Jems 1:19 - Edo Bible (E Baibol Ẹdo) Version 1996

¹⁹ Wa ghi ye ọna rre o, wa ne etẹn mwẹ ni ghan, Dọmwadẹ ọghọe, vbe uwu uwa, wa ghi gha re ne ọ rherhe danmwehọ ẹmwẹ, sokpan ne ẹ i rherhe guan, kevbe ne ẹ i rherhe mu ohu.

Jems 1:19 Iomraidhean Croise

Nehimaia 8:18

Ke ikpẹdẹ ne okaro ọghe emwiukpo ni kpao ya sẹ ikpẹdẹ ne okiekie, iran kegha fian tie vbe ebe Uhi Osanobua ni ẹdẹgbegbe. Iran keghi ru emwiukpo nii la ikpẹdẹ ihinrọn, vbe ikpẹdẹ ne ogierẹnrẹn, iran keghi do ugie ne a ya mu ẹẹn ye otọ zẹ vbene Uhi khare.

Nehimaia 9:17

Iran ma họn ẹmwẹ ne uẹn, iran mianmian emwi hia ne u ru iran mianmian iwinna ọyunnuan, ne u he winna hia. Vbe uwu itengbemu, iran zẹ olotu ọvbehe, ne ọ viọ iran dọlegbe gha rrie Igipt; sokpan, Osanobua ne ọ yabọ ọmwa ọ re uwu khin wẹ vuọn ne ẹsọhẹ kevbe ahoẹmwọmwa itohan ruẹn kpolo, u ma he iran ye otọ.

Nehimaia 9:3

Vbe omwa ẹgogo eha, a keghi gha tie Uhi e Nọyaẹnmwa ne Osanobua iran ma iran, vbe ẹgogo eha ne ọ lele ẹe, iran kegha miẹn orukhọ iran kue, iran na gha ga e Nọyaẹnmwa ne Osanobua iran.

Job 32:16

Te imẹ ghẹ ghi ye gha khẹ ra, ugbẹn vbe iran guẹ unu nẹ? Iran mudia vbe evba, vbene iran i ghi na mwẹ, ẹmwẹ ọkpa ne iran gha ta.

Itan 10:19

Omwa vbene a talọ sẹ, ọ re a vbe ya ru orukhọ. A dẹghe wẹ wan, te u gha hẹko hunwan.

Itan 13:3

Gha rhie aranmwẹ kọ ehọ guan ne u rhie uhunmwu ẹn hin ẹbe rre. Ọmwa ne ọ mu ẹmwẹ fua gha khian rhie.

Itan 14:17

Emwa ne egbe balọ ghi gha yin uyinmwẹ akpa, emwa ni wan sẹẹ ghi hẹko zin egbe.

Itan 14:29

Adeghẹ wẹ hẹko zin egbe, ọmẹwaẹn ọ re u khin, egbe gha balọ ọ, te u rhie ma kẹkan vbene u kọn sẹhẹ.

Itan 15:18

Ibalegbe ọ re ọ si imuan ẹmwẹ rre, sokpan, te izin egbe rhie ọfumwegbe rre.

Itan 15:2

Avbe umẹwaẹn gha guan, iran ghi gha ya irẹnmwi yẹ ọmwa; sokpan, avbe akpa, te iran kpa ẹmwẹ oya ladian.

Itan 16:32

Ọmwa ne ọ ziengbe ọ re ọ maa sẹẹ ne ọ hẹ ẹtin. Ọmwa sẹtin kha yan egbe ẹre ọ re ọ maa sẹẹ ọ kha yan okpẹvbo.

Itan 17:14

Omuhẹn imuanmwẹ, te ọ yevbe ehe ne ekẹn ne a gbe khiọ orogho amẹ na ha uvun, zẹgiẹgiẹ ran rẹn ọ te fannọ uan.

Itan 17:27

Ọmọ ne ọ rẹn enegbe i talọ ẹghẹ hia; ọmwa ne ọ hẹko zin egbe, ọmwa ne ọ ghe umọdia emwi ọ re nọ.

Itan 18:13

Gha danmwehọ ẹmwẹ nẹ, u kegha rhie ewanniẹn yọ, adeghẹ ẹ i re vberriọ, te u ru emwi ọzuọ ne ọ vbe yagha ọmwa.

Itan 18:21

Ẹmwẹ ne u tae sẹtin sinmwi ọmwa, ọ vbe sẹtin gbe ọmwa, rhunmwuda ọnii, u ghi mu egbe ne u ye egbe miẹn emwi ne ẹmwẹ ne unu ruẹn si rre.

Itan 19:11

U gha re ọmọ ne ọ wan, u gha ziengbe vbe ohu a gha mu ẹn. Ọmwa gha ruẹ emwi ne ọ ma kei, uyinmwẹ ọmẹguae nọ adeghẹ u yangbe ẹe.

