ huẹn ọnrẹn kpao a deghẹ ẹmwata nọ wẹ a i huẹn avbe ni wulo kpao vbe idin.

I Kọrinti 15:2

Ọnii nọ wẹ iyẹn ne ọ maa, ẹmwẹ ne I kpe orhu ẹre ma uwa. Iyẹn Ne ọ maa na ọre a ya miẹn uwa fan, a deghẹ wa daeyi gbangbaangban, sokpan a ma gha kha ighẹ te uwa yayi kua kẹkan.

I Kọrinti 3:18

Ọmwa rhọkpa ghẹ rẹrẹ egbe. Deghẹ a miẹn ọmwa ọkpa vbe uwu uwa ne ọka egbe ẹre ye umẹwaẹn, zẹ vbene emwa ne agbọn ya kha ighẹ ọmwa wan, wẹ ne ọ heko khian akpa, ne ọ miẹn ehe na do gha wan vbe ẹmwata.

Galatia 2:6

Sokpan iran ni ye vbe avbe olotu, I tae vberriọ, rhunmwuda, emwi ne iran khin, i mwẹ esa nọ khin ne imẹ, rhunmwuda Osanobua ighe ikpakpa ya bu ohiẹn. Vbene I kha re, avbe olotu ma vbe gun mwẹ zẹ iro emwi ọgbọn.

Galatia 2:9

Jems Pita vbe Jọn, ni ye vbe avbe ọkaolotu, wa miẹn wẹ, te Osanobua rhie iwinna kpataki na mẹ, iran keghi so imẹ vbe Banabas obọ, zẹ vbe ogieva egbe, ma keghi tae wẹ ma gha winna vbe uwu avbe iran ne ẹ i re Ju, ne iran gha winna vbe uwu avbe Ju.

Galatia 3:4

Emwi ne aro uwa miẹn i zẹdẹ mwẹ esa ne ọ ye hiehiere. Vbe ẹmwata, ọ wa mwẹ esa ne ọ ye.

Galatia 6:3

A deghẹ orhiọnkpa tie egbe ẹre ọmwa kpataki, ugbẹn vbe ẹ i mwẹ emwi ne ọ khin, egbe ẹre ọre ọ rẹrẹ.

Ẹfisọs 4:29

Wa ghẹ gha fi obi unu gie egbe, wa gha ta ẹmwẹ ne ọ yi ọmwa obọ, egbe ne ọ rhie ẹtin ye ọmwa iwu, ọ ghi vbe rhie emwi ne ẹ i te rrọ rre, vbene a gha na miẹn wẹ, ẹmwẹ ne u ye unu ruẹn ta, ghi gha ru ọ maa ne iran ni ya ehọ họn ẹn.

Ẹfisọs 5:4

Erriọ ọre ọ ma vbe zẹdẹ ma ne uwa ne uwa gha ta ẹmwẹ ihi, ẹmwẹ akpa, ra ẹmwẹ iruẹn. Sokpan te ọ kere ne uwa gha rhie ekpọnmwẹ ne Osanobua.

Diuteronomi 11:16

Wa ghẹ gie a bibi uwa odẹ ne uwa ghẹ ya fi iyeke gbe Nọyaẹnmwa ya gha gho ne uwa vbe ya gha ga ẹbọ.

Kọlose 4:6

Wa gie ẹmwẹ uwa gha re ne ọ maa kevbe ne ọ rhiẹnrhiẹn vbe ehọ ẹghẹ hia, wa ghi vbe gua ra gha rhie ewanniẹn ne ọ gua ẹe ro ne emwa hia.

Jems 1:19

Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:22

Wa ghẹ do egbe uwa ọzuọ vbe ekpa ne uwa gha na gha ya ehọ viọ ẹmwẹ ọnrẹn kẹkan. Sokpan wa ya ẹe gha ru emwi.

Jems 2:20

Akpa! Te u ho ne a rhie maa ruẹn wẹ, iyayi, vbe ne iwinna ina rrọọ i ghẹ ẹ i mwẹ esa.

I Pita 3:10

Zẹ vbene ebe kha re, “Ọmwa ne ọ ho ne irẹn rri orhiẹnrhiẹn agbọn, ne irẹn vbe tọọ, we ne ọ ghẹ ghi ta ẹmwẹ dan, ne ọ ghẹ vbe ta ohoghe.