Itan 19:19

Adeghẹ egbe balọ ọmwa, wa giee ye egbe miẹn emwi ne a lae miẹn. U gha fan ẹn hin ọlọghọmwa rre uhukpa, u gha yevbe dọlegbe ru ẹe.

Itan 21:23

U gha ho ne u ghẹ miẹn orueghe, gha roro ẹmwẹ u te tae.

Itan 25:28

Adeghẹ u i guara ziengbe vbe ohu a mu uẹn, te u wa mu egbe fua, zẹ vbe ẹvbo ne a ma gbe ekẹn gaa, ẹ i sọn emwa guẹ gbinna.

Itan 29:20

Ọzuọ ne ọzuọ ọ re idaehọ rrọ na sẹ ọmwa ne ẹ i roro ẹmwẹ ọ ke ta ẹe.

Nọmbas 22:27

Ugbẹn vbe ekẹtẹkẹtẹ ghi bẹghe odibosa ẹghẹ na, ọ na mu ẹko rhu otọ. Ohu keghi kakabọ mu e Balam, ọ na gha ya ukpokpo ẹre gbe ekẹtẹkẹtẹ nii.

Matiu 5:22

Mẹ tama uwa nian, ọmwa ne ọ rhirhi mu ohu ọtiọnrẹn, a gha siẹe gha rrie ọghe nọbuohiẹn. Ọmwaikọmwa ne ọ tama ọtiọnrẹn wẹẹ, ‘Wẹ ne agbọn fi’ a gha siẹe gha rrie ọghe eghaẹvbo. Ọmwa ne ọ vbe tie ọtiọnrẹn ‘Emazurọkọ’, te ọ gbẹn odẹ ẹrinmwi ne ehianmwẹ ivin.

Iyẹn ne ọ Maan Ọghe Mak 12:37

Devid tobo ẹre tie ẹre ‘Nọyaẹnmwa,’ vbe nene Mẹzaia ghi vbe ya re ovbi Devid hẹẹ?”

Iyẹn ne ọ Maan Ọghe Mak 2:2

Emwa hia na wa do ma ye evba sẹrriọ wẹ ọ ma ghi gua ẹvbo ya sẹ onurho ore. Jesu kegha kpe orhu ma iran.

Iyẹn ne ọ Maan Ọghe Luk 15:1

Ẹghẹ ọkpa, avbe iran ni koko igho uhunmwu kevbe avbe ẹwobi emwa keghi do gha danmwehọ Jesu.

Iyẹn ne ọ Maan Ọghe Luk 19:48

Sokpan iran ma rẹn vbene iran gha ruẹe hẹẹ rhunmwuda emwa hia kegha wa danmwehọ ẹre vbene iran i na ho ne ẹmwẹ ọnrẹn ọkpa kẹkan la iran iyeke ehọ de fua.

Iwinna 1:15

Vbe iyeke ikpẹdẹ eso, iran ni yayi keghi si koko ye ehe ọkpa, ehia keghi gha re iyehan (120), Pita keghi kpaegbe, ọ na gha guan, ọ wẹẹ,

Iwinna 10:33

Ọre I na gie ne a tie ruẹ rre ọwarọkpa, wẹ ne ọ maa na wa vbe gha dee. Banbanna nian, odaro Osanobua ma ghi ye na, ma mu egbe ne a ya họn ẹmwẹ ne Nọyaẹnmwa wẹ ne u ta.”

Iwinna 13:48

Ugbẹn vbe iran ne ẹ i re Ju ghi họn ẹmwẹ na, iran keghi ghọghua, iran keghi rho ẹmwẹ Nọyaẹnmwa, iran ne a hannọ zẹ ye ẹfe ne ẹ i fo nẹ, keghi do yayi.

Iwinna 17:11

Emwa ni rre ẹvbo na ọre ẹdẹ gbe vbe ẹko sẹ iran ni rre Tẹsalonaika. Iran keghi wa gbe ẹkun sẹ otọ gha danmwehọ ikporhu nii, iran kegha tie Ebe ẹsẹse gualọ otọ ẹre ne iran miẹn ehe na rẹn a deghẹ ẹmwata ọre ẹmwẹ ne Pọl tae khin.

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Ẹfisọs 4:26

Deghẹ ohu muẹn, ghẹ gie ohu ne ọ muẹn ya a ru orukhọ, ghẹ vbe mu ohu la ẹdẹ hoho.

Ẹfisọs 4:31

Wa gbe ukhu ẹre ua ighẹ ẹkorriaramwẹ, owowo, kevbe ohu, wa ghẹ ghi vannọ okan, ra ne a gha tie ihẹn, wa gie ẹkokhọmwẹ fo, ke ẹe kevbe emwi ni ye rriọ hia.

Kọlose 3:15

Ọfumwegbe ne Kristi rhie ne ọmwa, ọre ọ kere ne ogha re ne ọ buohiẹn vbe uwu ekhọe uwa, rhunmwuda, ọfumwegbe na ọre Osanobua tie uwa kugbe ba vbe ẹgbẹe ọkpa nii. Wa vbe gha kpọnmwẹ.

Kọlose 3:8

Banbanna nian, te uwa gha sẹ avbe emwi na hia rae, ohu orriarria kevbe ẹko ọmwa khọ ọmwa. Ghẹ tie ihẹn ra ne u gha ta ẹmwẹ ihin ladian vbe unu.

I Tẹsalonaika 2:13

Ọna ọre emwi ne ọ vbe si ẹe ne ima na rhie ekpọnmwẹ ne Osanobua vbe ẹghẹ hia. Ugbẹn vbe ima do kpe orhu ẹmwẹ Osanobua mwa uwa, wa họn ẹn, wa keghi vbe miẹn ẹnrẹn ye ehọ, ẹ i re zẹ vbe ẹmwẹ emwa ne agbọn kẹkan, sokpan zẹ vbe ẹmwẹ Osanobua ne ọ gele khin. Rhunmwuda Osanobua rre uwu ẹbu uwa ni yayi winna.

Jems 1:16

Wa ghẹ gia rẹrẹ uwa re etẹn mwẹ ni ghan.

Jems 1:2

Etẹn mwẹ, a deghẹ edanmwẹ ughughan ghi vba uwa, wa ghi gha ka egbe uwa ye ne uhunmwu ẹnrẹn maa.

Jems 1:26

Deghẹ ọmwaikọmwa ro ighẹ ọmwa ne ọ mwẹ iyayi rẹn khin, a deghẹ ẹ i rhie aranmwẹ kọ ẹho guan, iyayi ẹre i mwẹ esa.

Jems 2:1

Etẹn mwẹ, vbe ẹdẹ agbọn uwa zẹ vbe emwa ni ya Nọyaẹnmwa Jesu Kristi yi, ọmwa ne ọre Nọyan uyi, wa ghẹ gha ya okpan ughughan mwa ne emwa, rhunmwuda vbene iran ye vbe ikinnegbe.

Jems 2:5

Wa danmwehọ etẹn mwẹ ni ghan. Avbe ivbiogue ni rre agbọn na, ọre Osanobua zẹe wẹ, iran mwẹ iyayi ẹsẹse kevbe wẹ, iran ọ ra yan arriọba ne irẹn ve iran ni ho ẹmwẹ ọnrẹn re.

Jems 3:10

Ẹmwẹ ekpọnmwẹ kevbe ẹbọ ne a tie ghi gha tue ke unu ọkpa ni ladian. Etẹn mwẹ, ọ ma kei ne ọna gha sunu.

Jems 4:11

Wa ghẹ gha zan egbe etẹn mwẹ, ọmwaikọmwa ne ọ zan ọtiọnrẹn ra ne ọ bu ohiẹn ọnrẹn, ọ zan nene Uhi, ọ keghi vbe gha hu ohiẹn ọnrẹn. A deghẹ wẹ bu ohiẹn nene Uhi, ẹghẹ nii, wẹ i ghi re ne ọ bu vbene nene Uhi kha re, sokpan ne ọ bu ohiẹn ọnrẹn.

Jems 5:12

Ke odaro ehia, etẹn mwẹ, wa ghẹ gha vẹn ihẹn ya ru eyan. Wa ghẹ ya ẹrinmwi vẹn ihẹn ra agbọn, ra emwi ọvbehe ne ọ rhirhi gha khin. A deghẹ erriọ nọ, wẹ re “Erriọ nọ,” a deghẹ ẹ i re erriọ kha wẹ, “Ẹ i re erriọ.” Ne Osanobua ghẹ miẹn ehe na bu ohiẹn ruẹn.

Jems 5:19

Etẹn mwẹ a deghẹ ọkpa vbe uwu uwa bibi odẹ hin ẹmwata rre, ighẹ ọmwa ọkpa ọvbehe na dọlegbe rhie ẹre rre,

I Jọn 2:21

Rhunmwuda ọnii, ẹ i re rhunmwuda ighẹ wa ma rẹn nene ẹmwata ọre ọ ya mwẹ gbẹn ebe gie uwa, sokpan rhunmwuda ighẹ wa rẹn ọnrẹn nọ, wa keghi vbe rẹn wẹ ohoghe i sẹtin ke uwu ẹmwata ladian ẹdẹ.